ଗୋଡ଼ାଇଲା ବୁଲା କୁକୁର..ଛୋଟ ଛୁଆ ସହ ଗାଡ଼ିରୁ ଓଲଟି ପଡ଼ିଲେ ଦୁଇ ମହିଳା

ବୁଲା କୁକୁରଙ୍କ ଦୌରାମ୍ୟ ଏବେ ଏତେ ଅଧିକା ହୋଇଗଲାଣି ଯେ, ଯାହା ବୟାନ କରିବା କଷ୍ଟକର ହୋଇପଡ଼ିଛି । କେତେବେଳେ ଦୁର୍ଘଟଣା ତ କେତେବେଳେ ଆଉ କିଛି । ଆପଣମାନେ ଅନେକ ସମୟରେ ଦେଖିଥିବେ ଗାଡ଼ି ଚଳାଇ ଯାଉଥିବା ବେଳେ ବୁଲା କୁକୁର ଗୋଡ଼ାଇ ଆସନ୍ତି । ଏନେଇ ଗାଡ଼ି ଚାଳକଟି ବିଚଳିତ ହୋଇ ଗାଡ଼ି ଜୋର୍‌ରେ ଚଲାଇବାକୁ ଲାଗେ । ଆଉ ଦୁର୍ଘଟଣାର ଶିକାର ହୁଏ ।

ତେବେ ଏହିଭଳି କିଛି ଘଟଣା ଗଞ୍ଜାମ ଜିଲ୍ଲା ବ୍ରହ୍ମପୁର ସହରରେ ଦେଖିବାକୁ ମିଳିଛି । ସିସିଟିଭିରେ କଏଦ ହୋଇଛି ଏହି ଅଭାବନୀୟ ଘଟଣା । ଭିଡିଓରେ ଦେଖିବାକୁ ମିଳିଛି ଯେ, ସ୍କୁଟରରେ ଦୁଇଜଣ ମହିଳା ନିଜ ପିଲାକୁ ସ୍କୁଲ୍‌ ନେଇ ଯାଉଛନ୍ତି । ଏହି ସମୟରେ କିଛି ବୁଲା କୁକୁର ପଲ ତାଙ୍କୁ ଗୋଡ଼ାଉଛନ୍ତି । ପରିସ୍ଥିତି ଏମିତି ହେଲା କି ମହିଳା ଜଣକ ଭାରସାମ୍ୟ ହରାଇ ସାମ୍ନାରେ ଥିବା କାରକୁ ଧକ୍କା ଦେଇଛନ୍ତି ।

ବୁଲା କୁକୁରଙ୍କ ପାଇଁ ଦୁର୍ଘଟଣା..ଗୋଡ଼ାଇଲେ କୁକୁର, କାରକୁ ମହିଳା ପିଟିଦେଲେ ସ୍କୁଟର#Accident#StrayDogs#Berhampur#Odisha#OTVpic.twitter.com/sZx9T0ar66

— ଓଟିଭି (@otvkhabar) April 3, 2023

ଅଧିକ ପଢ଼ନ୍ତୁ: ମାତିଛନ୍ତି ବୁଲା କୁକୁର, କୁନି ଛୁଆଙ୍କୁ ବାହାରେ ଖେଳିବାକୁ ଛାଡ଼ିଲେ ରଖନ୍ତୁ ନଜର

ଏହି ଦୃଶ୍ୟ ହେଉଛି, ବ୍ରହ୍ମପୁର ଗାନ୍ଧିନଗର ସପ୍ତମ ଲେନର । ଯେଉଁଠି ଦୁଇ ମହିଳା ସୁପ୍ରିୟା ଓ ସସ୍ମିତା ତାଙ୍କ ଛୁଆକୁ ନେଇ ସ୍କୁଟରରେ ଯାଉଥିବା ବେଳେ ତାଙ୍କ ସହ ଏଭଳି ଘଟଣା ଘଟିଛି । ଆଜି ସକାଳୁ କଲୋନୀରେ ବୁଲୁଥିବା କୁକୁର ତାଙ୍କୁ ପିଛା କରିବା ସହ ଗୋଡ଼ାଇ ଥିଲେ । ଏଥିରେ ଡରି ଯାଇ ସେ ଦୁର୍ଘଟଣାର ଶିକାର ହୋଇଛନ୍ତି । ଏଭଳି ଘଟଣା ପ୍ରଥମ ନୁହେଁ, ଏହାପୂର୍ବରୁ ବି ବୁଲା କୁକୁରଙ୍କ ଦ୍ୱାରା ଅନେକ ଦୁର୍ଘଟଣା ଘଟଣା ସାମ୍ନାକୁ ଆସିଛି । ବେଳେବେଳେ ତ ଲୋକମାନେ ଏନେଇ ନିଜର ଜୀବନ ମଧ୍ୟ ହରାଇଥାନ୍ତି ।