LIVE TV
ହୋଲି ପାଳନ ବେଳେ ହେଲମେଟ ନ ପିନ୍ଧି ଗାଡି ଚଲାଇବା କାରଣରୁ ଅଡୁଆରେ ପୂର୍ବତନ ମୁଖ୍ୟମନ୍ତ୍ରୀଙ୍କ ପୁଅ। ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ପୁଅ ତଥା RJD ବିଧାୟକ ତେଜ ପ୍ରତାପ ଯାଦବଙ୍କ ସମସ୍ୟା ବଢ଼ାଇଛି ବିନା ହେଲମେଟରେ ସ୍କୁଟି ଚଲାଇବା । ପାଟନା ଟ୍ରାଫିକ ପୋଲିସ ତାଙ୍କ ନାମରେ ଏକ ଚାଲାଣ ଇସ୍ୟୁ କରିଛି। ତେଜ ପ୍ରତାପଙ୍କ ଘରକୁ ୪ ହଜାର ଟଙ୍କା ଚାଲାଣ ପଠାଯାଇଛି। ଅନ୍ୟପକ୍ଷରେ ତେଜ ପ୍ରତାପ ଚଲାଉଥିବା ସ୍କୁଟିର ଇନ୍ସୁରାନ୍ସ ଏବଂ ପଲ୍ୟୁସନ ସାର୍ଟିଫିକେଟର ଅବଧି ନ ଥିବା ଜଣାପଡିଛି। ସୂଚନା ଯୋଗ୍ୟ, RJD ନେତା ତେଜ ପ୍ରତାପ ହୋଲି ଦିନ ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ସ୍କୁଟି ଚଲାଇ ଯାଉଥିଲେ।
ଅଧିକ ପଢ଼ନ୍ତୁ: ବଢ଼ିଲା କର୍ଣ୍ଣାଟକ ପୋଲିସ ହାଉସିଂ କର୍ପୋରେସନ୍ ଡିଜିପିଙ୍କ ଅଡୁଆ, ବାଧ୍ୟତାମୂଳକ ଛୁଟିରେ ପଠାଇଲେ ସରକାର
Also Read
ବିହାରରେ ହୋଲି ଉତ୍ସବ ମଧ୍ୟରେ, ତେଜ ପ୍ରତାପ ସବୁଠାରୁ ଅଧିକ ଚର୍ଚ୍ଚାରେ ରହିଛନ୍ତି। ପ୍ରଥମେ ଜଣେ ପୋଲିସ ଅଧିକାରୀଙ୍କୁ ନାଚିବା ପାଇଁ ବାଧ୍ୟ କରୁଥିବାର ଭିଡିଓ ଭାଇରାଲ ହୋଇଥିଲା। ନ ନାଚିଲେ ତାଙ୍କୁ ନିଲମ୍ବନ କରାଯିବ ବୋଲି ଚେତାବନୀ ମଧ୍ୟ ଦେଇଥିଲେ। ଭିଡିଓ ସାମ୍ନାକୁ ଆସିବା ପରଠାରୁ ବିଜେପି ସମେତ ବିଭିନ୍ନ ଦଳର ନେତା ତେଜ ପ୍ରତାପଙ୍କୁ ଟାର୍ଗେଟ କରି ସମାଲୋଚନା କରୁଛନ୍ତି। ବର୍ତ୍ତମାନ ବିନା ହେଲମେଟରେ ସ୍କୁଟି ଚଲାଇବା ତାଙ୍କ ପାଇଁ ସମସ୍ୟା ବଢାଇଛି। ବିହାର ବିଧାୟକ ତେଜ ପ୍ରତାପ ଯାଦବଙ୍କ ଅଙ୍ଗରକ୍ଷୀ ଭାବରେ ନିଯୁକ୍ତ ଜଣେ ପୋଲିସ କନଷ୍ଟେବଳଙ୍କୁ ବିଧାୟକଙ୍କ ନିର୍ଦ୍ଦେଶରେ ୟୁନିଫର୍ମ ପିନ୍ଧି ନାଚିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ତାଙ୍କୁ ତାଙ୍କ ପଦବୀରୁ ହଟାଇ ଦିଆଯାଇଛି।
ଏକ ସାର୍ବଜନୀନ ସ୍ଥାନରେ ହୋଲି ଉତ୍ସବ ସମୟରେ ଏହି ଘଟଣା ଘଟିଥିଲା। ତେଜ ପ୍ରତାପ ଯାଦବ ନାଚିବାକୁ ନିର୍ଦ୍ଦେଶ ଦେଇଥିବା ବେଳେ କନଷ୍ଟେବଳ ଦୀପକ କୁମାର ନାଚିଥିଲେ। ଭିଡିଓଟି ଭାଇରାଲ ହେବା ପରେ ବିଭିନ୍ନ ମହଲରୁ ସମାଲୋଚନା କରାଯାଇଥିଲା। ଶୁକ୍ରବାର ଦଳୀୟ ସମର୍ଥକଙ୍କ ସହ ହୋଲି ପାଳନ କରୁଥିବା ସମୟରେ ଆରଜେଡି ନେତା କନଷ୍ଟେବଳଙ୍କୁ ଏକ ଗୀତରେ ନାଚିବାକୁ ନିର୍ଦ୍ଦେଶ ଦେଇଥିଲେ ଏବଂ ଚେତାବନୀ ଦେଇଥିଲେ ଯେ ଯଦି ସେ ମନା କରନ୍ତି ତେବେ ତାଙ୍କୁ “ନିଲମ୍ବିତ” କରାଯିବ।
ଏହି ବିବାଦ ପରେ, ଦୀପକ କୁମାରଙ୍କୁ ତେଜ ପ୍ରତାପ ଯାଦବଙ୍କ ଅଙ୍ଗରକ୍ଷୀ ପଦରୁ ହଟାଇ ଦିଆଯାଇଛି। ପାଟନାର ବରିଷ୍ଠ ପୋଲିସ ଅଧିକ୍ଷକ (ଏସଏସପି)ଙ୍କ କାର୍ଯ୍ୟାଳୟରୁ ଏକ ପ୍ରେସ୍ ବିଜ୍ଞପ୍ତିରେ ଏହି ଆଦେଶ ଦିଆଯାଇଥିଲା। ଏହା ସହିତ ପୋଲିସ ଲାଇନରେ ଦୀପକ କୁମାରଙ୍କୁ ପୁନଃନିଯୁକ୍ତ କରାଯାଇଛି।
