LIVE TV
ଆଲୁ ଅର୍ଜୁନଙ୍କ ଆକ୍ସନ୍ ପ୍ୟାକ୍ ସିକ୍ୱେଲ୍ 'ପୁଷ୍ପା ୨: ଦ ରୁଲ୍' ଭାରତୀୟ ବକ୍ସ ଅଫିସରେ ହଇଚଇ ସୃଷ୍ଟି କରୁଛି। ବର୍ତ୍ତମାନ, ଏହି ଚଳଚ୍ଚିତ୍ର ରିଲିଜ୍ର ଚତୁର୍ଥ ସପ୍ତାହରେ ପହଞ୍ଚିଛି କିନ୍ତୁ ଏହାର କ୍ରେଜ୍ ଶେଷ ହେଉନାହିଁ।
ଏସବୁ ମଧ୍ୟରେ ଯଦି ଆମେ ଫିଲ୍ମର ରୋଜଗାର ବିଷୟରେ କହିବା, ତେବେ 'ପୁଷ୍ପା ୨' ପ୍ରଥମ ସପ୍ତାହରେ ୭୨୫.୮ କୋଟି ଟଙ୍କା ରୋଜଗାର କରିଥିଲା। ସେହିପରି ଦ୍ୱିତୀୟ ସପ୍ତାହରେ ଏହି ଫିଲ୍ମ ୨୬୪ କୋଟି ଟଙ୍କା ବ୍ୟବସାୟ କରିଥିଲା।
Also Read
ଅଧିକ ପଢ଼ନ୍ତୁ: ଅଲ୍ଲୁ ଅର୍ଜୁନଙ୍କ ଏହି ୧୦ ଫିଲ୍ମ ତାଙ୍କୁ ଆଜି ଦେଇଛି ‘ପୁଷ୍ପାରାଜ୍’ର ପରିଚୟ
ଏହି ଚଳଚ୍ଚିତ୍ରଟି ୧୬ ଦିନରେ ୧୪.୩ କୋଟି, ୧୭ ଦିନରେ ୨୪.୭୫ କୋଟି, ୧୮ ଦିନରେ ୩୨.୯୫ କୋଟି, ୧୮ ଦିନରେ ୧୩ କୋଟି, ୨୦ ଦିନରେ ୧୪.୫ କୋଟି ଏବଂ ୨୧ଦିନରେ ୧୯.୫ କୋଟି ଟଙ୍କା ଆୟ କରିଛି। ବର୍ତ୍ତମାନ ଚତୁର୍ଥ ଗୁରୁବାର ଅର୍ଥାତ୍ ଏହି ଚଳଚ୍ଚିତ୍ର ରିଲିଜ୍ର ୨୨ତମ ଦିନର ରୋଜଗାରର ପ୍ରାରମ୍ଭିକ ଆକଳନ ସାମ୍ନାକୁ ଆସିଛି।
ସାକ୍ନିଲକ୍ ପ୍ରାରମ୍ଭିକ ରିପୋର୍ଟ ଅନୁଯାୟୀ, 'ପୁଷ୍ପା ୨' ୨୨ ଦିନରେ ୯.୬ କୋଟି ଟଙ୍କା ଆୟ କରିଛି। ଏହାର ମୋଟ ରୋଜଗାର ବର୍ତ୍ତମାନ ୧୧୧୯.୨ କୋଟିରେ ପହଞ୍ଚିଛି। ଏଥିରେ ଫିଲ୍ମ ତେଲୁଗୁରେ ୩୧୩.୧୨ କୋଟି, ହିନ୍ଦୀରେ ୭୨୩.୯ କୋଟି, ତାମିଲରେ ୫୫.୬ କୋଟି, କନ୍ନଡରେ ୭.୫ କୋଟି ଏବଂ ମାଲାୟାଲାମରେ ୧୪.୦୮ କୋଟି ଟଙ୍କା ଆୟ କରିଛି।
ଏହି ରିପୋର୍ଟକୁ ଦେଖିଲେ ହିନ୍ଦୀ ବେଲ୍ଟରେ ‘ପୁଷ୍ପା ୨’ ପାଇଁ ବହୁତ କ୍ରେଜ୍ ଅଛି ଏବଂ ଲୋକମାନେ ଏହାକୁ ବହୁତ ପସନ୍ଦ କରୁଛନ୍ତି। ଦେଖିବାକୁ ଗଲେ ଏହାର କାରଣ ପଛରେ ଅଛନ୍ତି ହିନ୍ଦୀ କଳାକାର। ବଲିଉଡ୍ ଅଭିନେତାମାନେ ହିଁ ସବୁ କଳାକାରମାନଙ୍କ ଭଏସ୍କୁ ଦମଦାର କରିଦେଇଛନ୍ତି। ତେବେ ଆସନ୍ତୁ ଜାଣିବା କିଏ କାହା ପାଇଁ ଦେଇଛନ୍ତି ଭଏସ୍।
ଅଧିକ ପଢ଼ନ୍ତୁ: ଅଲ୍ଲୁଙ୍କ ପିଛା ଛାଡୁନି ବିବାଦ; ହାଜର ପାଇଁ ସମନ କଲା ହାଇଦ୍ରାବାଦ ପୋଲିସ
ପୁଷ୍ପାରାଜ୍:
‘ପୁଷ୍ପା ୨’ରେ ଅଲ୍ଲୁ ଅର୍ଜୁନଙ୍କ ଭଏସ୍କୁ ଦେଇଛନ୍ତି ଶ୍ରେୟସ ତଲପଡେ। ଶ୍ରେୟସଙ୍କ ଭଏସ ହିଁ ପୁଷ୍ପାରାଜ୍ଙ୍କୁ ଅଧିକ ଚର୍ଚ୍ଚିତ କରିଦେଇଛି। ଏଥି ସହିତ, ‘ଗୋଲମାଲ’ ପରି ହିଟ୍ ଫ୍ରାଞ୍ଚାଇଜରେ କାମ କରିଥିବା ଅଭିନେତା ଶ୍ରେୟସ୍ ତଲପଡେ ପୁଷ୍ପା ଅଲ୍ଲୁ ଅର୍ଜୁନଙ୍କୁ ସ୍ୱର ଦେବା ପାଇଁ କଠିନ ପରିଶ୍ରମ କରିଛନ୍ତି।
ଅଲ୍ଲୁ ଅର୍ଜୁନଙ୍କ ଭଏସ୍କୁ ଦେଇଛନ୍ତି ଶ୍ରେୟସ ତଲପଡେଡବିଂ କରିବା ସମୟରେ ଶ୍ରେୟସ୍ ୨ ଘଣ୍ଟା ମଧ୍ୟରେ ୧୪ଟି ସେଶନ କରିଥିଲେ ଏବଂ ପାଟିରେ ତୁଳା ଜାକି ଅଲ୍ଲୁ ଅର୍ଜୁନଙ୍କ ସ୍ୱର ଦେଇଥିଲେ। ଯେତେବେଳେ ଅଲ୍ଲୁ ଅର୍ଜୁନ ‘ପୁଷ୍ପା ; ଦି ରାଇଜ୍’ ରେ ପ୍ରଥମ ଥର ଜାଣିବାକୁ ପାଇଲେ, ସେ ଶ୍ରେୟସଙ୍କ ପ୍ରତିଭାକୁ ବହୁତ ପ୍ରଶଂସା କରିଥିଲେ।
ଶ୍ରୀବଲ୍ଲୀ:
‘ପୁଷ୍ପା ୨’ରେ ଶ୍ରୀବଲ୍ଲୀ ଭୂମିକାରେ ଅଭିନୟ କରିଥିବା ରଶ୍ମିକା ମନ୍ଦନାଙ୍କ ଭଏସ୍ ସ୍ମିତା ମାଲହୋତ୍ରା ଦେଇଛନ୍ତି। ସେ ‘ପୁଷ୍ପା: ଦ ରାଇଜ’ରେ ମଧ୍ୟ ନିଜ ସ୍ୱର ଦେଇଥିଲେ।
ରଶ୍ମିକା ମନ୍ଦନାଙ୍କ ଭଏସ୍ ଦେଇଛନ୍ତି ସ୍ମିତା ମାଲହୋତ୍ରା ଭଁୱର ସିଂହ ଶେଖାୱାତ:
ପୁଷ୍ପା ଫ୍ରାଞ୍ଚାଇଜ୍ର ଜୀବନ ହେଉଛି ଏହାର ଭିଲେନ୍ ଭଁୱର ସିଂହ ଶେଖାୱାତ, ଯାହାର ଭୂମିକା ମାଲାୟାଲମ୍ ଅଭିନେତା ଫହାଦ୍ ଫସିଲ କରିଛନ୍ତି। ‘ପୁଷ୍ପା: ଦି ରାଇଜ୍’ ପରେ ଫହାଦ୍ ଫସିଲ ତାଙ୍କ ଅଭିନୟ ସହିତ ‘ପୁଷ୍ପା ୨’ ରେ ନୂତନ ଜୀବନ ଦେଇଛନ୍ତି। ଫହାଦ୍ ତାଙ୍କର କଲ୍ଟ କ୍ଲାସିକ୍ ଅଭିନୟ ପାଇଁ ପ୍ରସିଦ୍ଧ।
ଫହାଦ୍ଙ୍କ ସ୍ୱର ଦେଇଛନ୍ତି ରାଜେଶ ଖଟ୍ଟରହିନ୍ଦୀ ଡବିଂରେ ଶାହୀଦ କପୁରଙ୍କ ସାବତ ବାପା ରାଜେଶ ଖଟ୍ଟର ତାଙ୍କ ସ୍ୱର ଦେଇଛନ୍ତି। ଜଣେ ଦମଦାର ଅଭିନେତା ହେବା ସହିତ ରାଜେଶ ଖଟ୍ଟର ମଧ୍ୟ ଜଣେ ଭଲ ଭଏସ୍ ଆର୍ଟିଷ୍ଟ୍।
ଅନ୍ୟାନ୍ୟ ଭଏସ୍ ଆର୍ଟିଷ୍ଟ୍ସେହିପରି ଜଗ୍ଗା ରେଡ୍ଡୀ ଭଏସ୍କୁ ସପ୍ତଋଷି ଘୋଷ୍ ଦେଇଥିବା ବେଳେ ବୀର ପ୍ରତାପ ରେଡ୍ଡୀ ଭଏସକୁ ରାଜେଶ ଜୋଲୀ, ମଙ୍ଗଲ ଶ୍ରୀମୁ ଭଏସ୍ ଉଦୟ ସବ୍ସିସ୍, ଦକ୍ଷିଣୀ ଭଏସ୍କୁ ସବୀନା ମଲ୍ଲିକ ମୌସମ୍, ବୁଗ୍ଗା ରେଡ୍ଡୀ ଭଏସ୍କୁ ସଚୀନ୍ ଗୋଲେ, ସିଦ୍ଧପା ନାଇଡୁ ଭଏସ୍କୁ ସମୟ ଠାକ୍କର୍, କେଶବ୍ ଭଏସ୍କୁ ସହୀଲ୍ ବୈଦ, ଅଜୟ ଭଏସ୍କୁ ଅନୁପ ଶୁକ୍ଳା, ମୁର୍ଗନ୍ ଭଏସ୍କୁ ବିନୋଦ ଶର୍ମା, ପୁଷା ମା ପାର୍ବତୀ ଦେବୀ ଭଏସ୍କୁ ପରିଣୀତା ଚାଟ୍ଟାର୍ଜୀ ଦେଇଛନ୍ତି।
