Alarnath Darshan : ଆଜିଠୁ ଅଲାରନାଥ ଦର୍ଶନ, ଅନବସରରେ ମହାପ୍ରଭୁ

ପବିତ୍ର ଦେବସ୍ନାନ ପୂର୍ଣ୍ଣିମାରେ ୧୦୮ ଗରା ସୁବାସିତ ଜଳରେ ସ୍ନାନ ପରେ ମହାପ୍ରଭୁ ଜ୍ୱରରେ ପୀଡିତ । ଆଜିଠୁ ମହାପ୍ରଭୁଙ୍କ ଅଣସର ନୀତି ଆରମ୍ଭ ହୋଇଛି । ଅସୁସ୍ଥ ଶ୍ରୀଜିଉଙ୍କ ବିଜେ ପରେ ଶ୍ରୀମନ୍ଦିରରେ ଆଜିଠୁ ପଟିଦିଅଁ ପୂଜା ପାଇବେ। ସେପଟେ ଏହି ସମୟରେ ବ୍ରହ୍ମଗିରିର ଅଲାରନାଥ ପୀଠକୁ ଆଜିଠୁ ଛୁଟୁଛି ଭକ୍ତଙ୍କ ସୁଅ। ଶ୍ରୀଜିଉଙ୍କ ଅଣସର ସମୟରେ ଭକ୍ତମାନେ ପ୍ରଭୁ ଅଲାରନାଥଙ୍କ ଦର୍ଶନ କରିଥାନ୍ତି। ତେଣୁ ଆସନ୍ତା 15 ଦିନ ଧରି ଲୋକାରଣ୍ୟ ହୋଇ ଉଠିବ ଅଲାରନାଥ ପୀଠ।

ପ୍ରବଳ ଭକ୍ତଙ୍କ ସମାଗମକୁ ଦେଖି ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ରାତି 4ଟାରୁ ଦୁଆର ଫିଟା ଯାଇ ମଙ୍ଗଳ ଆରତୀ, ତଡପଲାଗି, ବେଶ, ଅବକାଶ ଓ ଗୋପାଳ ବଲ୍ଲଭ ନୀତି ସମ୍ପନ୍ନ ହେବା ପରେ ସକାଳ 6 ଟାରୁ ସର୍ବସାଧାରଣଙ୍କ ଦର୍ଶନ ଆରମ୍ଭ ହୋଇଛି । ଶ୍ରଦ୍ଧାଳୁମାନେ ବ୍ୟାରିକେଡ୍ ଦେଇ ଲମ୍ବା ଧାଡ଼ିରେ ଆସି ଅଲାରନାଥଙ୍କ ଦର୍ଶନ କରୁଛନ୍ତି । ଏହି ସମୟରେ ପ୍ରଭୁ ଅଲାରନାଥଙ୍କୁ ଦର୍ଶନ କଲେ ଶ୍ରୀଜଗନ୍ନାଥ ଦର୍ଶନର ପୁଣ୍ୟ ଲାଭ ହୁଏ ବୋଲି ବିଶ୍ୱାସ ରହିଛି ।  

ଅଧିକ ପଢନ୍ତୁ : ମହାପ୍ରଭୁଙ୍କୁ ଜ୍ବର, ଅଣସରରେ ଗୁପ୍ତ ଉପଚାର କରିବେ ଦଇତାପତି