Nepal protestors: ନେପାଳରେ ’Gen Z’ କରୁଛନ୍ତି ବୋବାଲ; ସଂସଦରେ ଧସେଇ ପଶିଲେ; ଅନେକ ସ୍ଥାନରେ କର୍ଫ୍ୟୁ

ନେପାଳର ରାଜଧାନୀ କାଠମାଣ୍ଡୁରେ ସୋମବାର ଯୁବ ଗୋଷ୍ଠୀ ସରକାରଙ୍କ ବିରୁଦ୍ଧରେ ରାସ୍ତାକୁ ଓହ୍ଲାଇଛନ୍ତି। ନେପାଳରେ ଫେସବୁକ, ଇନଷ୍ଟାଗ୍ରାମ ଏବଂ ଏକ୍ସ ସମେତ ୨୬ଟି ସୋସିଆଲ ମିଡିଆ ପ୍ଲାଟଫର୍ମ ଉପରେ ପ୍ରତିବନ୍ଧକ ଲଗାଯାଇଛି। ଯାହାକୁ ନେଇ ଏହି ବିକ୍ଷୋଭ କରାଯାଉଛି ।

ସରକାରଙ୍କ ଏହି ନିଷ୍ପତ୍ତିକୁ ନେଇ ଯୁବକମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଏହି ବିକ୍ଷୋଭରେ ସାମିଲ ଯୁବକମାନେ ଦୁର୍ନୀତି ଓ ବେରୋଜଗାରୀ ବିରୁଦ୍ଧରେ ମଧ୍ୟ ନିଜର ସ୍ୱର ଉଠାଇଛନ୍ତି। ସେମାନଙ୍କ ମତ ହେଉଛି ଯେ ବର୍ତ୍ତମାନର ସରକାର ଦୁର୍ନୀତି ଓ ବେରୋଜଗାରୀ ପରି ସମସ୍ୟାର ସମାଧାନ ପାଇଁ କିଛି କରୁନାହାନ୍ତି।

#WATCH | Nepal | Protest turned violent in Kathmandu as people staged a massive protest against the ban on Facebook, Instagram, WhatsApp and other social media sites, leading to clashes between police and protesters. pic.twitter.com/YWNj3R0wUG

— ANI (@ANI) September 8, 2025

ନେପାଳର ବର୍ତ୍ତମାନ ସରକାର ସୋସିଆଲ ମିଡିଆ ଉପରେ ଲାଗିଥିବା ନିଷେଧାଜ୍ଞା ହଟାଇବା ପାଇଁ ଏକ ସର୍ତ୍ତ ରଖିଛନ୍ତି। ସରକାର କହିଛନ୍ତି ଯେ ସୋସିଆଲ ମିଡିଆ ଉପରେ ଥିବା ଏହି ନିଷେଧାଜ୍ଞା କେବଳ ତେବେ ହଟିବ ଯେତେବେଳେ କମ୍ପାନୀଗୁଡ଼ିକ ନେପାଳରେ ନିଜର କାର୍ଯ୍ୟାଳୟ ଖୋଲିବେ, ସରକାର ନିକଟରେ ନିଜର ପଞ୍ଜୀକରଣ କରାଇବେ ଓ ବେଆଇନ କାମ ରୋକିବା ପାଇଁ ବ୍ୟବସ୍ଥା କରିବେ ।

ରାଜଧାନୀ କାଠମାଣ୍ଡୁରେ ଉଗ୍ର ବିକ୍ଷୋଭ ଓ ବିଗିଡ଼ୁଥିବା ପରିସ୍ଥିତିକୁ ଦେଖି ପ୍ରଶାସନ ଅନେକ ଅଞ୍ଚଳରେ କର୍ଫ୍ୟୁ ଲଗାଇବାର ଘୋଷଣା କରିଛି। ଏପର୍ଯ୍ୟନ୍ତ ଯୁବକମାନେ ସଂସଦ ଭବନକୁ ଘେରିଛନ୍ତି। ବିକ୍ଷୋଭକୁ ଦେଖି ଅତିରିକ୍ତ ସୁରକ୍ଷା ବାହିନୀର ମଧ୍ୟ ମୁତୟନ କରାଯାଇଛି। ଯୁବକମାନଙ୍କ ବିକ୍ଷୋଭ ମଧ୍ୟରେ ନେପାଳ ସରକାର ନିଜର ଅଧିକାରୀମାନଙ୍କ ସହ ଉଚ୍ଚସ୍ତରୀୟ ବୈଠକ କରୁଛନ୍ତି।

କାଠମାଣ୍ଡୁରେ ବିକ୍ଷୋଭ ସମୟ ସହ ବଢ଼ିବାରେ ଲାଗିଛି । ହଜାର ହଜାର ସଂଖ୍ୟାରେ ଯୁବକ ସରକାରଙ୍କ ବିରୁଦ୍ଧରେ ରାସ୍ତାରେ ବିକ୍ଷୋଭ କରୁଛନ୍ତି। ଏହି ବିକ୍ଷୋଭକାରୀମାନଙ୍କୁ ଅଟକାଇବା ପାଇଁ ସୁରକ୍ଷା ବାହିନୀ ସବୁ ପ୍ରକାର ଚେଷ୍ଟା କରୁଛନ୍ତି। ପୁଲିସ ସେମାନଙ୍କ ଉପରେ ଲୁହବୁହା ଗ୍ୟାସ ମାଡ଼ କରିଛି ।

#WATCH | Nepal: Thousands of people stage massive protest in Kathmandu against the ban on social media sites, including Facebook, Instagram, WhatsApp and others. pic.twitter.com/sJWDaIoRhB

— ANI (@ANI) September 8, 2025

ବିକ୍ଷୋଭକାରୀମାନଙ୍କ ଉଗ୍ର ବିକ୍ଷୋଭକୁ ଦେଖି ବିଭିନ୍ନ ଅଞ୍ଚଳରେ, ଖାସକରି ପ୍ରଧାନମନ୍ତ୍ରୀଙ୍କ ବାସଭବନ ଏବଂ ଅନ୍ୟ ବଡ଼ ନେତା ଓ ଅଧିକାରୀମାନଙ୍କ ବାସଭବନ ବାହାରେ ବ୍ୟାରିକେଡ଼ କରାଯାଇଛି। ପୁଲିସ ଲଗାତାର ଚେଷ୍ଟା କରୁଛି ଯେ କୌଣସି ଉପାୟରେ ବିକ୍ଷୋଭକାରୀମାନଙ୍କୁ ଅଟକାଯାଇ ପାରିବ। ସୂତ୍ର ଅନୁଯାୟୀ, ଯଦି ପରିସ୍ଥିତି ନିୟନ୍ତ୍ରଣକୁ ନ ଆସେ, ତେବେ ସେନାକୁ ମଧ୍ୟ ଡକାଯାଇପାରେ।

ନେପାଳ ସୋସିଆଲ ମିଡିଆ ପ୍ଲାଟଫର୍ମଗୁଡ଼ିକ ଉପରେ ପ୍ରତିବନ୍ଧକ ଲଗାଇଛି। ନେପାଳରେ ଫେସବୁକ, ଇନଷ୍ଟାଗ୍ରାମ, ୟୁଟ୍ୟୁବ ଏବଂ ଏକ୍ସ ବନ୍ଦ କରାଯାଉଛି। ଏହି ନିଷ୍ପତ୍ତି ସରକାରଙ୍କ ପକ୍ଷରୁ ଦିଆଯାଇଥିବା ଏକ ସପ୍ତାହର ଅବଧି ଶେଷ ହେବା ପରେ ନିଆଯାଇଛି ଏହା ପୂର୍ବରୁ ନେପାଳ ସରକାର ସମସ୍ତ କମ୍ପାନୀଙ୍କୁ ଏକ ସପ୍ତାହ ମଧ୍ୟରେ ପଞ୍ଜୀକରଣ କରିବାକୁ ସମୟ ଦେଇଥିଲେ।