LIVE TV
ଭୋପାଳରେ ସ୍ପା ସେଣ୍ଟର ଆଢୁଆଳରେ ଚାଲିଥିଲା ଦେହବେପାର । ଏହି ରାକେଟର ପର୍ଦାଫାସ ହୋଇଛି । ୧୮ଟି ସ୍ପା ସେଣ୍ଟର ଉପରେ ପୋଲିସ ଅଚାନକ ଚଢାଉ କରି ୬୮ ଜଣଙ୍କୁ ଥାନାକୁ ଆଣି ଅଟକ ରଖିଛି। ରେଡ ସମୟରେ ଏକାଧିକ ପୁରୁଷ ଓ ମହିଳାଙ୍କୁ ଅସଞ୍ଜତ ଅବସ୍ଥାରେ ଉଦ୍ଧାର କରାଯିବା ସହ ସମସ୍ତଙ୍କୁ ଅଟକ ରଖା ଯାଇଥିଲା।
ପୋଲିସ କର୍ମଚାରୀଙ୍କୁ ନେଇ ଗଠିତ ଟିମ ସହରର ବିଭିନ୍ନ ସ୍ଥାନରେ ଥିବା ୧୮ଟି ସ୍ପା ସେଣ୍ଟରରେ ଚଢାଉ କରିଥିଲେ। ଏହି ଚଢାଉରେ ୨୫୦ ଜଣ ପୋଲିସ କର୍ମଚାରୀ ସାମିଲ ଥିଲେ । ୩୩ ଜଣ ପୁରୁଷ ଓ ୩୫ ଜଣ ମହିଳାଙ୍କୁ ଏହି ଘଟଣାରେ ଅଟକ ରଖାଯାଇଛି। ଏକାଧିକ ସ୍ପା ସେଣ୍ଟରରେ ଦେହ ବେପାର ଚାଲୁଥିବା ନେଇ ଆଗରୁ ଅଭିଯୋଗ ହୋଇଆସୁଥିଲା । ତେଣୁ ପୋଲିସ ପକ୍ଷରୁ ଯୋଜନାବଦ୍ଧ ଭାବେ ଅଚାନକ ଚଢାଉ କରାଯାଇଥିଲା।
କମଳାନଗର, ଏମପି ନଗର, ହବିବଗଞ୍ଜ ଓ ବାଗ ସେୱନିଆରେ ପୋଲିସ ପକ୍ଷରୁ ଚଢାଉ କରାଯାଇଥିଲା। କ୍ରାଇମ ବ୍ରାଞ୍ଚ, ମହିଳା ଥାନା ଓ ସ୍ଥାନୀୟ ପୋଲିସ ପକ୍ଷରୁ ମିଳିତ ଭାବରେ ଏହି ଅପରେସନ ଲଞ୍ଚ କରାଯାଇଥିଲା। ରେଡ୍ ସମୟରେ ପୋଲିସ ବହୁ ଆପତ୍ତିଜନକ ସାମଗ୍ରୀ ମଧ୍ୟ ଜବତ କରିଛି । ଅଟକ ଥିବା ପୁରୁଷ ଓ ମହିଳାଙ୍କୁ ପୋଲିସ୍ ପଚରାଉଚରା କରୁଛି ।
