• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Prangyan Parimita

ବନ୍ଧୁ ସାଜିଲା ହତ୍ୟାକାରୀ । ପିଟିଲେ, ମାରିଲେ ଆଉ ତା ପରେ ଜାଳିଦେଲେ । ଏଭଳି କିଛି ଅଭାବନୀୟ ଘଟଣା ଘଟିଛି ଗଞ୍ଜାମ ବଡ଼ଗଡ଼ ଥାନା ସାନଗୋଛା ଗାଁରେ । ସ୍ଥାନୀୟ ସୋରଡ଼ା ଗାଁର ସନ୍ତୋଷ ବେହେରାଙ୍କୁ ଜାଳି ମାରି ଦେଇଛନ୍ତି ତାଙ୍କର ଦୁଇ ବନ୍ଧୁ ।

ସନ୍ତୋଷ ନିଜ ମାମୁଁ ଘର କନ୍ଧମାଳ ଜିଲ୍ଲା କାଟିଙ୍ଗାକୁ ଗତ ମାସ ୨୪ ତାରିଖରେ ଯାଇଥିଲେ । ସେଠି କିଛି ଦିନ ରହିବା ପରେ ୨୯ ତାରିଖରେ ଗାଁକୁ ଯିବି କହି ଜଣେ ଯୁବକଙ୍କ ସହ ଆସିଥିଲେ କିନ୍ତୁ ଘରକୁ ଫେରିନଥିଲେ । ପରିବାର ଲୋକେ ଅନେକ ଖୋଜାଖୋଜି କରିବା ପରେ ମଧ୍ୟ ତାଙ୍କର ପତ୍ତା ମିଳିନଥିଲା ।

ଅଧିକ ପଢ଼ନ୍ତୁ: ବଚସାରୁ ହତ୍ୟାକାଣ୍ଡ ! ତେଜରାତି ଦୋକାନରେ ପଶି ଦମ୍ପତିଙ୍କୁ ଗୁଳି କରି ହତ୍ୟା

ଏଥିପାଇଁ ପ୍ରଥମେ ବ୍ରାହ୍ମଣି ଗାଁ ଥାନା ପରେ ବଡ଼ଗଡ଼ ଥାନାରେ ନିଖୋଜନେଇ ଏତଲା ଦେଇଥିଲେ । ଅଭିଯୋଗ ପରେ ପୋଲିସ ତଦନ୍ତ ପ୍ରକିୟା ଆଗକୁ ବଢାଇଥିଲା । ତେବେ ଗତକାଲି ମୁକିଡ଼ାମ ଘାଟିରେ ମୃତଦେହକୁ ପୋଡ଼ା ଯାଇଥିବା ପୋଲିସ୍ ଜାଣିବାକୁ ପାଇଛି । ଏନେଇ ଏବେ ତଦନ୍ତ ଚାଲିଛି ।

ସୂଚନା ମୁତାବକ, ଦୁଇ ବନ୍ଧୁଙ୍କ ସହ ମିଶି ଏକାଠି ମଦ ପିଇଥିଲେ ସନ୍ତୋଷ । ଏହାପରେ କୌଣସି କାରଣରୁ ମୃତକଙ୍କର ଅନ୍ୟ ଦୁଇ ବନ୍ଧୁଙ୍କ ସହ ବଚସା ହୋଇଥିଲା । ଆଉ ଏହି ବଚସା ପାଇଁ ନିଶାଗ୍ରସ୍ତ ହୋଇ ଉଭୟେ ହତ୍ୟା କରିଛନ୍ତି । ତେବେ ଏହି କାଣ୍ଡ ଘଟାଇଥିବା ଅଭିଯୁକ୍ତ ଦୁଇ ବନ୍ଧୁଙ୍କୁ ଖୋଜୁଛି ପୋଲିସ୍ ।