/odishatv-khabar/media/post_attachments/uploadimage/library/16_9/16_9_0/fire_1752741697.jpg)
fire
ଇରାକରେ ଏକ ହାଇପରମାର୍କେଟରେ ଏକ ପାଞ୍ଚ ମହଲା ବିଶିଷ୍ଟ ମଲ୍ରେ ଭୟଙ୍କର ଅଗ୍ନିକାଣ୍ଡ ଘଟି ଶିଶୁମାନଙ୍କୁ ମିଶାଇ ୫୦ ଜଣ ପ୍ରାଣ ହରାଇଛନ୍ତି। ଏହି ଘଟଣା ପୂର୍ବ ଇରାକର ଅଲ-କୁଟ୍ ସହରରେ ଘଟିଛି। ଓ୍ବାସିଟ୍ ପ୍ରଦେଶର ଗଭର୍ଣ୍ଣର ମହମ୍ମଦ ଜାମିଲ ଅଲ-ମିୟାହି ଏହି ଦୁର୍ଘଟଣାରେ ୫୦ ଜଣଙ୍କର ମୃତ୍ୟୁ ହେବା ସହ ଅନେକ ଆହତ ହୋଇଥିବା ସୂଚନା ଦେଇଛନ୍ତି।
ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ପାଞ୍ଚ ମହଲା ବିଶିଷ୍ଟ ଏହି କୋଠାରୁ ନିଆଁ ଓ ଧୂଆଁ ବାହାରୁଥିବା ଦେଖାଯାଇଛି, ଯେଉଁଠାରେ ଅଗ୍ନିଶମ କର୍ମଚାରୀମାନେ ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଥିଲେ। ଗଭର୍ଣ୍ଣର ଅଲ-ମିୟାହି ଏହି ଦୁଃଖଦ ଘଟଣା ପାଇଁ ତିନି ଦିନିଆ ଶୋକ ଘୋଷଣା କରିଛନ୍ତି ଏବଂ କେଉଁ କାରଣରୁ ନିଆଁ ଲାଗିଲା ତାହାର ଅନୁସନ୍ଧାନ ଚାଲିଛି ବୋଲି କହିଛନ୍ତି।
ମଲ୍ର ମାଲିକ ଏବଂ କୋଠାର ମାଲିକଙ୍କ ବିରୋଧରେ ମାମଲା ରୁଜୁ ହୋଇଛି। ଅନୁସନ୍ଧାନର ପ୍ରାଥମିକ ରିପୋର୍ଟ ୪୮ ଘଣ୍ଟା ମଧ୍ୟରେ ପ୍ରକାଶ ପାଇବ ବୋଲି ସେ ପ୍ରତିଶ୍ରୁତି ଦେଇଛନ୍ତି। ଅନେକ ସୂତ୍ର ଅନୁଯାୟୀ, ଏହି ମଲ୍ଟି ମାତ୍ର ପାଞ୍ଚ ଦିନ ପୂର୍ବେ ଖୋଲା ଯାଇଥିଲା। ଏକ ରିପୋର୍ଟ ଅନୁଯାୟୀ, ଅଲ-କୁଟ୍ ସହରର ସ୍ବାସ୍ଥ୍ୟ ବିଭାଗ ଏବଂ ପୁଲିସ ସୂତ୍ରରୁ ଜଣାପଡ଼ିଛି ଯେ ଏହି ଅଗ୍ନିକାଣ୍ଡରେ ଅତି କମରେ ୬୦ ଜଣଙ୍କର ମୃତ୍ୟୁ ହୋଇଛି ଏବଂ ୧୧ ଜଣ ନିଖୋଜ ଅଛନ୍ତି। ଏହି ଘଟଣା ଇରାକରେ ନିର୍ମାଣ ମାନକରେ ତ୍ରୁଟି ଏବଂ ସୁରକ୍ଷା ନିୟମକୁ ପାଳନ ନ କରିବା ଉପରେ ସନ୍ଦେହ ସୃଷ୍ଟି କରିଛି। ଅତୀତରେ ମଧ୍ୟ ଏପରି ଅନେକ ଅଗ୍ନିକାଣ୍ଡ ଘଟିଛି।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)