LIVE TV
ଆଜିକାଲି ଭାରତୀୟ ସିନେମାର ଧ୍ୟାନ ପୌରାଣିକ କାହାଣୀ ଏବଂ ଚରିତ୍ର ଉପରେ ଆଧାରିତ ହେଉଛି। କେହି କେହି ମହାବୀର କର୍ଣ୍ଣଙ୍କ ଉପରେ ଫିଲ୍ମ ନିର୍ମାଣ କରୁଛନ୍ତି ତ ଆଉ କେହି ମହାଭାରତକୁ ଏହି ଫିଲ୍ମରେ ପ୍ରମୁଖ ପ୍ରଦର୍ଶନ କରୁଛନ୍ତି। ଯେମିତି କି କପ୍ ୟୁନିଭର୍ସ ‘ସିଙ୍ଘମ’ରେ ରାମାୟଣର କାହାଣୀ ଦେଖିବାକୁ ମିଳେ।
ଅଧିକ ପଢ଼ନ୍ତୁ: ଖୁବଶୀଘ୍ର ଫେରୁଛି ନବେ ଦଶକର ସୁପରହିରୋ 'ଶକ୍ତିମାନ', ସାମନାକୁ ଆସିଲା ଟିଜର
Also Read
କିଛି ଦିନ ପୂର୍ବରୁ ଦ୍ରୋଣପୁତ୍ର ଅଶ୍ୱସ୍ଥମାଙ୍କ ଉପରେ ଆଧାରିତ ଏକ ଫିଲ୍ମ ଘୋଷଣା କରାଯାଇଥିଲା। ଏହା ଏକ ବଡ ବଜେଟ୍ ଚଳଚ୍ଚିତ୍ର ଥିଲା। ଏଥିରେ ବଲିଉଡର ଜଣେ ଅଭିନେତାଙ୍କୁ ମଧ୍ୟ କାଷ୍ଟ୍ କରାଯାଇଥିଲା। କିନ୍ତୁ କିଛି କାରଣରୁ ଏହି ଫିଲ୍ମ ନିର୍ମାଣ ହୋଇପାରିଲା ନାହିଁ। ବର୍ତ୍ତମାନ ଏହି ଷ୍ଟାର୍ ଫିଲ୍ମ ‘ମହାବତାର’ରେ ପର୍ଶୁରାମ ଭୂମିକାରେ ନଜର ଆସିବେ। ଫିଲ୍ମର ନାଁ ଘୋଷଣା ହୋଇଯାଇଛି।
ଏହି ଅଭିନେତା ଭିକି କୌଶଲଙ୍କ ବ୍ୟତୀତ ଆଉ କେହି ନୁହଁନ୍ତି। ଭିକି କୌଶଲଙ୍କ ପରବର୍ତ୍ତୀ ଫିଲ୍ମ ‘ମହାବତାର’ ଘୋଷଣା କରିଦିଆଯାଇଛି। ଏହି ଫିଲ୍ମକୁ ନେଇ ମ୍ୟାଡକ୍ ଫିଲ୍ମସ୍ X ରେ ଶେୟାର କରିଛି, “ଦୀନେଶ ଭିଜନ୍ ଏହି ଚିରଞ୍ଜୀବୀ ଯୋଦ୍ଧାଙ୍କ କାହାଣୀ ନେଇଆସୁଛନ୍ତି। ଏହି ଫିଲ୍ମରେ ଭିକି କୌଶଲ ଚିରଞ୍ଜୀବୀ ପର୍ଶୁରାମ ଭୂମିକାରେ ଅଭିନୟ କରୁଥିବାବେଳେ ଅମର କୌଶିକ ଏହି ଫିଲ୍ମର ନିର୍ଦ୍ଦେଶନା ଦେବେ। ଫିଲ୍ମ ଦୁଇ ବର୍ଷ ପରେ ଖ୍ରୀଷ୍ଟମାସ ୨୦୨୬ରେ ମୁକ୍ତିଲାଭ କରିବ।”
ପୋଷ୍ଟର ରିଲିଜ୍:
ଏହିପରି ଭିକି କୌଶଲଙ୍କ ଫିଲ୍ମ ‘ମହାବତାର’କୁ ପରଦାକୁ ଆଣିବାର ଦାୟିତ୍ୱ ‘ସ୍ତ୍ରୀ’ ଏବଂ ‘ଭେଡିଆ’ ଭଳି ଚଳଚ୍ଚିତ୍ର ନିର୍ମାଣ କରିଥିବା ନିର୍ଦ୍ଦେଶକଙ୍କ ହାତରେ ପଡିଛି। ଏହାରି ଭିତରେ ‘ମହାବତାର’ର କିଛି ପୋଷ୍ଟର ମଧ୍ୟ ରିଲିଜ୍ ହୋଇଛି ଯେଉଁଥିରେ ଭିକି କୌଶଲଙ୍କୁ ପର୍ଶୁରାମ ଭୂମିକାରେ ଦେଖିବାକୁ ମିଳେ। ତାଙ୍କର ଏମିତି ଅବତାର ଭୟଙ୍କର ଲାଗୁଥିବା ବେଳେ ତାଙ୍କୁ ଏମିତି ଲୁକ୍ରେ ଦେଖି ତାଙ୍କ ପ୍ରଶଂସକ ଆଶ୍ଚର୍ଯ୍ୟ ହୋଇଛନ୍ତି।
ଅଧିକ ପଢ଼ନ୍ତୁ: ରିଲିଜ୍ ପୂର୍ବରୁ 'କଙ୍ଗୁଭା'ର ଦବ୍ଦବା; ରୋଜଗାର କରିସାରିଲାଣି ୯ କୋଟିରୁ ଅଧିକ
ଦମଦାର ଲୁକ୍:
କେବଳ ଏତିକି ନୁହେଁ ଫିଲ୍ମର ମୋସନ ପୋଷ୍ଟର୍ ମଧ୍ୟ ରିଲିଜ ହୋଇଛି। ଏଥିରୁ ଜଣାପଡୁଛି ଭିକି କୌଶଲଙ୍କୁ ବଡ ପରଦାରେ ଏକ ମହାନ ପୌରାଣିକ ଚରିତ୍ରରେ ଦେଖିବାକୁ ମିଳିବ। ତାଙ୍କର ଏମିତି ଲୁକ୍ ଦେଖିବା ପରେ ଦର୍ଶକଙ୍କ ଉତ୍ସାହ ବଢିଯାଇଛି। ଦେଖିବାକୁ ବାକି ରହିଲା ସେ ଏଥର ତାଙ୍କ ଅଭିନୟରେ କେଉଁ ପ୍ରତିଭା ପ୍ରଦର୍ଶନ କରିବେ।
Dinesh Vijan brings to life the story of the eternal warrior of dharma!
— Maddockfilms (@MaddockFilms) November 13, 2024
Vicky Kaushal stars as Chiranjeevi Parashurama in #Mahavatar, directed by Amar Kaushik.
Coming to cinemas - Christmas 2026! pic.twitter.com/H1PcAQPGry
୨୦୨୫ରେ ସୁଟିଂ ଆରମ୍ଭ:
କୁହାଯାଉଛି ଯେ ସଞ୍ଜୟ ଲୀଲା ଭନ୍ସାଲୀଙ୍କ ଫିଲ୍ମ 'ଲଭ୍ ଆଣ୍ଡ୍ ୱାର୍' ଶେଷ କରିବା ପରେ ଭିକି କୌଶଲ ନଭେମ୍ବର ୨୦୨୫ରେ 'ମହାଭାରତ'ର ସୁଟିଂ ଆରମ୍ଭ କରିବେ ଏବଂ ଜାନୁଆରୀରେ ପ୍ରି-ପ୍ରଡକ୍ସନ୍ କାମ କରାଯିବ। 'ଲଭ୍ ଆଣ୍ଡ୍ ୱାର୍' ପରେ ଭିକି ଏକ ମେଗା ଫିଚର ଫିଲ୍ମରେ ସାଇନ୍ କରିବାକୁ ଚାହୁଁଥିଲେ ଏବଂ ଏହି ସମୟରେ ନିର୍ମାତା ଦୀନେଶ ଭିଜନ୍ ଏକ ସ୍କ୍ରିପ୍ଟ ନେଇ ଆସିଥିଲେ ଯାହାକୁ ସେ ମନା କରିପାରି ନଥିଲେ।
ଖୁବ୍ ଶୀଘ୍ର 'ଛାଭା':
ଭିକି ଅନେକ ମଜାଦାର ପ୍ରୋଜେକ୍ଟରେ କାମ କରୁଛନ୍ତି। ଗତ ବର୍ଷ ତାଙ୍କୁ 'ସାମ୍ ବାହାଦୂର'ରେ ଦେଖିବାକୁ ମିଳିଥିଲା। ଏହା ପରେ ସେ 'ବ୍ୟାଡ୍ ନ୍ୟୁଜ୍'ରେ ହାଲୁକା କମେଡି ସହିତ ଅଭିନୟ କରିଥିଲେ। ଏବେ ତାଙ୍କୁ 'ଛାଭା'ରେ ଛତ୍ରପତି ସମ୍ୱାଜୀ ଭୂମିକାରେ ଦେଖିବାକୁ ମିଳିବ। କିଛି ଦିନ ପୂର୍ବରୁ 'ଛାଭା'ର ଟିଜର୍ ରିଲିଜ୍ ହୋଇଥିଲା, ଯାହାକୁ ଦର୍ଶକ ଖୁବ ପ୍ରଶଂସା କରିଥିଲେ। ଏହା ଚଳିତ ବର୍ଷ ଡିସେମ୍ବରରେ ମୁକ୍ତିଲାଭ କରିବାର ଯୋଜନା ରହିଛି।
