Ganja Seized: ମସଲା ଦୋକାନରୁ ପୁଳା ପୁଳା ଗଞ୍ଜେଇ ଜବତ, ଦୋକାନୀ କହିଲେ 'ବିଡ଼ି ପାଉଡର ବିକୁଥିଲି'

ଭୁବନେଶ୍ୱର ୟୁନିଟ୍ ୪ ମାର୍କେଟରୁ ମିଳିଲା ପୁଳା ପୁଳା ଗଞ୍ଜେଇ । ବାହାରେ ମସଲା ଡିଷ୍ଟ୍ରିବ୍ୟୁଟର ବ୍ୟାନର ଲଗାଯାଇଥିଲା । ଆଉ ଭିତରେ ଚାଲିଥିଲା ଗଞ୍ଜେଇ କାରବାର। ଭୁବନେଶ୍ୱର ୟୁନିଟ୍-୪ ମାର୍କେଟରେ ଚଢାଉ ପରେ ସତ ସାମନାକୁ ଆସିଛି । ପୋଲିସ ଓ STFର ମିଳିତ ରେଡ୍ ରେ ଦୋକାନରୁ ଜବତ ହୋଇଛି ପୁଳାପୁଳା ଗଞ୍ଜେଇ । 

ମିଳିଥିବା ସୂଚନା ଅନୁସାରେ, ଗଞ୍ଜେଇକୁ ପାଉଡର କରି ସିଗାରେଟରେ ଭର୍ତ୍ତି କରି ବିକ୍ରି କରୁଥିଲେ ଦୋକାନୀ । ସେପଟେ ଦୋକାନରୁ ମିଳିଥିବା ସାମଗ୍ରୀ ଗଞ୍ଜେଇ ନୁହେଁ, ବରଂ ବିଡ଼ି ଗୁଣ୍ଡ ବୋଲି କହିଛନ୍ତି ଅଭିଯୁକ୍ତ ଦୋକାନୀ । ନିଶା କାରବାରକୁ ମୁଳୋତ୍ପାଟନ କରିବା ପାଇଁ କମିଶନରେଟ ପୋଲିସ ଜୋରଦାର ଅଭିଯାନ ଚଳାଇଛି । ଏହି କ୍ରମରେ ବିଭିନ୍ନ ଦୋକାନରେ ଜାରି ରହିଛି ଚଢାଉ । 

ଅଧିକ ପଢନ୍ତୁ : ରାଜଧାନୀରେ ଗଞ୍ଜେଇ ଭର୍ତ୍ତି ଟ୍ରକ