ଆରମ୍ଭ ହେଲା ଅଟୋମେଟେଡ୍ ଡ୍ରାଇଭିଂ ଟେଷ୍ଟିଂ ସିଷ୍ଟମ; ତଦାରଖ କରିବ AI...

ରାଜ୍ୟରେ ଆରମ୍ଭ ହେଲା ଅଟୋମେଟେଡ୍ ଡ୍ରାଇଭିଂ ଟେଷ୍ଟିଂ ସିଷ୍ଟମ । ଏଣିକି କମ୍ପ୍ୟୁଟର, କ୍ୟାମେରା ଓ AI ଦ୍ବାରା ହେବ ତଦାରଖ । ଆଜି ଗଞ୍ଜାମ, ଚଣ୍ଡିଖୋଲ, ରାଉରକେଲା, ଅନୁଗୁଳ, ସୁନ୍ଦରଗଡ଼ ଓ କେନ୍ଦୁଝର ଭଳି ୬ଟି ସ୍ଥାନରେ ଆରମ୍ଭ ହୋଇଛି ଏଭଳି ବ୍ୟବସ୍ଥା । ଆଗାମୀ ଦିନରେ ୩୮ଟି RTO ଅଫିସରେ ଏହି ବ୍ୟବସ୍ଥା ହେବ । ଏହି ବ୍ୟବସ୍ଥା ସମ୍ପୂର୍ଣ୍ଣ ଅଟୋମେଟେଡ ହେବ ।

ଅନେକ କ୍ୟାମେରା ଖଞ୍ଜାଯିବା ସହ ଆର୍ଟିଫିସିଆଲ ବା AI ଜରିଆରେ ସବୁକିଛିର ତଦାରଖ କରାଯିବ । ଡ୍ରାଇଭିଂ ଲାଇସେନ୍ସ ପ୍ରଦାନରେ ପକ୍ଷପାତ ହେଉଥିବା ଅଭିଯୋଗ ହେଉଥିବାରୁ ଏଭଳି ପଦ୍ଧତି ଆପଣାଯାଇଛି । ଏଥିରେ କୌଣସି ମାନବ ହସ୍ତକ୍ଷେପ ରହିବନି ।

ଅଧିକ ପଢ଼ନ୍ତୁ: ଏଣକି ଡାକ୍ତରଙ୍କ ପାଖରେ ଲାଗିବନି ଲମ୍ବା ଲାଇନ୍‌, AI ଦେଖିବ ରୋଗୀ...

ଏପଟେ ରାସ୍ତାକଡ଼ରେ ଗାଡ଼ି ପାର୍କିଂ ଜନିତ ଦୁର୍ଘଟଣା ହ୍ରାସ ପାଇଁ ରାଜ୍ୟର ୨୩ଟି ସ୍ଥାନରେ ଟ୍ରକ୍ ଟର୍ମିନାଲ ହେବ । ଏଥିରେ ଡ୍ରାଇଭର ଓ ଟ୍ରାନ୍ସପୋର୍ଟରମାନଙ୍କ ପାଇଁ ସବୁ ସୁବିଧା ରହିବ । ଶହେରୁ ୩ଶହ ଟ୍ରକ ପାର୍କିଂ ବ୍ୟବସ୍ଥା ଥିବା ଏହି ଟ୍ରକ୍ ଟର୍ମିନାଲଗୁଡ଼ିକର କାମ ୧୨ରୁ ୧୮ ମାସ ମଧ୍ୟରେ ସରିବ । 

ସେହିପରି ରାଜ୍ୟରେ NCCର ୬୩ ହଜାର କ୍ୟାଡେଟ ହେବେ ଜୁନିଅର ରକ୍ଷକ । ଏଥିଲାଗି ଆଜି NCC ସହ MOU ସ୍ବାକ୍ଷର ହୋଇଛି । ୨ ବର୍ଷ ମଧ୍ୟରେ ସେମାନଙ୍କୁ ଦୁର୍ଘଟଣା ଜନିତ ସହାୟତା ପାଇଁ ଫାଷ୍ଟ ରେସପଣ୍ଡର ଭାବେ ପ୍ରଶିକ୍ଷଣ ଦିଆଯିବ । NCC କ୍ୟାଡେଟମାନେ ରୋଡ ସେଫଟି ଆମ୍ବାସଡର ହେବେ ଏବଂ ସଡ଼କ ସୁରକ୍ଷା ନେଇ ସଚେତନତା ସୃଷ୍ଟି କରିବେ ।