LIVE TV
କିଛି ଦିନର ବ୍ୟବଧାନ ପରେ ଚୀନକୁ ପୁଣି ଫେରିଛି କରୋନା। ଫଳରେ ଚୀନର ସବୁଠୁ ବଡ଼ ଜିଲ୍ଲା ବାଇୟୁନ୍ରେ ଲକ୍ଡାଉନ୍ କଟକଣା ଲାଗିଛି। ଗୁନଜାଓ ସହରରେ ଗତ ସୋମବାରରେ ୯ ହଜାର ୮୫ କରୋନା କେସ୍ ବାହାରିଥିବା ବେଳେ ପୁରା ଚୀନରେ ୨୭ ହଜାର ୯୫ କରୋନା କେସ୍ ସାମ୍ନାକୁ ଆସିଛି। ଏହାପରେ ସମସ୍ତ ପବ୍ଲିକ୍ ଟ୍ରାନ୍ସପୋର୍ଟକୁ ବନ୍ଦ କରାଯିବା ସହ ଘରୁ ବାହାରିଲେ କରୋନା ଟେଷ୍ଟ ବାଧ୍ୟତାମୂଳକ କରାଯାଇଛି।
ଅଧିକ ପଢ଼ନ୍ତୁ: ମସ୍ତିଷ୍କ ଉପରେ କୁପ୍ରଭାବ ପକାଉଛି କରୋନା ! ଭଲ ହେବା ପରେ ବି . . .
କରୋନା ଟେଷ୍ଟ ବାଧ୍ୟତାମୂଳକ କରିବା ସହ ପରିବାରର ସମସ୍ତଙ୍କ କରୋନା ପରୀକ୍ଷା କରାଯାଇଛି। ସାଢ଼େ ୩ ମିଲିୟନରୁ ଅଧିକ ଜନସଂଖ୍ୟା ଥିବା ବାଇୟୁନ୍ ଜିଲ୍ଲାରେ ସ୍କୁଲ, କଲେଜ ସମେତ ସମସ୍ତ ଶିକ୍ଷାନୁଷ୍ଠାନକୁ ଅନିର୍ଦ୍ଦିଷ୍ଟକାଳ ଯାଏ ଛୁଟି ଘୋଷଣା ହୋଇଛି।
ପରିସ୍ଥିତିକୁ ଅଧିକ ବିଗାଡ଼ିଛି ବେଜିଂରେ କରୋନା ମୃତ୍ୟୁ। ବେଜିଂରେ ଚଳିତ ସପ୍ତାହରେ କରୋନାରେ ୩ ଜଣଙ୍କ ମୃତ୍ୟୁ ହେବା ପରେ ତତ୍ପରତା ବଢ଼ିଛି। ଡିସେମ୍ବର ପରେ ପ୍ରଥମ ଥର ପାଇଁ ବେଜିଂରେ କରୋନା ମୃତ୍ୟୁ ଘଟଣା ସାମ୍ନାକୁ ଆସିଛି। ଏବେ ଚୀନରେ ଜିରୋ କରୋନା କେସ୍ ପଲିସି ଆଧାରରେ ନିୟମ ଲାଗୁ ହୋଇଛି।
