LIVE TV
ସିରିୟାରେ ଜଟିଳ ହେବାରେ ସଙ୍କଟ। ବିଦ୍ରୋହୀଙ୍କ ଭୟ ଯୋଗୁଁ ରାଷ୍ଟ୍ରପତି ବଶର ଅଲ-ଅସଦ ପଳାୟନ କରିଥିବା ଚର୍ଚ୍ଚା ହେଉଛି । ରାଜଧାନୀ ଡାମାସକସରେ ତାଙ୍କର ଅତ୍ତାପତ୍ତା ମିଳୁନି। ରାଜଧାନୀ ଡାମାସକସ୍ ମୁହାଁ ହୋଇଛନ୍ତି ଇସଲମିଷ୍ଟ ବିଦ୍ରୋହୀ। ଏବେଯାଏ ଅନେକ ବଡ଼ ସହରକୁ କାବୁ କରିଛନ୍ତି। ବିଦ୍ରୋହୀମାନେ ଯେକୌଣସି ସମୟରେ ସିରିଆକୁ ସଂପୂର୍ଣ୍ଣ ଭାବେ ବକଜା କରିପାରନ୍ତି। ଏହାକୁ ନେଇ ଆମେରିକା ଖୁସି ପ୍ରକାଶ କରୁଥିବା ବେଳେ ରୁଷ ଚିନ୍ତାପ୍ରକଟ କରିଛି।
ସିରିଆରେ ବିଦ୍ରୋହୀମାନେ ରାଜଧାନୀ ଡାମାସକସକୁ ଘେରି ରହିଛନ୍ତି।ଅସଦ ସରକାରଙ୍କୁ ହଟାଇବା ଅଭିଯାନର ଏହା ହେଉଛି ଶେଷ ପର୍ଯ୍ୟାୟ। ଅସଦଙ୍କ ସେନା ବିଦ୍ରୋହୀମାନଙ୍କ ନିକଟରେ ଆତ୍ମସମର୍ପଣ କରିଛି। ବିଦ୍ରୋହୀମାନେ ହୋମସ୍ ଠାରୁ ଦାରା ପର୍ଯ୍ୟନ୍ତ ଅନେକ ସହରକୁ କାବୁ କରିଛନ୍ତି । କୁହାଯାଉଛି ରାଷ୍ଟ୍ରପତି ବାଶାର ଅଲ-ଅସଦ ଦେଶ ଛାଡି ପଳାଇଛନ୍ତି। ତେବେ ସିରିଆ ସରକାରୀ ଗଣମାଧ୍ୟମ ଏହାକୁ ଏକ ଗୁଜବ ବୋଲି କହିଛି । ଏଥିସହ ଅସଦ ଡାମାସକସରେ ନିଜର ଦାୟିତ୍ୱ ତୁଲାଉଛନ୍ତି।
Also Read
କୌତୂହଳର ବିଷୟ ହେଉଛି, ପ୍ରଥମ ଥର ପାଇଁ ବିଦ୍ରୋହୀମାନେ ୨୦୧୮ରୁ ସିରିଆର ରାଜଧାନୀ ସୀମାରେ ପହଞ୍ଚିଛନ୍ତି । ଦକ୍ଷିଣ ସିରିଆର ଅଧିକାଂଶ ସ୍ଥାନରୁ ସେନା ପ୍ରତ୍ୟାହାର ହେତୁ ଦେଶର ଦୁଇଟି ଅଞ୍ଚଳ, ଦୁଇଟି ପ୍ରାଦେଶିକ ରାଜଧାନୀ ସମେତ ବିରୋଧୀ ସଂଗ୍ରାମୀଙ୍କ ନିୟନ୍ତ୍ରଣରେ ଆସିଛି। ବ୍ରିଟେନରେ ଥିବା ସିରିଆର ଅବଜରଭେଟରୀ ଫର ହ୍ୟୁମାନ୍ ରାଇଟ୍ସର ମୁଖ୍ୟ ରାମି ଅବଦୁରାହମାନ କହିଛନ୍ତି ଯେ ବିଦ୍ରୋହୀମାନେ ବର୍ତ୍ତମାନ ଡାମାସକସ ଉପକଣ୍ଠରେ ମାଡାମିଆ, ଜାରାମନା ଏବଂ ଦାରାୟାରେ ସକ୍ରିୟ ଅଛନ୍ତି। ଏହି ସମୟରେ, ସିରିଆ ସେନା ଶନିବାର ଦକ୍ଷିଣ ସିରିଆର ଅଧିକାଂଶ ସ୍ଥାନରୁ ଫେରି ଯାଇଥିଲା। ଏହି କାରଣରୁ, ଦୁଇଟି ପ୍ରାଦେଶିକ ରାଜଧାନୀ ସମେତ ଦେଶର ଅଧିକ ଅଞ୍ଚଳ ବିରୋଧୀ ସଂଗ୍ରାମୀଙ୍କ ଅଧୀନରେ ଆସିଥିଲା।
ହୋମସ୍ ମଧ୍ୟ ବିଦ୍ରୋହୀଙ୍କ କବଜାରେ ଅଛି। ଯାହାକି ଅସଦଙ୍କ ପାଇଁ ବଡ଼ ଝଟକା। ଏହି ସହର ରାଜଧାନୀ ଡାମାସକସଏବଂ ସିରିଆର ଉପକୂଳବର୍ତ୍ତୀ ଲାଟାକିଆ ଏବଂ ଟାର୍ଟସ୍ ମଧ୍ୟରେ ଗୁରୁତ୍ୱପୂର୍ଣ୍ଣ ସଂଯୋଗ ସ୍ଥାପନ କରେ। ଲାଟାକିଆ ଏବଂ ଟାର୍ଟସ୍ ସିରିଆ ନେତାଙ୍କ ପାଇଁ ସମର୍ଥନର ଆଧାର ଏବଂ ଏହା ମଧ୍ୟ ରୁଷର ଏକ ନୌସେନା ଭିତ୍ତିଭୂମି । ତେବେ ଶନିବାର, ବିଦ୍ରୋହୀମାନେ ହୋମ୍ସକୁ କାବୁ କରିଥିବା ଘୋଷଣା କରିଥିଲେ। ନଭେମ୍ବର ୨୭ ରେ ଆରମ୍ଭ ହୋଇଥିବା ଆକ୍ରମଣରେ ଆଲେପ୍ପୋ ଏବଂ ହମା ସହର ଏବଂ ଦକ୍ଷିଣର ବଡ଼ ଅଂଶକୁ କାବୁ କରିଥିବା ବିଦ୍ରୋହୀମାନଙ୍କ ପାଇଁ ହୋମସ୍ କବଜା ଏକ ପ୍ରମୁଖ ବିଜୟ ।
ଅଧିକ ପଢନ୍ତୁ : ଏହି ମୁସଲିମ୍ ଦେଶରୁ ଆରମ୍ଭ ହେବ ତୃତୀୟ ବିଶ୍ୱଯୁଦ୍ଧ; ଡରାଇଲା ବାବା ଭେଙ୍ଗାଙ୍କ ଭବିଷ୍ୟବାଣୀ
ସିରିଆରେ ଆକ୍ରମଣକୁ ଦେଖି ଆମେରିକା ଖୁସି ହେଉଥିବା ବେଳେ ଚିନ୍ତା ପ୍ରକଟ କରିଛି ରୁଷ। ଆମେରିକୀୟ ଅଧିକାରୀ କହିଛନ୍ତି ଯେ କିଛି ଦିନ ମଧ୍ୟରେ ଅସଦଙ୍କ ସରକାରର ପତନ ଘଟିବ । ଏଥି ସହିତ ସିରିଆ ସଙ୍କଟ ଦେଖି ନବ ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଖୁସି ଅଛନ୍ତି। ସେ ସ୍ପଷ୍ଟ ଭାବରେ କହିଛନ୍ତି ଯେ ସିରିଆରେ ଯାହା ଘଟୁଛି, ତାହା ଆମେରିକାର ଯୁଦ୍ଧ ନୁହେଁ। ଟ୍ରମ୍ପ ଟ୍ୱିଟରରେ ପୋଷ୍ଟ କରି କହିଛନ୍ତି, 'ସିରିଆର ବିରୋଧୀ ଯୋଦ୍ଧାମାନେ ଏକ ଅପ୍ରତ୍ୟାଶିତ ପଦକ୍ଷେପ ନେଇଛନ୍ତି ଏବଂ ଅନେକ ସହରକୁ ସଂପୂର୍ଣ୍ଣ ଭାବେ କବଜା କରିଛନ୍ତି। ଏହି ସବୁ ଏକ ଯୋଜନାବଦ୍ଧ ଢଙ୍ଗରେ କରାଯାଇଛି । ବର୍ତ୍ତମାନ ସେମାନେ ଡାମାସକସରେ ଅଛନ୍ତି ଏବଂ ଅସଦଙ୍କୁ ହଟାଇବା ପାଇଁ ପ୍ରସ୍ତୁତ ହେଉଛନ୍ତି।
ରୁଷ ଏହି ପ୍ରସଙ୍ଗରେ ବିଶେଷ କିଛି କରୁଥିବା ପରି ମନେ ହେଉନାହିଁ। ରୁଷ ୟୁକ୍ରେନ ଯୁଦ୍ଧରେ ଏଯାଏ ୬ ଲକ୍ଷରୁ ଅଧିକ ସୈନିକ ପ୍ରାଣ ହରାଇଲେଣି। ସିରିଆରେ ରାଜନୈତିକ ସଙ୍କଟ ଦେଖିବା ପରେ ରୁଷ ଭୟଭୀତ ହୋଇପଡିଛି। ଇରାନ, ରୁଷ, ତୁର୍କୀ, ଇରାକ, କତାର, ଇଜିପ୍ଟ, ସାଉଦି ଆରବ ଏବଂ ଜୋର୍ଡାନର ବୈଦେଶିକ ମନ୍ତ୍ରୀମାନେ ଦୋହା ଠାରେ ଏକ ବୈଠକ କରିଛନ୍ତି। ସିରିଆ ସଙ୍କଟ ଯୋଗୁଁ ରୁଷର ସମସ୍ୟା ବଢୁଥିବା ଜଣାପଡିଛି । ରୁଷର ରାଷ୍ଟ୍ରପତି ପୁଟିନ ଅସଦଙ୍କୁ ସମର୍ଥନ କରିଛନ୍ତି। ରୁଷର ବୈଦେଶିକ ମନ୍ତ୍ରୀ ସରୋଜ ଲାଭ୍ରୋଭ କହିଛନ୍ତି ଆତଙ୍କବାଦୀଙ୍କୁ ରୋକିବା ପାଇଁ ଆମେ ସମସ୍ତ ପ୍ରକାର ଉଦ୍ୟମ କରୁଛୁ।
