Dhadak 2 Trailer: ଅଗଷ୍ଟ ୧ରେ ରିଲିଜ୍ , ସାଧାରଣ ପ୍ରେମ କାହାଣୀଠୁ ଅଲଗା

ରିଲିଜ ହୋଇଛି ଫିଲ୍ମ ଧଡକ୍-ଟୁର ଟ୍ରେଲର । ସାଜିଆ ଇକବାଲଙ୍କ ନିର୍ଦ୍ଦେଶିତ ଏହି ଫିଲ୍ମଟି ଏକ ଭାବପ୍ରବଣ ପ୍ରେମ କାହାଣୀ। କିନ୍ତୁ ଏହା କୌଣସି ସାଧାରଣ ପ୍ରେମ କାହାଣୀ ନୁହେଁ । ଏଠି ପ୍ରେମର ଶତ୍ରୁ ହେଉଛି ଜାତିପ୍ରଥା ।

ଧଡକ୍ ଟୁ ୨୦୧୮ରେ ମୁକ୍ତିଲାଭ କରିଥିବା ଧଡକ୍ ର ସିକ୍ୱେଲ୍। ପ୍ରାୟ ୩ ମିନିଟ୍ ୩ ସେକେଣ୍ଡର ଏହି ଟ୍ରେଲରରେ ଦୁଇଜଣ ଆଇନ ଛାତ୍ରଙ୍କ କାହାଣୀ କୁହାଯାଇଛି । ସିଦ୍ଧାନ୍ତ ଏବଂ ତ୍ରିପ୍ତିଙ୍କ ଚରିତ୍ର ସମାଜର ବିଭିନ୍ନ ବର୍ଗରୁ ଆସିଛନ୍ତି। ସିଦ୍ଧାନ୍ତ ସଂରକ୍ଷଣ ମାଧ୍ୟମରେ ଆଇନ କଲେଜରେ ପ୍ରବେଶ ପାଅନ୍ତି । ସେଠାରେ ସେ ତ୍ରିପ୍ତିକୁ ଭେଟନ୍ତି, ଯିଏ ଏକ ତଥାକଥିତ ଉଚ୍ଚ ଜାତିର ।

ସେମାନେ ଦୁହେଁ ପ୍ରେମରେ ପଡ଼ିଯାଆନ୍ତି। କିନ୍ତୁ ସେମାନଙ୍କ ପ୍ରେମ କଲେଜ ଠାରୁ ପରିବାର ପର୍ଯ୍ୟନ୍ତ ଲୋକଙ୍କ ଠାରୁ ଘୃଣାର ସମ୍ମୁଖୀନ ହୁଏ । ଏହା ପରେ କ’ଣ ଘଟେ, ତାହା ହେଉଛି ଧଡକ୍ -ଟୁର କାହାଣୀ।

It all begins with ek धड़क! ❤️#Dhadak2 trailer out now.
🔗 - https://t.co/8fDUAosghc

Releasing in cinemas on 1st August.

— Dharma Productions (@DharmaMovies) July 11, 2025

ତ୍ରିପ୍ତି ଏବଂ ସିଦ୍ଧାନ୍ତଙ୍କ ଯୋଡିକୁ ଦର୍ଶକ ପସନ୍ଦ କରୁଛନ୍ତି । ଫିଲ୍ମରେ ତ୍ରିପ୍ତି ଡିମରୀଙ୍କ ଦମଦାର ଅଭିନୟ ଦେଖିବାକୁ ମିଳିପାରେ । 'ଧଡକ' ପରି ଏହା ମଧ୍ୟ ଏକ ରିମେକ୍ । 'ଧଡକ' ମରାଠୀ ଚଳଚ୍ଚିତ୍ର 'ସୈରାତ୍'ର ହିନ୍ଦୀ ରିମେକ୍ ଥିଲା । ଧଡକ୍ –ଟୁ ତାମିଲ ଫିଲ୍ମ ପେରିୟରମ ପେରୁମାଲ୍ ର ଅଫିସିଆଲ୍ ରିମେକ୍।

ଧଡକ୍ ଟୁ ନଭେମ୍ବର ୨୦୨୪ରେ ମୁକ୍ତିଲାଭ କରିବାର ଥିଲା । କିନ୍ତୁ ସେନ୍ସର ବୋର୍ଡ ସହିତ ବିବାଦ ଯୋଗୁଁ ଏହାର ରିଲିଜ ସ୍ଥଗିତ ରହିଥିଲା ।

ଫିଲ୍ମରେ ୧୬ଟି କଟ୍ କରାଯାଇଛି । ଯାହା ପରେ ଏହା ଏବେ ଅଗଷ୍ଟ ୧ରେ ହଲରେ ରିଲିଜ୍ ହେବ। ଫିଲ୍ମରେ ସିଦ୍ଧାନ୍ତ ଏବଂ ତ୍ରିପ୍ତିଙ୍କ ବ୍ୟତୀତ ଆଶିଷ ଚୌଧୁରୀ, ବିପିନ ଶର୍ମା, ମଞ୍ଜିରୀ ପୁପାଲା ଏବଂ ଦୀକ୍ଷା ଜୋଶୀ ମଧ୍ୟ କାମ କରୁଛନ୍ତି।

ଅଧିକ ପଢନ୍ତୁ: ବକ୍ସଅଫିସର ସବୁ ରେକର୍ଡ ଭାଙ୍ଗିବ, ଟକ୍କର ଦେବେ ରଜନୀକାନ୍ତ