Bengaluru Horror: ବେକେରୀରେ ବହିଲା ରକ୍ତର ନଦୀ : ସିସିଟିଭିରେ କଏଦ ହତ୍ୟା ସମୟର ଦୃଶ୍ୟ, ୭ ଗିରଫ

ଦୋକାନ ଭିତରେ ଗୋଡ଼ାଇ ଗୋଡ଼ାଇ ହାଣିଲେ। ଚାରିପଟୁ ଘେରିଯାଇ ଖଣ୍ଡାରେ ହାଣି ମାରିଦେଲେ। କର୍ଣ୍ଣାଟକ କୋପାଲ ଜିଲ୍ଲାରେ ଘଟିଛି ଏଭଳି ବୀଭତ୍ସ ହତ୍ୟାକାଣ୍ଡ । ମୃତକ ହେଲେ ଚେନ୍ନପା ନରିନାଲ୍ । ଗୋଟିଏ ବେକେରୀ ଭିତରେ ଚେନ୍ନପାଙ୍କୁ ଚାରିପଟୁ ଘେରିଯାଇ ୭ ଦୁବୃର୍ତ୍ତ ହତ୍ୟା କରିଥିବା ଅଭିଯୋଗ ହୋଇଛି । ହତ୍ୟାକାଣ୍ଡର ଛାତିଥରା ଭିଡିଓ ସିସିଟିଭିରେ କଏଦ ହୋଇଛି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେଉଛି । ପୋଲିସ ସୂଚନା ଅନୁସାରେ, ଗତ ମେ ମାସ ୩୧ ତାରିଖରେ ଘଟିଥିଲା ଏହି ବୀଭତ୍ସ ହତ୍ୟାକାଣ୍ଡ ।

ଜମି ବିବାଦକୁ କେନ୍ଦ୍ର କରି ଚେନ୍ନପାଙ୍କୁ ଦୋକାନ ଭିତରେ ୭ ଦୁବୃର୍ତ୍ତ  ଆକ୍ରମଣ କରିଥିବା ସନ୍ଦେହ କରାଯାଉଛି । ସେଠାରୁ ଯୁବକ ଜଣଙ୍କ ଦୌଡ଼ି ପଳାଇବାକୁ ଉଦ୍ୟମ କରିଥିଲେ ବି ଚାରିପଟୁ ଘେରିଯାଇଥିଲେ ଦୁର୍ବୃତ୍ତ । ପରେ ଦୋକାନ ବାହାରେ ଛୁରୀରେ ଭୁସି ହତ୍ୟା କରିଥିଲେ ।  ପୋଲିସ ଏହି ମାମଲାରେ ୭ ଜଣଙ୍କୁ ଗିରଫ କରି ତଦନ୍ତ ଜାରି ରଖିଛି ।  

ଅଧିକ ପଢନ୍ତୁ : NH କଡରୁ ASIଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର, ଦୁର୍ଘଟଣା ନା ହତ୍ୟା?