Foods For Healthy Liver : ଲିଭର ସମସ୍ୟା ନେଇ ଚିନ୍ତିତ କି ? ଖାଇବାରେ ସାମିଲ କରନ୍ତୁ ଏହି ସବୁ ଖାଦ୍ୟ...ମିଳିବ ସୁଫଳ !

ଆଜିକାଲିର ଖରାପ ଜୀବନଶୈଳୀ ଏବଂ ଅସ୍ୱାସ୍ଥ୍ୟକର ଖାଦ୍ୟ ଅଭ୍ୟାସ ଯୋଗୁଁ ଲିଭର ଦୁର୍ବଳ ହେଉଛି । ଲିଭରର କାର୍ଯ୍ୟକାରିତା ଉପରେ ପ୍ରଭାବ ପଡ଼ୁଛି। ଲିଭର ଆମ ଶରୀରର ଏକ ଅତ୍ୟନ୍ତ ଆବଶ୍ୟକୀୟ ଅଙ୍ଗ। ଏହା ଶରୀରରୁ ଅପରିଷ୍କାର ଦୂର କରିବା, ରକ୍ତକୁ ଶୁଦ୍ଧ କରିବା, ପାଚନ ଏବଂ ମେଟାବୋଲିଜିମକୁ ଉନ୍ନତ ରଖିବାରେ ସାହାଯ୍ୟ କରେ ।

କଲରା, ହଳଦୀ, ରସୁଣ ଏବଂ ଅଳାଁ ପରି ଦେଶୀ ଖାଦ୍ୟରେ ଆଣ୍ଟିଅକ୍ସିଡାଣ୍ଟ ଏବଂ ଆବଶ୍ୟକୀୟ ପୋଷକ ତତ୍ତ୍ୱ ଥାଏ, ଯାହା ଯକୃତର କାର୍ଯ୍ୟକାରିତାକୁ ବଢ଼ାଇଥାଏ । ଏହି ଖାଦ୍ୟଗୁଡ଼ିକ ପିତ୍ତ ଉତ୍ପାଦନକୁ ବୃଦ୍ଧି କରିଥାଏ, ଚର୍ବି ଜମା ହେବାକୁ କମାଇଥାଏ ଏବଂ ଅକ୍ସିଡେଟିଭ ଷ୍ଟ୍ରେସ ସହ ଲଢ଼ିଥାଏ, ଯାହା ଯକୃତ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଆବଶ୍ୟକ। ସନ୍ତୁଳିତ ଜୀବନଶୈଳୀ ସହିତ ଦେଶୀ ଖାଦ୍ୟ ଯକୃତ ପାଇଁ ପ୍ରାକୃତିକ ଟନିକ ଭାବେ କାର୍ଯ୍ୟ କରିଥାଏ ଏବଂ କାର୍ଯ୍ୟ ଦକ୍ଷତାକୁ ବଢ଼ାଇଥାଏ ।

ଅଧିକ ପଢ଼ନ୍ତୁ: ବର୍ଷା ଦିନେ ଖାଉଛନ୍ତି କି ଏହି ଖାଦ୍ୟ, ସାବଧାନ! ଜାଣନ୍ତୁ କଣ ଖାଇବା ଅନୁଚିତ୍‌

ଅଳାଁ

ଭିଟାମିନ ସି ଏବଂ ଆଣ୍ଟିଅକ୍ସିଡାଣ୍ଟରେ ପରିପୂର୍ଣ୍ଣ । ଯାହା ଟକ୍ସିନକୁ ବାହାର କରିବାରେ ସାହାଯ୍ୟ କରେ । ଲିଭରର କାର୍ଯ୍ୟକାରିତାକୁ ବୃଦ୍ଧି କରିଥାଏ । ନିୟମିତ ଭାବେ କଞ୍ଚା ଅଳାଁ ଓ ଏହାର ରସ କିମ୍ବା ଶୁଖିଲା ଅଳାଁ ଖାଇବା ଦ୍ବାରା ଯକୃତର ପ୍ରାକୃତିକ ଡିଟକ୍ସିଫିକେସନ ହୋଇଥାଏ ।

ହଳଦୀ

ଯକୃତରେ ଚର୍ବି ଜମା ହେବାକୁ ରୋକିବାରେ ସାହାଯ୍ୟ କରେ । ଏହା ପିତ୍ତ ଉତ୍ପାଦନରେ ସହାୟକ ହୋଇଥାଏ, ଯାହା ଚର୍ବିକୁ ଭାଙ୍ଗିବା ପାଇଁ ନିହାତି ଆବଶ୍ୟକ। ଗରମ ପାଣି କିମ୍ବା କ୍ଷୀରରେ ହଳଦୀ ମିଶାଇଲେ ଅନେକ ଫାଇଦା ମିଳିଥାଏ ।

ରସୁଣ

ରସୁଣ ଯକୃତ ଏନଜାଇମଗୁଡ଼ିକୁ ସକ୍ରିୟ କରିଥାଏ, ଯାହା ଟକ୍ସିନକୁ ବାହାର କରିବାରେ ସହାୟକ ହୋଇଥାଏ। ଏଥିରେ ସଲଫର କମ୍ପାଉଣ୍ଡ ଏବଂ ସେଲେନିୟମ ପ୍ରଚୁର ମାତ୍ରାରେ ଥାଏ, ଯାହା ଯକୃତର କାର୍ଯ୍ୟକାରିତାକୁ ବଢ଼ାଇଥାଏ । ଫ୍ୟାଟି ଲିଭରକୁ କମାଇଥାଏ। ନିଜ ଖାଇବାରେ ପ୍ରତ୍ୟେକ ଦିନ ରସୁଣକୁ ସାମିଲ କରନ୍ତୁ ।

କଲରା

କଲରା ଯକୃତକୁ ସଫା କରିବା ଏବଂ ରକ୍ତକୁ ଶୁଦ୍ଧ କରିବାରେ ସହାୟକ ହୋଇଥାଏ। ଏଥିରେ ଏପରି କମ୍ପାଉଣ୍ଡ ଥାଏ ଯାହା ପିତ୍ତ ପ୍ରବାହକୁ ଉନ୍ନତ କରିଥାଏ ଏବଂ ଯକୃତର ଚର୍ବି କମାଇଥାଏ। କଲରା ରସ ପିଇବା କିମ୍ବା ଏହାକୁ ତରକାରୀ କରି ଖାଇବା ଦ୍ବାରା ଯକୃତ ଡିଟକ୍ସରେ ସହାୟକ ହୋଇଥାଏ ।

ବିଟରୁଟ

ବିଟରୁଟ ଏବେ ଭାରତୀୟ ରୋଷେଇରେ ବ୍ୟାପକ ଭାବେ ବ୍ୟବହାର ହେଉଛି । ଏଥିରେ ବିଟାଲେନ ଏବଂ ଆଣ୍ଟିଅକ୍ସିଡାଣ୍ଟ ଥାଏ, ଯାହା ଯକୃତର ଅକ୍ସିଡେଟିଭ ଷ୍ଟ୍ରେସକୁ କମାଇବାରେ ସହାୟକ ହୋଇଥାଏ। ଲେମ୍ବୁ ରସ ସହିତ ବିଟରୁଟର ରସ ଯକୃତ ପାଇଁ ଖୁବ ଭଲ

ଧନିଆ ପତ୍ର

ଧନିଆ ପତ୍ର ଲିଭରରୁ କ୍ଷତିକାରକ ଟକ୍ସିନକୁ ବାହାର କରି ପ୍ରାକୃତିକ ଭାବେ ଡିଟକ୍ସିଫିକେସନରେ ସହାୟକ ହୋଇଥାଏ। ଖାଦ୍ୟରେ ନିୟମିତ ଭାବେ ଧନିଆ ପତ୍ର ବ୍ୟବହାର କରନ୍ତୁ । ଯକୃତକୁ ସଫା ରଖିବା ସହ ପାଚନରେ ସହାୟକ ହୋଇଥାଏ।

ଅମୃତଭଣ୍ଡା

ଏହା ପାଚନ ଶକ୍ତି ବଢ଼ାଇବାରେ ସାହାଯ୍ୟ କରେ । ପାଚିଲା ଅମୃତଭଣ୍ଡା ପେଟକୁ ହାଲୁକା ରଖେ ଏବଂ ପ୍ରାକୃତିକ ଯକୃତ ବୁଷ୍ଟର ଭାବେ କାମ କରେ ।

ଅଧିକ ପଢ଼ନ୍ତୁ: ଜାଣନ୍ତୁ କିପରି ଓ କେତେବେଳେ ପିଇବେ ଗ୍ରୀନ୍ ଟି; କଣ ରହିଛି ଫାଇଦା