LIVE TV
ବିବାଦ ବଢ଼ିବା ପରେ ଶେଷରେ ବଦଳିବ ‘ଆଦିପୁରୁଷ’ ଫିଲ୍ମର ଡାଇଲଗ୍ । ବିବାଦୀୟ ଡାଏଲଗକୁ ବାଦ୍ ଦେବାକୁ ପ୍ରଯୋଜନା ସଂସ୍ଥା ନିଷ୍ପତ୍ତି ନେଇଛି । ଆଜି ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଫିଲ୍ମର ଲେଖକ ମନୋଜ ମୁନ୍ତସିର ଶୁକ୍ଲା । ସିନେମାରେ ଥିବା କିଛି ଡାଏଲଗ୍ ଯାହା ଲୋକଙ୍କ ଭାବାବେଗକୁ ଆଘାତ ଦେଇଛି ।
ମନୋଜ ଫିଲ୍ମର ୪ ହଜାରରୁ ଅଧିକ ପଂକ୍ତି ଲେଖିଛନ୍ତି, ସେଥିରୁ ମାତ୍ର ୫ଟି ପଂକ୍ତିକୁ କିଛି ଲୋକ ପସନ୍ଦ କରିନାହାନ୍ତି । ଏନେଇ ବହୁ ସମାଲୋଚନାର ଶିକାର ହେବାକୁ ପଡ଼ିଥିବା ସ୍ୱୀକାର କରିଛନ୍ତି ମନୋଜ । ତେଣୁ ଯେଉଁ କିଛି ଡାଏଲଗ ଦର୍ଶକମାନଙ୍କ ଭାବନାକୁ ଆଘାତ ଦେଇଛି, ସେଥିରେ ସଂଶୋଧନ କରାଯାଇ ଫିଲ୍ମରେ ସାମିଲ କରାଯିବ ବୋଲି ସେ କହିଛନ୍ତି ।
Also Read
ଏହା ବ୍ୟତୀତ ମନୋଜ କିଛି ଜାତୀୟ ଗଣମାଧ୍ୟମକୁ ମଧ୍ୟ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି କି, ଲୋକମାନେ ୫ଟି ସଂଳାପ ଉପରେ ଆପତ୍ତି ଆଣିଛନ୍ତି । ସେଗୁଡିକ ପରିବର୍ତ୍ତନ ହେବ । ଯଦି ଲୋକମାନେ ଏହାକୁ ପସନ୍ଦ କରୁନାହାନ୍ତି ସେଗୁଡ଼ିକୁ ପରିବର୍ତ୍ତନ କରିବା ଆମର ଦାୟିତ୍ୱ ।
ଅଧିକ ପଢ଼ନ୍ତୁ: କିଏ ଏହି ମନୋଜ ମୁନ୍ତାଶୀର, ଯିଏ ‘ଆଦିପୁରୁଷ’ ପାଇଁ ଲେଖିଛନ୍ତି ଏପରି ନିନ୍ଦନୀୟ ଡାଏଲଗ୍
ଏହାଛଡ଼ା ମନୋଜ ତାଙ୍କ ଟ୍ୱିଟରରେ ଏହି ବିବାଦକୁ ନେଇ କିଛି ପ୍ରଶ୍ନ କରିଥିବା ଦେଖିବାକୁ ମିଳିଛି । ସେ ଲେଖିଛନ୍ତି, ମୁଁ ଜାଣିପାରୁନାହିଁ ଆପଣମାନେ ମୋ କପାଳରେ ଦେଶଦ୍ରୋହୀ ଲେଖିବାକୁ ଏତେ ତତ୍ପର କାହିଁକି ? ଜୟ ଶ୍ରୀ ରାମ ଗୀତ ଶୁଣି ନାହାଁନ୍ତି, ଆପଣ ଶିବୋହମ୍ କିମ୍ବା ରାମ ସିୟା ରାମ ଶୁଣି ନାହାଁନ୍ତି କି ? ଆଦିପୁରୁଶରେ ସନାତନଙ୍କର ଏହି ପ୍ରଶଂସା ମଧ୍ୟ ମୋ ଦ୍ୱାରା ଲିଖିତ । ମୋର ଆପଣଙ୍କ ନିକଟରେ କୌଣସି ଅଭିଯୋଗ ନାହିଁ ।
ଏଠାରେ କହିରଖୁଛୁ, ‘ଆଦିପୁରୁଷ’ର ଚରିତ୍ର ଚିତ୍ରଣ ଏବଂ ଡାଏଲଗକୁ ନେଇ ବିବାଦ ଦେଖା ଦେଇଛି । ବିଶେଷ ଭାବେ ହନୁମାନଙ୍କ ଡାଏଲଗ୍ ‘ଆଗ୍ ତେରେ ବାପ୍ କି, ତେଲ ତେରେ ବାପ୍ କି, ଜଲେଗି ତେରି ବାପ୍ କି’ ଭଳି ଡାଏଲଗକୁ ଦର୍ଶକ ନାପସନ୍ଦ କରିଛନ୍ତି । ଏପରିକି ଏହାର ସ୍କ୍ରିନିଂକୁ ନେଇ ଦିଲ୍ଲୀ ହାଇକୋର୍ଟରେ ଜନସ୍ୱାର୍ଥ ମାମଲା ବି ଦାୟର ହୋଇଛି ।
