Birthright citizenship panic: ଭାରତୀୟ ଆସନ୍ନପ୍ରସବାଙ୍କୁ ଘାରିଛି ଡର, ଫେବ୍ରୁଆରୀ ୨୦ରୁ ଆଉ ପିଲାଙ୍କୁ ମିଳିବିନି ଆମେରିକା ନାଗରିକତା

ଆମେରିକାର ବିଭିନ୍ନ ମେଡିକାଲରେ ଭାରତୀୟ ଆସନ୍ନପ୍ରସବାଙ୍କ ଭିଡ଼ । ନିଜ ନିଜ ପିଲାଙ୍କ ଭବିଷ୍ୟତ ଓ ଆମେରିକାର ନାଗରିକତା ପାଇବା ପାଇଁ ଭାରତୀୟ ବ୍ୟାକୁଳ । ଆଉ ଏଥିପାଇଁ ଆମେରିକାର ବିଭିନ୍ନ ହସ୍ପିଟାଲରେ ଡାକ୍ତରଙ୍କ ପରାମର୍ଶ ପାଇଁ ବଢିବାରେ ଲାଗିଛି ଆସନ୍ନପ୍ରସବାଙ୍କ ଭିଡ଼ । କାହିଁକି ନା ଆମେରିକାର ନୂଆ ରାଷ୍ଟ୍ରପତି ଡୋନାଲ୍ଡ ଟ୍ରଂପ ଶପଥ ନେବା ପରେ ବାର୍ଥ ରାଇଟ୍ ସିଟିଜେନସିପ ନିୟମର ସଂଶୋଧନ କରିଛନ୍ତି ।

ଆମେରିକା ସିଟିଜେନସିପ୍ ବା ନାଗରିକତ୍ବ ପାଇବା ପାଇଁ ପୂର୍ବରୁ ଥିବା ନିୟମରେ ପରିବର୍ତ୍ତନ ହୋଇଛି। ଆମେରିକା ପ୍ରଶାସନର ନିୟମ ଅନୁସାରେ ଆସନ୍ତା ଫେବ୍ରୁୟାରୀ ୨୦ ତାରିଖରୁ ଆମେରିକାରେ ଜନ୍ମ ନେଉଥିବା ଶିଶୁଙ୍କ କ୍ଷେତ୍ରରେ ନୂଆ ନିୟମ ଲାଗୁ ହେବ । ତେଣୁ ତାପୂର୍ବରୁ ଆମେରିକାରେ ଗର୍ଭବତୀମାନେ ସେମାନଙ୍କ ଶିଶୁକୁ ଜନ୍ମଦେବାକୁ ଆଗଭର । ଆଉ ଏଥିପାଇଁ ଡାକ୍ତରଙ୍କ ପରାମର୍ଶ ଲୋଡୁଛନ୍ତି ଆସନ୍ନପ୍ରସବା । ଟ୍ରଂପଙ୍କ ଡେଡଲାଇନ ପୂର୍ବରୁ ଶିଶୁ ଜନ୍ମଦେବାକୁ ଇଚ୍ଛା ପ୍ରକାଶ କରୁଛନ୍ତି ।

ଅଧିକ ପଢ଼ନ୍ତୁ: ବନାଗ୍ନିରେ ଛାରଖାର ଲସ୍ ଆଞ୍ଜେଲସ; ସପ୍ତାହେ ନ ଯାଉଣୁ ପୁଣି ଜଳିଲା ଜଙ୍ଗଲ

ଆଉ ଏଥିପାଇଁ ଡାକ୍ତରଙ୍କ ନିକଟକୁ ଫୋନ୍‌ କଲ ସଂଖ୍ୟା ମଧ୍ୟ ବୃଦ୍ଧି ପାଇଛି। ଡାକ୍ତରଙ୍କ ପରାମର୍ଶକ୍ରମେ ଯେନତେନ ପିଲା ଜନ୍ମ ପାଇଁ ଇଚ୍ଛୁକ ଅଛନ୍ତି ଆସନ୍ନପ୍ରସବା । ଏମିତିକି ଅନେକ ହସ୍ପିଟାଲରେ ଏନେଇ ଲମ୍ବାଲାଇନ ଦେଖିବାକୁ ମିଳିଲାଣି ବୋଲି ଜାତୀୟ ଗଣମାଧ୍ୟମରେ ପ୍ରକାଶିତ ହୋଇଛି ରିପୋର୍ଟ। ଏମିତିକି ଜଣେ ପ୍ରସୂତିରୋଗ ବିଶେଷଜ୍ଞଙ୍କ ସୂଚନା ଅନୁଯାୟୀ, ମାତ୍ର ଦୁଇ ଦିନ ମଧ୍ୟରେ ଏଭଳି ୨୦ଟି କଲ୍ ଆଟେଣ୍ଡ କରିସାରିଲେଣି ।

କାହିଁକି ଫେବ୍ରୁୟାରୀ ୨୦ ଡେଡଲାଇନ୍‌

ଟ୍ରଂପ ରାଷ୍ଟ୍ରପତି ଭାବେ କାର୍ଯ୍ୟାଭାର ସମ୍ଭାଳିବା ପରେ ଆକ୍ସନ ମୁଡରେ । ଟ୍ରଂପ ଶପଥ ନେବା ପରେ ୫୦ରୁ ଅଧିକ ନିଷ୍ପତ୍ତି ଉପରେ ସ୍ବାକ୍ଷର କରିସାରିଲେଣି । ଟ୍ରମ୍ପଙ୍କ ନୂଆ ପଲିସି ପ୍ରବାସୀ ଭାରତୀୟଙ୍କୁ ଅଡୁଆରେ ପକାଇଛି। ଆସନ୍ତା ଫେବ୍ରୁୟାରୀ ୨୦ ତାରିଖଠୁ ଆଉ କାମ ଦେବନି ପୂର୍ବରୁ ଥିବା ବାର୍ଥରାଇଟ ସିଟିଜେନସିପ୍ । ବର୍ତ୍ତମାନ ଆମେରିକାରେ ୧୦ ହଜାର ଅସ୍ଥାୟୀ ଭାବେ H-1B ଏବଂ L1 ଭିସା ସହାୟତାରେ ରହୁଛନ୍ତି । ତେଣୁ ଏମାନଙ୍କ ମଧ୍ୟରେ ଥିବା ଗର୍ଭବତୀ ମହିଳା ଫେବୃୟାରୀ ୨୦ ପୂର୍ବରୁ ପିଲାଙ୍କୁ ଜନ୍ମଦେଇ ଆମେରିକା ନାଗରିକତ୍ବ ପାଇବା ପାଇଁ ଚେଷ୍ଟା ଚଳାଇଛନ୍ତି। ହେଲେ ସ୍ବାସ୍ଥ୍ୟ ବିଶେଷଜ୍ଞଙ୍କ କହିବାନୁଯାୟୀ, ଏଭଳି କଲେ ଉଭୟ ମାଆ ଓ ଶିଶୁ ପ୍ରତି ସମସ୍ୟା ସୃଷ୍ଟି ହେବ ।

କ’ଣ ବାର୍ଥରାଇଟ୍ ସିଟିଜେନ୍ସିପ୍ ?

ପୂର୍ବରୁ ଥିବା ବାର୍ଥରାଇଟ୍ ସିଟିଜେନ୍ସିପ୍ ନିୟମ ଅନୁଯାୟୀ, ବାପା-ମାଆଙ୍କ ପାଖରେ ଅନ୍ୟ ଦେଶର ନାଗରିକତା ଥିଲେ ବି ଆମେରିକାରେ ଯଦି ସେମାନଙ୍କ ପିଲା ଜନ୍ମ ହେଉଥିଲେ, ତାହେଲେ ସେଠିକାର ନାଗରିକତ୍ବ ହାସଲ କରୁଥିଲେ ଜନ୍ମିତ ପିଲା । ଯଦି ବି ସେହି ପିଲାର ବାପା-ମାଆ ଆମେରିକାର ନାଗରିକ ହୋଇନଥିବେ ଏଥିପାଇଁ କିଛି ସମସ୍ୟା ରହୁନଥିଲା । ଭିସା ବଳରେ ସେଠାରେ ରହୁଥିବା ଅନେକ ଦମ୍ପତିଙ୍କ ପିଲା ଆମେରିକା ଜନ୍ମ ପରେ ସେଠାରେ ନାଗରିକ ହେଉଥିଲେ । ହେଲେ ଏବେ ଏଥିରେ ଲାଗିଛି ରୋକ । ଫେବୃୟାରୀ ୨୦ ତାରିଖଠାରୁ ଆମେରିକାରେ ଯେଉଁ ଶିଶୁ ଜନ୍ମ ନେବେ, ସେମାନଙ୍କ ପିତାମାତାଙ୍କ ମଧ୍ୟରେ କେହି ଜଣେ ଆମେରିକାର ନାଗରିକ ହୋଇଥିବା ନିହାତି ଜରୁରୀ । 

ଅଧିକ ପଢ଼ନ୍ତୁ: ଶପଥ ଗ୍ରହଣର କିଛି ମିନିଟ ମଧ୍ୟରେ ଟ୍ରମ୍ପଙ୍କ ନାମରେ ମାମଲା