LIVE TV
ଆମେରିକାରେ ପୁଣି ଗୁଳିକାଣ୍ଡ। ଆଜି ଉତ୍ତର କାଲିଫର୍ଣ୍ଣିଆରେ ଗୁଳିକାଣ୍ଡ ଘଟି ମୋଟ ୯ ଜଣଙ୍କ ମୃତ୍ୟୁ ଘଟିଛି। କାଲିଫର୍ଣ୍ଣିଆର ହାଫ୍ ମୁନ୍ ବେ ସହରରେ ଜଣେ ଦୁର୍ବୃତ୍ତର ଗୁଳିମାଡ଼ରେ ଯାଇଛି ୭ ଜୀବନ। ଖୋଲା ସ୍ଥାନରେ ଆସି ଦୁର୍ବୃତ୍ତ ଜଣକ ଲୋକଙ୍କ ଉପରେ ଆଖିବୁଜା ଗୁଳିମାଡ଼ କରିଥିଲା। ଏଥିରେ ୭ ଜଣଙ୍କର ମୃତ୍ୟୁ ଘଟିଛି।
ଗୁଳିକାଣ୍ଡ ଖବର ପାଇ ତୁରନ୍ତ ଆମେରିକା ପୋଲିସ ପହଞ୍ଚି ଦୁର୍ବୃତ୍ତକୁ କାବୁ କରିଥିଲା। ଅନ୍ୟପଟେ ଆୟୋୱା ସହରରେ ଆଉ ଏକ ଗୁଳିକାଣ୍ଡ ଘଟିଛି। ସ୍କୁଲରେ ଗୁଳିକାଣ୍ଡ ଘଟି ୨ ଛାତ୍ରଙ୍କ ମୃତ୍ୟୁ ଘଟିଛି। ଗୁଳିକାଣ୍ଡରେ ସ୍କୁଲର ଶିକ୍ଷକ ଗୁରୁତର ଭାବେ ଆହତ ହୋଇଛନ୍ତି। ସ୍କୁଲରେ ବାର୍ଷିକୋତ୍ସବ ଚାଲିଥିବାବେଳେ ଏହି ଗୁଳିକାଣ୍ଡ ଘଟିଥିଲା।
ଅଧିକ ପଢ଼ନ୍ତୁ: ଆମେରିକାରେ ପୁଣି ଗର୍ଜିଲା ବନ୍ଧୁକ: ଆଖିବୁଜା ଗୁଳିମାଡ଼ରେ ରକ୍ତରଞ୍ଜିତ ହେଲା ଚିକାଗୋ
ଘଟଣାର ୨୦ ମିନିଟ ପରେ ଏକ କାର ମଧ୍ୟରୁ ୩ ଜଣଙ୍କୁ ଧରିଥିଲା ଆମେରିକା ପୋଲିସ। ୨ ଦିନ ପୂର୍ବରୁ କାଲିଫର୍ଣ୍ଣିଆର ମୋଣ୍ଟେରୀ ସହରରେ ଚୀନ ନବବର୍ଷ ପାଳନ ଅବସରରେ ଗୁଳିକାଣ୍ଡ ଘଟିଥିଲା। ଦୁର୍ବୁତ୍ତ ଗୁଳିମାଡ଼ରେ ୧୧ ଜଣଙ୍କର ମୃତ୍ୟୁ ଘଟିଥିଲା। ଏହାକୁ ନେଇ ଜାତୀୟ ପତାକା ଅର୍ଦ୍ଧନମିତ କରିବାକୁ ନିର୍ଦ୍ଦେଶ ଦେଇଥିଲେ ରାଷ୍ଟ୍ରପତି ଜୋ ବାଇଡେନ୍।
