Mars Human Settlement: ମଙ୍ଗଳ ଗ୍ରହରେ ରହିବେ ମଣିଷ, ପ୍ରଥମ ସହରର ନାଁ କହିଲେ ମସ୍କ

ବଢ଼ୁଥିବା ସୂର୍ଯ୍ୟ ପୃଥିବୀର ସମଗ୍ର ଜୀବନକୁ ଧ୍ୱଂସ କରିଦେବ ବୋଲି କହିଛନ୍ତି ସ୍ପେସଏକ୍ସ ପ୍ରତିଷ୍ଠାତା ଏଲନ ମସ୍କ । ମଙ୍ଗଳ ଗ୍ରହରେ ନୂଆ ବସତି ସ୍ଥାପନ ହେଲେ ହିଁ ମାନବଜାତି ଦୀର୍ଘ କାଳ ଧରି ବଞ୍ଚି ରହିପାରିବ । ଏହା ଏକମାତ୍ର ଦୀର୍ଘକାଳୀନ ଋଣନୀତି ହୋଇପାରିବ । ଏକ୍ସରେ ଘୂରି ବୁଲୁଥିବା ଏକ ଭିଡିଓରେ ଏଲନ ମସ୍କ କହୁଥିବାର ଶୁଣିବାକୁ ମିଳିଛି ଯେ, ମସ୍କ ମଙ୍ଗଳ ଗ୍ରହରେ ରହିବାର  ଲାଭ ବିଷୟରେ କହୁଛନ୍ତି । ‘‘ମଣିଷକୁ ସବୁ ଗ୍ରହରେ ନିଜକୁ ଖାପଖୁଆଇବା ଆବଶ୍ୟକ । ଏହି ପ୍ରୟାସ କେବଳ ଅସ୍ଥାୟୀ ଭାବେ ମଙ୍ଗଳ ଗ୍ରହକୁ ଯିବା ପାଇଁ ନୁହେଁ, ବରଂ ବଞ୍ଚିବା  ପାଇଁ ଏକ ସ୍ଥାୟୀ ସମାଧାନ ସୃଷ୍ଟି କରିବା ଦିଗରେ ପଦକ୍ଷେପ । ସେ କହିଛନ୍ତି,  ଧିରେ ଧିରେ ସୂର୍ଯ୍ୟ ସମସ୍ତଙ୍କୁ ଧ୍ୱଂସ କରିଦେବ । ସୂର୍ଯ୍ୟ ଯେଉଁଭଳି ଭାବେ ବିସ୍ତାରିତ ହେଉଛି, ତାହା ସମଗ୍ର ପୃଥିବୀକୁ ଦିନେ ନା ଦିନେ ଜାଳିଦେବ’’ ବୋଲି ମସ୍କ କହିଛନ୍ତି ।

ମସ୍କ ମଙ୍ଗଳ ଗ୍ରହରେ ମଣିଷର ବସତିକୁ ଜୀବନ ବୀମା ବୋଲି କହିଛନ୍ତି । ପୃଥିବୀରେ ଯେତେବେଳେ ଜୀବଜଗତ ଲୋପ ପାଇଯିବ, ମଙ୍ଗଳ ଗ୍ରହରେ ଜୀବନ ବଞ୍ଚି ପାରିବ । ସୌର ଶକ୍ତିକୁ ଏବେ ବି ଶହ ଶହ କୋଟି କୋଟି ବର୍ଷ ବାକି ଅଛି । କିନ୍ତୁ ତା ପୂର୍ବରୁ ଆମକୁ କ୍ଷମତା ଅନୁସାରେ ତୁରନ୍ତ ପଦକ୍ଷେପ ନେବାକୁ ହେବ । ଯଦି ପୃଥିବୀ ୪୫୦ କୋଟି ବର୍ଷ ପର୍ଯ୍ୟନ୍ତ ଘୂରେ, ତାହାଲେ ପୃଥିବୀରେ ମାତ୍ରାଧିକ ଗରମ ହୋଇ ବଞ୍ଚି ରହିବା ଅସମ୍ଭବ ହୋଇଯିବ । ଯାହାଫଳରେ ପୃଥିବୀର ମାତ୍ର ୧୦ ପ୍ରତିଶତ ଜୀବନ ରହିବ । କିନ୍ତୁ ଏହା ହିଁ ସତ ଯେ, ଯଦି ମଙ୍ଗଳ ଗ୍ରହ ଉପରେ ଆତ୍ମନିର୍ଭରଶୀଳତା ବଢେ, ତାହାଲେ ଏହା ସବୁଦିନ ପାଇଁ ଏକ ବାଟ ଫିଟାଇବ । 

ଅଧିକ ପଢ଼ନ୍ତୁ: ଭାରତ-ପାକିସ୍ତାନ ସ୍ଥିତିକୁ ନେଇ ଚିନ୍ତା ପ୍ରକଟ କଲେ ଟ୍ରମ୍ପ; କହିଲେ- ଯେସାକୁ ତେସା ନୀତି

ନ୍ୟୁୟର୍କ ଟାଇମ୍ସର ଏକ ରିପୋର୍ଟ ଅନୁସାରେ, ମସ୍କଙ୍କ କମ୍ପାନୀ ସ୍ପେସ୍‌ଏକ୍ସ ମଙ୍ଗଳ ଗ୍ରହରେ ସ୍ଥାୟୀ ବାସ ସ୍ଥାନ ସୃଷ୍ଟି କରିବା ଦିଗରେ କାମ କରୁଛି । ମଣିଷଙ୍କୁ ଗ୍ରହକୁ ନେଇ ସେଠାରେ ମଣିଷର ଜୀବନଶୈଳୀ ସହ ଖାପଖୁଆଇ ପାରିବା ଭଳି ବସତି ସ୍ଥାପନ କରିବା ପାଇଁ ନାସା ସହିତ ମିଳିତ ଭାବେ ଟେକ୍ନୋଲୋଜି ଏବଂ ଭିତ୍ତିଭୂମି ବିକଶିତ କରିବା ପାଇଁ କାର୍ଯ୍ୟ କରୁଛି । ଯେହେତୁ ସେଠାରେ ପରିବେଶ ଅନୁକୂଳ ନୁହେଁ, ତେଣୁ କମ୍ପାନୀ ଡୋମ୍ ବାସସ୍ଥାନ ଓ ମଙ୍ଗଳ ଗ୍ରହକୁ ଯିବା ପାଇଁ ସ୍ୱତନ୍ତ୍ର ସ୍ପେସସୁଟ୍ ବିକଶିତ କରୁଛି । ମଙ୍ଗଳ ଗ୍ରହରେ ରହିବା ସମୟରେ ଦେଖା ଯିବାକୁ ଥିବା ସମସ୍ୟାର ସମାଧାନ ଦିଗରେ କାର୍ଯ୍ୟ କରୁଛି ସ୍ପେସଏକ୍ସ ଟିମ୍ । ମସ୍କ କହିଛନ୍ତି ଯେ, ମଙ୍ଗଳ ଗ୍ରହରେ ସ୍ଥାପନ ହେବାକୁ ଥିବା ପ୍ରଥମ ମାନବୀୟ ସହରର ନାମ ‘ଟର୍ମିନସ୍‌’ ରହିବ । ଏହା ପରେ ଯେଉଁମାନେ ରହିବେ ସେମାନେ ସେମାନଙ୍କ ନିଜ ହିସାବରେ ସହରର ନାମକରଣ କରିବେ । 

ଅଧିକ ପଢ଼ନ୍ତୁ: କୁଆଡ଼େ ଗଲେ ହାଫିଜ୍ ଓ ମାସୁଦ ? ମିଳୁନି ପତ୍ତା।