Indian-Origin Missing: ଆମେରିକାରେ ନିଖୋଜ ଭାରତୀୟ ବଂଶୋଦ୍ଭବ; ଖୋଜାଖୋଜି ଆରମ୍ଭ, ଅନଲାଇନରେ ପୋଷ୍ଟର ଜାରି

ଆମେରିକାରେ ଭାରତୀୟ ବଂଶୋଦ୍ଭବ ନିଖୋଜ। ନ୍ୟୁୟର୍କରୁ ଚାରି ଜଣ ଭାରତୀୟ ବଂଶୋଦ୍ଭବ ପଶ୍ଚିମ ଭର୍ଜିନିଆରେ ଏକ ଆଧ୍ୟାତ୍ମିକ ସ୍ଥାନକୁ ଯାତ୍ରା କରୁଥିବା ବେଳେ ନିଖୋଜ ହୋଇଛନ୍ତି। ସେମାନଙ୍କୁ ଶେଷ ଥର ପେନସିଲଭାନିଆର ଏରିଏ ବର୍ଗର କିଙ୍ଗରେ ଜୁଲାଇ ୨୯ ତାରିଖରେ ଦେଖା ଯାଇଥିଲା।

ନିଖୋଜ ବ୍ୟକ୍ତିମାନେ ହେଉଛନ୍ତି ଆଶା ଦିଓ୍ଵାନ (୮୫), କିଶୋର ଦିଓ୍ଵାନ (୮୯), ଶୈଳେଶ ଦିଓ୍ଵାନ (୮୬), ଏବଂ ଗୀତା ଦିଓ୍ଵାନ (୮୪)। ସେମାନେ ବଫେଲୋରୁ ପଶ୍ଚିମ ଭର୍ଜିନିଆର ମାର୍ଶଲ କାଉଣ୍ଟିରେ ଥିବା ପ୍ରଭୁପାଦାଙ୍କ ପ୍ୟାଲେସ ଅଫ ଗୋଲ୍ଡକୁ ୨୦୦୯ ମଡେଲର ଲାଇମ ଗ୍ରୀନ ଟୟୋଟା କାମ୍ରିରେ (ନ୍ୟୁୟୋର୍କ ଲାଇସେନ୍ସ ପ୍ଲେଟ EKW2611) ଯାତ୍ରା କରୁଥିଲେ।

ବର୍ଗର କିଙ୍ଗର ସର୍ଭେଲାନ୍ସ ଫୁଟେଜରେ ଚାରି ଜଣ ରେସ୍ତୋରାଁରେ ପ୍ରବେଶ କରୁଥିବା ଦେଖା ଯାଇଥିଲା, ଏବଂ ସେମାନେ ସେଠାରେ ଶେଷ ଥର ପାଇଁ କ୍ରେଡିଟ କାର୍ଡରେ ଟଙ୍କା ନେଣଦେଶ କରୁଥିବାର ନଜର ଆସିଛି। ଏହା ପରେ ପେନସିଲଭାନିଆ ରାଜ୍ୟ ପୁଲିସର ଲାଇସେନ୍ସ ପ୍ଲେଟ ରିଡର ମଙ୍ଗଳବାର ଅପରାହ୍ନ୨ଟା ୪୫ ରେ ସେମାନଙ୍କ ଗାଡ଼ିଟି I-79 ରେ ଦକ୍ଷିଣ ଦିଗରେ ଯାଉଥିବା ରେକର୍ଡ କରିଥିଲା।

ମାର୍ଶଲ କାଉଣ୍ଟି ଶେରିଫ ମାଇକ ଡୋହେର୍ଟି କହିଛନ୍ତି, "ପରିବାରଟି ପିଟ୍ସବର୍ଗକୁ ଯାଉଥିଲେ ଏବଂ ତା’ପରେ ମାଉଣ୍ଡସଭିଲ, ପଶ୍ଚିମ ଭର୍ଜିନିଆକୁ ଯାତ୍ରା କରୁଥିଲେ।" ସେ ଆହୁରି କହିଛନ୍ତି ଯେ ପ୍ରାଧିକରଣଙ୍କ ପାଖରେ "କିଛି ସୂଚନା" ଥିଲେ ମଧ୍ୟ ଚାରି ଜଣଙ୍କୁ ଏପର୍ଯ୍ୟନ୍ତ ଖୋଜା ଯାଇ ପାରି ନାହିଁ।

ମାର୍ଶଲ ଏବଂ ଓହାଇଓ କାଉଣ୍ଟିର ଡେପୁଟିମାନେ ନିକଟସ୍ଥ ରାସ୍ତାଗୁଡ଼ିକରେ ଖୋଜାଖୋଜି କରୁଛନ୍ତି। ପ୍ରାଧିକରଣ ଘୋଷଣା କରିଛନ୍ତି ଯେ ରବିବାର ଦିନ ହେଲିକପ୍ଟର ଦ୍ବାରା ସେମାନଙ୍କୁ ଖୋଜାଖୋଜିରେ କରାଯିବ।

ସେମାନଙ୍କୁ ଖୋଜାଖୋଜି କରିବା ପାଇଁ ସେମାନଙ୍କର ପୋଷ୍ଟର ଜାରି କରାଯାଇଛି। ଅନଲାଇନରେ ଜାରି ହୋଇଥିବା ଏକ ପୋଷ୍ଟରରେ ନିଖୋଜ ବ୍ୟକ୍ତିମାନଙ୍କ ନାମ ଏବଂ ଫଟୋ ସହିତ କୌଣସି ସୂଚନା ଥିଲେ ପ୍ରାଧିକରଣଙ୍କୁ ଯୋଗାଯୋଗ କରିବାକୁ ଅନୁରୋଧ କରାଯାଇଛି। ମାର୍ଶଲ କାଉଣ୍ଟି ଶେରିଫ ଅଫିସ ଜନସାଧାରଣଙ୍କୁ ୩୦୪-୮୪୩-୫୪୨୨ ନମ୍ବରରେ କୌଣସି ସୂଚନା ଜଣାଇବାକୁ ଅନୁରୋଧ କରିଛି।

ଅଧିକ ପଢ଼ନ୍ତୁ: ଭାରତ ସମେତ ସମସ୍ତ ଦେଶକୁ ମିଳିଲା ଆଶ୍ୱସ୍ତି, ୭ ତାରିଖରୁ ଲାଗୁ ହେବ ନୂଆ ଟାରିଫ୍ ପ୍ଲାନ୍