China: ଚୀନରେ ଲୋକପ୍ରିୟ ଗୁପଚୁପ ଓ ଆମିର ଖାନ, କାରଣ ଜାଣିଲେ ଆଶ୍ଚର୍ଯ୍ୟ ହେବେ...

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବେ ଚୀନ ଗସ୍ତରେ ଅଛନ୍ତି, ଯେଉଁଠାରେ ସେ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ଦ୍ୱିପାକ୍ଷିକ ଆଲୋଚନା କରିଛନ୍ତି। ଏହି ବୈଠକକୁ ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବା ଏବଂ ସମ୍ପ୍ରତି ହୋଇଥିବା ପ୍ରଗତିକୁ ଆଗେ ବଢାଇବାର ଏକ ପ୍ରୟାସ ଭାବେ ଦେଖାଯାଉଛି। ଯଦିଓ ଏହା ଆମେରିକାର ବଢୁଥିବା ଟାରିଫ ଧମକ ମଧ୍ୟରେ ହୋଇଛି ।

ଜାତୀୟ ଗଣମାଧ୍ୟମର ଏକ ରିପୋର୍ଟ ଅନୁଯାୟୀ ଚୀନରେ ଗୁପଚୁପରୁ ଆରମ୍ଭ କରି ବଲିଉଡ ଫିଲ୍ମ ପର୍ଯ୍ୟନ୍ତ ଅନେକ କିଛି ଲୋକପ୍ରିୟ । ବିଶେଷ କରି ପ୍ରଧାନମନ୍ତ୍ରୀଙ୍କ ଗସ୍ତକୁ ନେଇ ଚୀନରେ ସମସ୍ତଙ୍କ ମଧ୍ୟରେ ଖୁସିର ମାହୋଲ ରହିଛି। ଚୀନବାସୀ ଦୀର୍ଘ ସମୟ ଧରି ଏହି ସମୟକୁ ଅପେକ୍ଷା କରିଥିଲେ ଏବଂ ଶେଷରେ ସେହି ଦିନ ଆସିଯାଇଛି । ଏହା ଏକ ବଡ ସଙ୍କେତ ଯେ ଚୀନ-ଭାରତ ସମ୍ପର୍କରେ ସୁଧାର ହେବାକୁ ଯାଉଛି। ଭାରତ-ଚୀନ ଦୁଇଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ପଡୋଶୀ ଦେଶ। ଦୁହେଁ ପରସ୍ପର ପାଇଁ ବହୁତ ଜରୁରୀ। ଦୁହେଁ ବିକାଶଶୀଳ ଦେଶ, ଦୁହେଁ ବଡ ଅର୍ଥନୀତି। ତେଣୁ ପରସ୍ପର ମଧ୍ୟରେ ସହଯୋଗ ଏବଂ ଏକତା ଅତ୍ୟନ୍ତ ଜରୁରୀ।

ଚୀନରେ ଅନେକ ଲୋକ ଭାରତୀୟ ସଂସ୍କୃତି ଆଡକୁ ଆକର୍ଷିତ। ଆଜିକାଲି ଚୀନରେ ବଲିଉଡ ଫିଲ୍ମଗୁଡିକ ବହୁତ ଲୋକପ୍ରିୟ। ଚୀନବାସୀ ଭାରତୀୟ ସଂସ୍କୃତିକୁ ବହୁତ ପସନ୍ଦ କରନ୍ତି । ଚୀନବାସୀଙ୍କ ପ୍ରିୟ ଅଭିନେତା ଆମିର ଖାନ। ସେ ଦୀର୍ଘ ସମୟ ଧରି ଏଠାରେ ଲୋକଙ୍କର ପ୍ରିୟ। ତାଙ୍କର ଅନେକ ଫିଲ୍ମ ସେଠାରେ ରିଲିଜ ହୁଏ । ଦଙ୍ଗଲ ହେଉ କିମ୍ବା ଥ୍ରୀ ଇଡିଅଟ୍ସ ଚୀନ ଲୋକଙ୍କ ଫେବରେଟ ଫିଲ୍ମ ।

ଆଜିକାଲି ଚୀନରେ ସବୁଠାରୁ ଲୋକପ୍ରିୟ ହେଉଛି ଗୁପଚୁପ । ଏହାର କାରଣ ମଧ୍ୟ ରହିଛି । ଦଙ୍ଗଲ ଫିଲ୍ମରେ ଗୁପଚୁପ ଖାଇବାର ଏକ ଦୃଶ୍ୟ ମଧ୍ୟ ରହିଛି । ଚୀନବାସୀ ଭାରତ ଆସିବାକୁ ଚାହୁଁଛନ୍ତି । ଭାରତ ଚୀନ ମଧ୍ୟରେ ସିଧାସଳଖ ଲୋକଙ୍କ ପାଇଁ ବିମାନ ଚାଲିଲେ ଚୀନ ଲୋକ ଅଧିକ ଭାରତ ଭ୍ରମଣ କରିବେ।