Malaysia:ନମାଜ ପଢ, ନହେଲେ ସିଧା ଜେଲ୍ ଯାଅ...ତାଲିବାନୀ ଶାସନ !

ମାଲେସିୟାରେ ତାଲିବାନୀ ଶାସନ ! ଥରୁଟିଏ ବି ଜୁମ୍ମା ନମାଜ ପାଠ ବନ୍ଦ କଲେ ଯିବେ ଜେଲ୍  । ଏହି କଠୋର ଆଇନ୍ ଲାଗୁ ହୋଇଛି ମାଲେସିୟା ଟେରେଙ୍ଗାନୁ ରାଜ୍ୟରେ । ଜୁମା ବା ଶୁକ୍ରବାରର ନମାଜ ନପଢିଲେ ଜେଲ୍‌ ଦଣ୍ଡ ମିଳିବ ବୋଲି ଫରମାନ ଶୁଣାଇଛନ୍ତି ଟେରେଙ୍ଗାନୁ ସରକାର । କେହି ବି ଜୁମା ନମାଜ ବନ୍ଦ କରିପାରିବେନି । ଯିଏ ଜୁମ୍ମା ନମାଜ ନ ପଢିବେ, ଶରିଆ ଆଇନ୍ ଅନୁସାରେ, ସିଧା ୨ ବର୍ଷ ଜେଲ୍ ଯିବେ । ତେବେ ଏହି ଫରମାନ କେବଳ ମୁସଲମାନ ପୁରୁଷଙ୍କ ପାଇଁ ।

ବର୍ତ୍ତମାନ ଟେରେଙ୍ଗାନୁରେ 'ପ୍ୟାନ୍ ମାଲେସିଆଇ ଇସଲାମିକ ପାର୍ଟିର (PAS)' ଶାସନ ଚାଲୁଛି । ଆଉ PAS ସରକାର ରାଜ୍ୟରେ ଶରିଆ ଆଇନ କଡାକଡି ଲାଗୁ ପାଇଁ ଘୋଷଣା କରିଛନ୍ତି । ଏହି ଆଇନ ଅନୁସାରେ, କୌଣସି ମୁସଲମାନ ପୁରୁଷ ଠୋସ୍ କାରଣ ବିନା ଜୁମ୍ମା ନମାଜ ବନ୍ଦ କରିପାରିବେନି । କେହି ଏହାକୁ ନମାନିଲେ ଅପରାଧୀରେ ଗଣାହେବ ଏବଂ ଶରିଆ ଆଇନ ଅନୁସାରେ, ୨ ଜେଲ୍ ଦଣ୍ଡ ଭୋଗିବାକୁ ପଡିବ । ଏହାସହ ୬୧ ହଜାର ଟଙ୍କା ଜରିମାନା ବି ଦେବାକୁ ପଡିପାରେ ।

ଏକ ରିପୋର୍ଟ ଅନୁସାରେ, ପୂର୍ବରୁ ଟେରେଙ୍ଗାନୁରେ ଲଗାତାର ୩ ଥର ଜୁମା ନମାଜ ନ ପଢିଲେ ୬ ମାସର ଜେଲ୍ ବ୍ୟବସ୍ଥା ଥିଲା । କିନ୍ତୁ ଏବେଠୁ ପ୍ରତିଥର ଜୁମା ନମାଜ ପଢିବାକୁ ପଡିବ ଚେତାବନୀ ଦେଇଛନ୍ତି ଟେରେଙ୍ଗାନୁ ସରକାର ।

ବହୁସାଂସ୍କୃତିକ ଦେଶ ଭାବେ ଜଣାଶୁଣା ମାଲେସିଆ । କିନ୍ତୁ ସେଠି ଏଭଳି ଧାର୍ମିକ କଟ୍ଟରତା, ଏବେ ସାରା ବିଶ୍ୱରେ ଚର୍ଚ୍ଚାର ବିଷୟ ହୋଇଛି । ଏପରିକି ଦେଶ ଭିତରେ ବି ଏପରି ଆଇ‌ନ୍‌କୁ ନାପସନ୍ଦ କରୁଛନ୍ତି ଲୋକେ ।