LIVE TV
ଆଜିକାଲି ଅମିତାଭ ବଚ୍ଚନଙ୍କ ନାତି ଅଗସ୍ତ୍ୟ ନନ୍ଦା ଓ ଶାହାରୁଖ ଖାନ୍ ଙ୍କ ଲଳନା ସୁହାନା ଖାନଙ୍କ ସମ୍ପର୍କକୁ ନେଇ ଚର୍ଚ୍ଚା ଉଡୁଛି। ନିକଟରେ ଉଭୟ ଏକ ପାର୍ଟୀରେ ଏକାଠି ନଜର ଆସିଥିଲେ। ଅନେକ ଷ୍ଟାର୍ କିଡ୍ସ ତାନିଆ ଶ୍ରଫ୍ଙ୍କ ଜନ୍ମଦିନ ପାର୍ଟୀକୁ ଯାଇଥିଲେ। ଏହି ସମୟରେ ଅନେକ ଭିଡିଓ ଏବଂ ଫଟୋ ସାମ୍ନାକୁ ଆସିଛି।
ଏହି ସମୟର ଏକ ରୋମାଣ୍ଟିକ୍ ଭିଡିଓ ମଧ୍ୟ ସାମ୍ନାକୁ ଆସିଛି ଯେଉଁଥିରେ ଅଗସ୍ତ୍ୟ ନନ୍ଦା ଏବଂ ସୁହାନା ଖାନ ଏକାଠି ନଜର ଆସିଛନ୍ତି। ଇନଷ୍ଟାଗ୍ରାମ ରେ ଏକ ପାପାରାଜୋ ଆକାଉଣ୍ଟରେ ଶେୟାର କରାଯାଇଥିବା ଏକ ଭିଡିଓରେ ଅଗସ୍ତ୍ୟ ଏବଂ ସୁହାନା ତାନିଆ ଶ୍ରଫ୍ଙ୍କ ଜନ୍ମଦିନ ପାର୍ଟୀରେ ନଜର ଆସିଥିଲେ। ସୁହାନା ଖାନ ପାର୍ଟି ଛାଡିବାକୁ ଯାଉଥିବାବେଳେ ଅଗସ୍ତ୍ୟ, ତାନିଆ ଏବଂ ଆହାନ ଶେଟ୍ଟୀ ତାଙ୍କୁ ନିଜ କାର୍ରେ ଛାଡିବା ପାଇଁ ଆସିଥିଲେ।
ଅଧିକ ପଢ଼ନ୍ତୁ: ପୁଣି ପ୍ରେମରେ ଆର୍ଯ୍ୟନ ଖାନ୍; ଏହି ଅଭିନେତ୍ରୀଙ୍କ ସହ କରୁଛନ୍ତି ଡେଟିଂ !
Also Read
ଏହି କ୍ଲିପ୍ରେ ସୁହାନା ତାନିଆଙ୍କ ସହ ହାତ ମିଳାଇ ହସି ହସି ତାଙ୍କ କାର୍ ଆଡକୁ ଗଲେ। ପାଖରେ ଠିଆ ହୋଇଥିବା ଅଗସ୍ତ୍ୟ ସୁହାନାଙ୍କୁ ତାଙ୍କ କାର ପାଖରେ ପହଞ୍ଚିବାରେ ସାହାଯ୍ୟ କରିଥିଲେ। ସୁହାନା ଅଗସ୍ତ୍ୟଙ୍କୁ ଚାହିଁଲେ। ଏହି ସମୟରେ ଅଗସ୍ତ୍ୟ ତାଙ୍କୁ ଚୁମ୍ବନ ଦେଇଥିଲେ ଏବଂ ତା’ପରେ ତାଙ୍କ କାରର ଡୋର୍ ବନ୍ଦ କରିଥିଲେ। ଏହା ପରେ ସେ ତାନିଆ ଏବଂ ଆହାନଙ୍କ ସହିତ ଭିତରକୁ ଚାଲିଗଲେ।
ସେ କହିଛନ୍ତି ଯେ ତାଙ୍କର ଡେବ୍ୟୁ ପ୍ରୋଜେକ୍ଟର ସେଟରେ ସେମାନଙ୍କ ସମ୍ପର୍କ ଆରମ୍ଭ ହୋଇଥିଲା। ରିପୋର୍ଟରେ କୁହାଯାଇଛି, "ସେମାନେ ଏକାଠି ବହୁ ସମୟ ବିତାଉଥିଲେ ଏବଂ ନିଜ ବନ୍ଧନକୁ ଲୁଚାଇବାକୁ ମଧ୍ୟ ଚେଷ୍ଟା କରୁ ନଥିଲେ। ଏପର୍ଯ୍ୟନ୍ତ ସେମାନେ ଏହାକୁ ଅଫିସିଆଲ୍ କରିବାକୁ ଯୋଜନା କରିନାହାଁନ୍ତି। ତେବେ ପ୍ରଡକ୍ସନ ହାଉସ୍ର ଅଧିକାଂଶ ଲୋକ ସେମାନଙ୍କୁ ବିବାହକୁ ନେଇ ଆଶା ରଖିଛନ୍ତି।”
ଏହି କାର୍ଯ୍ୟକ୍ରମ ପାଇଁ ସୁହାନା ଏକ ଶିମ୍ରି ଲମ୍ବା ଡ୍ରେସ୍ ଏବଂ ହିଲ୍ ବାଛିଥିଲେ। ଅଗସ୍ତ୍ୟଙ୍କୁ କଳା ଟି-ସାର୍ଟ ଏବଂ ନୀଳ ଡେନିମ୍ ପ୍ୟାଣ୍ଟ୍ରେ ଦେଖିବାକୁ ମିଳିଥିଲା। ସୁହାନା ଏବଂ ଅଗସ୍ତ୍ୟଙ୍କ ବ୍ୟତୀତ ଆର୍ଯ୍ୟନ ଖାନ, ସଞ୍ଜୟ କପୁର ଏବଂ ମହୀପ କପୁରଙ୍କ ଝିଅ ଶନାୟା କପୁର ମଧ୍ୟ ଏହି ପାର୍ଟୀରେ ଯୋଗ ଦେଇଥିଲେ। ପାର୍ଟୀରେ ବରୁଣ ଧାୱନଙ୍କ ଭାଣିଜୀ ଅଞ୍ଜିନି ଧୱନ ଏବଂ ନିର୍ମାତା ବୋନି କପୁର ଏବଂ ସ୍ୱର୍ଗତ ଅଭିନେତ୍ରୀ ଶ୍ରୀଦେବୀଙ୍କ ଝିଅ ଖୁସି କପୁର ମଧ୍ୟ ନଜର ଆସିଥିଲେ।
