LIVE TV
ଅଲ୍ଲୁ ଅର୍ଜୁନ ଆଜି ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନ୍ୟତମ ଲୋକପ୍ରିୟ ତଥା ସଫଳ ଅଭିନେତା। ସେ ଶିଶୁ ଅଭିନେତା ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ ଏବଂ ଧୀରେ ଧୀରେ ଜଣେ ଶକ୍ତିଶାଳୀ ଅଭିନେତା ଭାବରେ ନିଜର ପରିଚୟ ସୃଷ୍ଟି କରିବାକୁ ଲାଗିଲେ। ‘ପୁଷ୍ପା ୨’ରେ ତାଙ୍କ ଅଭିନୟ ସମସ୍ତେ ଦେଖିଲେଣି।
ଅଲ୍ଲୁ ଅର୍ଜୁନ ତାଙ୍କ କ୍ୟାରିୟର୍ ମଧ୍ୟରେ ଅନେକ ହିଟ୍ ଫିଲ୍ମ ଦେଇଛନ୍ତି। ଏଠାରେ ଆମେ ତାଙ୍କର ୧୦ଟି ଚଳଚ୍ଚିତ୍ରର ଏକ ତାଲିକା ଦେଉଛୁ, ଯାହା ତାଙ୍କୁ ବକ୍ସ ଅଫିସରେ ସଫଳତା ହାସଲ କରି ଏକ ସୁପରଷ୍ଟାର କରିପାରିଛି। ଆପଣ ଯଦି ଏହିସବୁ ଫିଲ୍ମ ଦେଖି ନଥିବେ ତେବେ ଦେଖିବାକୁ ଚେଷ୍ଟା କରନ୍ତୁ।
Also Read
'ପୁଷ୍ପା ୨'
ବକ୍ସ ଅଫିସରେ ଅଲ୍ଲୁ ଅର୍ଜୁନଙ୍କ ଫିଲ୍ମ 'ପୁଷ୍ପା ୨' ଏବେ ହଇଚଇ ସୃଷ୍ଟି କରୁଛି। ଏହାର ରୋଜଗାରର ଗତି ବନ୍ଦ ହେବାର କୌଣସି ସଙ୍କେତ ଦେଖାଯାଉ ନାହିଁ। ‘ପୁଷ୍ପା ୨’ ର ଯାଦୁ ଦର୍ଶକଙ୍କ ଉପରେ ରହିଯାଇଛି। ଡିସେମ୍ବର ୫ରେ ମୁକ୍ତିଲାଭ କରିଥିବା ଏହି ଫିଲ୍ମ ୧୮ ଦିନ ମଧ୍ୟରେ ସାରା ବିଶ୍ୱରେ ୧୫୦୦ କୋଟି ଟଙ୍କାରୁ ଅଧିକ ରୋଜଗାର କରିସାରିଲାଣି।
ପୁଷ୍ପା ୨ପୁଷ୍ପା: ଦି ରାଇଜ୍:
୨୦୨୧ ମସିହାରେ ମୁକ୍ତିଲାଭ କରିଥିବା ‘ପୁଷ୍ପା: ଦି ରାଇଜ୍’ ଏକ ତେଲୁଗୁ ଆକ୍ସନ୍ ଡ୍ରାମା ଚଳଚ୍ଚିତ୍ର ଥିଲା, ଯାହା ଅଲ୍ଲୁ ଅର୍ଜୁନଙ୍କ କ୍ୟାରିୟରର ସବୁଠାରୁ ବଡ ସଫଳତା ପାଲଟିଥିଲା। ଏହି ଚଳଚ୍ଚିତ୍ର ତାଙ୍କୁ କେବଳ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ନୁହେଁ, ବରଂ ସମଗ୍ର ଭାରତରେ ଏକ ଲୋକପ୍ରିୟ ତଥା ସଫଳ ଅଭିନେତା (ପାନ-ଇଣ୍ଡିଆ ତାରକା) କରିଦେଇଥିଲା। ଏହା ବକ୍ସ ଅଫିସ୍ରେ ୩୦୦କୋଟିରୁ ଅଧିକ ରୋଜଗାର କରିଥିଲା।
‘ପୁଷ୍ପା: ଦି ରାଇଜ୍’ ଏକ ତେଲୁଗୁ ଆକ୍ସନ୍ ଡ୍ରାମା ଚଳଚ୍ଚିତ୍ର ଥିଲାଆର୍ଯ୍ୟା:
୨୦୨୪ ଚଳଚ୍ଚିତ୍ର ' ଆର୍ଯ୍ୟା' ତେଲୁଗୁ ସିନେମାରେ ଅଲ୍ଲୁ ଅର୍ଜୁନଙ୍କୁ ପ୍ରତିଷ୍ଠା କରିଦେଇଥିଲା। ଏହି ଚଳଚ୍ଚିତ୍ରଟି ହେଉଛି ଜଣେ ଯୁବକର କାହାଣୀ ଯିଏ ନିଜ ସାଙ୍ଗର ଭଉଣୀକୁ ଭଲ ପାଉଥିଲା। IMDb ଏହି ରୋମାଣ୍ଟିକ୍ ଆକ୍ସନ୍ ଫିଲ୍ମକୁ ୭.୮ ରେଟିଂ ଦେଇଛି।
ବେଦମ୍:
ଅଲ୍ଲୁ ଅର୍ଜୁନଙ୍କ ତେଲୁଗୁ ଚଳଚ୍ଚିତ୍ର 'ବେଦମ୍' ୨୦୧୦ରେ ମୁକ୍ତିଲାଭ କରିଥିଲା ଯେଉଁଥିରେ ତାଙ୍କର ମୁଖ୍ୟ ଭୂମିକା ରହିଛି। ଏହି ଚଳଚ୍ଚିତ୍ରରେ ଦାରିଦ୍ରତା ଏବଂ ଅସମାନତା ଭଳି ୫ଟି ଭିନ୍ନ କାହାଣୀ ମାଧ୍ୟମରେ ଆଲୋଚନା କରାଯାଇଛି। IMDb ଏହାକୁ ୮.୧ ରେଟିଂ ଦେଇଛି।
'ବେଦମ୍' ୨୦୧୦ରେ ମୁକ୍ତିଲାଭ କରିଥିଲାଆର୍ଯ୍ୟା ୨:
'ଆର୍ଯ୍ୟା ୨'ରେ ଅଲ୍ଲୁ ଅର୍ଜୁନଙ୍କ ଜବରଦସ୍ତ ଡ୍ୟାନ୍ସ ଦର୍ଶକଙ୍କୁ ଖୁବ ପ୍ରଭାବିତ କରିଥିଲା। ଫିଲ୍ମର ଗୀତଗୁଡ଼ିକ ମଧ୍ୟ ଖୁବ ଲୋକପ୍ରିୟ ହୋଇଥିଲା। ୨୦୦୯ର ଏହି ରୋମାଣ୍ଟିକ୍ କମେଡି ଚଳଚ୍ଚିତ୍ରକୁ IMDb ଦ୍ୱାରା ୭.୪ ରେଟିଂ ଦିଆଯାଇଛି।
ଆଲା ବୈକୁଣ୍ଠପୁରମୁଲୁ:
ଫିଲ୍ମ 'ଆଲା ବୈକୁଣ୍ଠପୁରମୁଲୁ' ଅଲୁ ଅର୍ଜୁନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଚଳଚ୍ଚିତ୍ର ବୋଲି ପ୍ରମାଣିତ ହୋଇଛି। ଏଥିରେ ଏପରି ଜଣେ ବ୍ୟକ୍ତିର କାହାଣୀକୁ ଚିତ୍ରିତ କରାଯାଇଛି ଯିଏ ତାଙ୍କ ଜନ୍ମର ସତ୍ୟକୁ ଆବିଷ୍କାର କରନ୍ତି। IMDb ୨୦୨୦ର ଏହି ତେଲୁଗୁ ଚଳଚ୍ଚିତ୍ରକୁ ୭.୩ ରେଟିଂ ଦେଇଛି। ଏହି ଚଳଚ୍ଚିତ୍ରଟି ବକ୍ସ ଅଫିସରେ ୨୮୦ କୋଟିରୁ ଅଧିକ ଟଙ୍କା ରୋଜଗାର କରିଥିଲା।
ଜୁଲାଇ:
୨୦୧୨ ମସିହାର ଚଳଚ୍ଚିତ୍ର 'ଜୁଲାଇ'(Julayi) ହେଉଛି ଏକ ଛୋଟମୋଟ ଚୋରର କାହାଣୀ ଯିଏ ଏକ ବଡ଼ ଷଡଯନ୍ତ୍ରର ଶିକାର ହୁଏ। ଏହି ଚଳଚ୍ଚିତ୍ର ଅଲ୍ଲୁ ଅର୍ଜୁନଙ୍କୁ ବହୁମୁଖୀ ଅଭିନେତା ଭାବରେ ପ୍ରତିଷ୍ଠିତ କରିଥିଲା। ବକ୍ସ ଅଫିସ୍ରେ ଏହା ୬୨ କୋଟିରୁ ଅଧିକ ରୋଜଗାର କରିଥିଲା। IMDb ଏହାକୁ ୭.୧ ରେଟିଂ ଦେଇଛି।
'ଜୁଲାଇ' ହେଉଛି ଏକ ଛୋଟମୋଟ ଚୋରର କାହାଣୀରେସ୍ ଗୁର୍ରମ:
'ରେସ୍ ଗୁର୍ରମ' ହେଉଛି ଆକ୍ସନ୍ ଏବଂ କମେଡିରେ ପରିପୂର୍ଣ୍ଣ ଏକ ଚଳଚ୍ଚିତ୍ର, ଯାହା ଭୟଙ୍କର ଅପରାଧୀଙ୍କ ବିରୁଦ୍ଧରେ ଲଢୁଥିବା ଦୁଇ ଭାଇଙ୍କ କାହାଣୀ କୁହେ। ବକ୍ସ ଅଫିସ୍ରେ ଏହା ୧୦୦ କୋଟିରୁ ଅଧିକ ରୋଜଗାର କରିଥିଲା। IMDb ଏହାକୁ ୭.୧ ରେଟିଂ ଦେଇଛି।
ସନ୍ ଅଫ ସତ୍ୟମୁର୍ଥୀ:
ସନ୍ ଅଫ ସତ୍ୟମୁର୍ଥୀ ୨୦୧୫ ମସିହାରେ ମୁକ୍ତିଲାଭ କରିଥିବା ଏକ ତେଲୁଗୁ ଆକ୍ସନ୍ ଡ୍ରାମା ଚଳଚ୍ଚିତ୍ର ଥିଲା, ଯାହା ବକ୍ସ ଅଫିସରେ ଏକ ବଡ଼ ସଫଳତା ପାଇଥିଲା। ଏହି ଚଳଚ୍ଚିତ୍ରଟି ବକ୍ସ ଅଫିସରେ ୯୦ କୋଟିରୁ ଅଧିକ ରୋଜଗାର କରିଥିଲା। ଏହି ଚଳଚ୍ଚିତ୍ରରେ ଅଲୁ ଅର୍ଜୁନଙ୍କ ଅଭିନୟକୁ ବହୁତ ପ୍ରଶଂସା କରାଯାଇଥିଲା।
ବନୀ:
ଚଳଚ୍ଚିତ୍ର ବନୀ ଏକ ଗୁରୁତ୍ୱପୂର୍ଣ୍ଣ ଚଳଚ୍ଚିତ୍ର ଥିଲା ଯାହା ଅଲ୍ଲୁ ଅର୍ଜୁନଙ୍କୁ ଜଣେ ସଫଳ ଅଭିନେତା ଭାବରେ ପ୍ରତିଷ୍ଠିତ କରିଥିଲା। ଏହି ଚଳଚ୍ଚିତ୍ର ଆଜି ବି ଦର୍ଶକଙ୍କ ମଧ୍ୟରେ ଲୋକପ୍ରିୟ। ଏହି ଚଳଚ୍ଚିତ୍ରଟି ବକ୍ସ ଅଫିସରେ ମଧ୍ୟ ଏକ ସଫଳତା ଥିଲା, ଯାହା ବକ୍ସ ଅଫିସରେ ୨୫ କୋଟିରୁ ଅଧିକ ରୋଜଗାର କରିଥିଲା।
