LIVE TV
ଆମେରିକା ରାଷ୍ଟ୍ରପତି ନିର୍ବାଚନରେ ଟେକ୍ ବିଲିୟନେୟାର ଏଲନ୍ ମସ୍କ ରିପବ୍ଲିକାନ୍ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କୁ ଖୋଲାଖୋଲି ଭାବରେ ସମର୍ଥନ କରିଥିଲେ। ଯେତେବେଳେ ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ଜିତିଲେ, ଏଲନ୍ ମସ୍କ ମଧ୍ୟ ଖୁସି ବ୍ୟକ୍ତ କରିଥିଲେ। କିନ୍ତୁ ଏଲନ୍ ମସ୍କଙ୍କ ଟ୍ରାନ୍ସ ଝିଅ ଭିଭିୟନ ଜେନା ୱିଲସନ ଟ୍ରମ୍ପଙ୍କ ବିଜୟରେ ଆଦୌ ଖୁସି ନୁହଁନ୍ତି। ଏପରିକି ସେ ଆମେରିକାରେ ଆଉ ରହିବାକୁ ଚାହୁଁ ନଥିବା କହିଛନ୍ତି।
ଆମେରିକାର ରାଷ୍ଟ୍ରପତି ନିର୍ବାଚନର ଫଳାଫଳ ଆସିବା ପରେ ଜେନା ୱିଲସନ ସୋସିଆଲ ମିଡିଆ ସାଇଟ୍ ଥ୍ରେଡ୍ସରେ ଏକ ପୋଷ୍ଟ ସେୟାର କରିଛନ୍ତି। ସେ ପୋଷ୍ଟରେ କହିଛନ୍ତି ଯେ, ମୁଁ କିଛି ସମୟ ପାଇଁ ଏପରି ଭାବିଥିଲି, କିନ୍ତୁ ଗତକାଲି ନିଶ୍ଚିତ ହୋଇଗଲି। ମୁଁ ଆମେରିକାରେ ମୋର ଭବିଷ୍ୟତ ଦେଖିପାରୁନାହିଁ। ସେ ଆହୁରି ମଧ୍ୟ କହିଛନ୍ତି, "ଯଦିଓ ଟ୍ରମ୍ପ ଚାରି ବର୍ଷ ଧରି ପଦବୀରେ ରହିବେ, ତଥାପି ଆଣ୍ଟି-ଟ୍ରାନ୍ସ ନିୟମ ଲାଗୁ ହୋଇନପାରେ । ସ୍ୱେଚ୍ଛାକୃତ ଭାବରେ ଏଥିପାଇଁ ଭୋଟ୍ ଦେଇଥିବା ଲୋକମାନେ ଶୀଘ୍ର ପରିବର୍ତ୍ତନ କରିବେ ନାହିଁ ।
ଅଧିକ ପଢ଼ନ୍ତୁ: Elon Musk Net Worth: ଏଲନ୍ଙ୍କ ଉପରେ ଟଙ୍କା ବର୍ଷା, ରାତାରାତି ୨୦.୫ ବିଲିଅନ ଡଲାର ବଢ଼ିଲା ସମ୍ପତ୍ତି
Also Read
ତେବେ ଏଲନ୍ ମସ୍କର ଟ୍ରାନ୍ସ ଝିଅ ତାଙ୍କ ପିତାଙ୍କଠାରୁ ଦୂରରେ ରୁହନ୍ତି । ଲିଙ୍ଗ ପରିବର୍ତ୍ତନ ଅସ୍ତ୍ରୋପଚାର ପରେ ଦୁହିଁଙ୍କ ମଧ୍ୟରେ ଅନେକ ବିବାଦ ଦେଖାଦେଇଥିଲା। ପରିସ୍ଥିତି ହେଉଛି ଯେ ଦୁହେଁ ପରସ୍ପର ସହ କଥାବାର୍ତ୍ତା ମଧ୍ୟ କରୁନଥିଲେ।ଜେନା ୱିଲସନ ଅନେକ ସାକ୍ଷାତକାରରେ ତାଙ୍କ ପିତାଙ୍କ ବିରୋଧରେ ବିଭିନ୍ନ ଅଭିଯୋଗ ମଧ୍ୟ ଆଣିଛନ୍ତି।
୨୦୦୪ ମସିହାରେ ଜେନା ୱିଲସନ ଏଲନ୍ ମସ୍କ ଏବଂ ଜଷ୍ଟିନଙ୍କ ପୁଅ ଭାବରେ ଜନ୍ମ ହୋଇଥିଲେ । ତାଙ୍କ ନାମ ସେତେବେଳେ ଜାଭିୟର୍ ଆଲେକ୍ସଜାଣ୍ଡାର୍ ମସ୍କ ଥିଲା । ୨୦୦୦ ମସିହାରେ ଏଲନ୍ ମସ୍କ ତାଙ୍କ ମାଙ୍କୁ ବିବାହ କରିଥିଲେ। ମାତ୍ର ୨୦୦୮ ମସିହାରେ ଉଭୟ ଅଲଗା ହୋଇଯାଇଥିଲେ। ଜେନା ୱିଲସନ ବଡ ହେବାପରେ ସେ ତାଙ୍କ ପିତା ଏଲନ୍ ମସ୍କଙ୍କ LGBTQ +ଙ୍କୁ ନେଇ ଥିବା ଦୃଷ୍ଟିକୋଣରେ ସମସ୍ୟା ଦେଖାଦେଇଥିଲା।
୨୦୧୬ ରେ, ଜେନା ୱିଲସନ ପ୍ରଥମ ଥର ପାଇଁ ତାଙ୍କ ମାଉସୀଙ୍କୁ ମେସେଜ୍ କରିଥିଲେ ଏବଂ ତାଙ୍କୁ କହିଥିଲେ ଯେ ସେ ଟ୍ରାନ୍ସ ଏବଂ ସେ ନିଜର ନାଁ ଜେନା ଦେଇଛନ୍ତି, କିନ୍ତୁ ଏହା ତାଙ୍କ ବାପାଙ୍କୁ ଜଣାନାହିଁ। ଏହା ପରେ, ୨୦୨୨ରେ ସେ ନିଜର ଲିଙ୍ଗ ପରିବର୍ତ୍ତନ ଅସ୍ତ୍ରୋପଚାର କରିବା ପରେ ସର୍ବସାଧାରଣରେ ଘୋଷଣା କରିଥିଲେ ଯେ ସେ ଆଉ ନିଜର ପୁରୁଣା ପରିଚୟ ସହିତ ବଞ୍ଚିବାକୁ ଚାହୁଁନାହାଁନ୍ତି। ସେ କହିଥିଲେ, ବାପା ଏଲନ ମସ୍କଙ୍କ ସହ ସେ ରୁହନ୍ତି ନାହିଁ ଏବଂ ତାଙ୍କ ସହ କୌଣସି ସମ୍ପର୍କ ରଖିବାକୁ ମଧ୍ୟ ଚାହାଁନ୍ତି ନାହିଁ।
୨୦୨୨ ମସିହାରେ, ସେ ସାନ୍ତା ମୋନିକାର ଲସ୍ ଆଞ୍ଜେଲସ୍ କାଉଣ୍ଟି ସୁପ୍ରିମୋ କୋର୍ଟରେ ନାମ ପରିବର୍ତ୍ତନ ଏବଂ ନୂତନ ଜନ୍ମ ପ୍ରମାଣପତ୍ର ପାଇଁ ଏକ ନୂତନ ଆବେଦନ କରିଥିଲେ। ସେହି ସମୟରେ ମିଡିଆ ରିପୋର୍ଟରେ ପ୍ରକାଶିତ କୋର୍ଟ ଡକ୍ୟୁମେଣ୍ଟରେ କୁହାଯାଇଥିଲା ଯେ ଏଲୋନ୍ ମସ୍କଙ୍କ ୧୮ ବର୍ଷର ପୁଅ ଜାଭିଅର୍ ଆଲେକ୍ସଜାଣ୍ଡାର୍ ମସ୍କ ତାଙ୍କର ଲିଙ୍ଗ ପରିବର୍ତ୍ତନ କରିଛନ୍ତି। ସେ ପୁରୁଷରୁ ନାରୀ ପାଲଟିଛନ୍ତି। ଯାହା ପରେ ତାଙ୍କ ନାମ ସବୁ ସ୍ଥାନରେ ପରିବର୍ତ୍ତନ କରାଯାଇଛି ।
ଅଧିକ ପଢ଼ନ୍ତୁ: US Election Result 2024: ଏଲନ୍ କେବଳ ବନ୍ଧୁ ନା ଅନ୍ୟ କିଛି ! ଟ୍ରମ୍ପ ପରିବାର ଫଟୋରେ Elon Musk
