Afghanistan: ଭୟଙ୍କର ଦୁର୍ଘଟଣା: ଜଳିଗଲା ବସ୍, ୭୦ରୁ ଉର୍ଦ୍ଧ୍ବ ମୃତ

ପଶ୍ଚିମ ଆଫଗାନିସ୍ତାନରେ ଏକ ବସ୍ ଦୁର୍ଘଟଣାରେ ୭୩ ଜଣଙ୍କର ମୃତ୍ୟୁ ହୋଇଛି। ସେମାନଙ୍କ ମଧ୍ୟରେ ୧୭ ଜଣ ପିଲା ମଧ୍ୟ ଅଛନ୍ତି, ସେମାନଙ୍କ ମଧ୍ୟରୁ ଅଧିକାଂଶ ଇରାନରୁ ନିର୍ବାସିତ ଆଫଗାନ ଶରଣାର୍ଥୀଙ୍କୁ ନେଇ ଯାଉଥିବା ଏକ ବସଟି ଦୁର୍ଘଟଣା ପରେ ସମ୍ପୂର୍ଣ୍ଣ ଜଳି ଯାଇଥିଲା। ଯାହା ପରେ ଅନେକ ଲୋକଙ୍କର ମୃତ୍ୟୁ ହୋଇଥିଲା।

ହେରାତ ପ୍ରଦେଶରେ ଏକ ଟ୍ରକ୍ ଏବଂ ମୋଟରସାଇକେଲ୍ ସହିତ ଧକ୍କା ହେବା ପରେ ମଙ୍ଗଳବାର ରାତିରେ କାବୁଲ ଯାଉଥିବା ବସ୍‌ଟି ନିଆଁ ଲାଗିଯାଇଥିଲା। ଏ ନେଇ ହେରାତରେ ତାଲିବାନର ସୂଚନା ଏବଂ ସଂସ୍କୃତି ନିର୍ଦ୍ଦେଶକ ଅହମଦୁଲ୍ଲା ମୋତାକି କହିଛନ୍ତି। ବସ୍‌ରେ ଥିବା ସବୁ ଲୋକଙ୍କ ମୃତ୍ୟୁ ହେବା ସହ ଅନ୍ୟ ଗାଡ଼ିର ଦୁଇ ଜଣଙ୍କର ମୃତ୍ୟୁ ହୋଇଛି ବୋଲି ସେ କହିଛନ୍ତି।

ନିକଟରେ ଇରାନ ବର୍ତ୍ତମାନ ଆଫଗାନର ଶରଣାର୍ଥୀଙ୍କୁ ନିର୍ବାସନ କରୁଛି। ଏହି ପରିପ୍ରେକ୍ଷୀରେ ସମସ୍ତ ଯାତ୍ରୀ ଇସଲାମ କାଲାରେ ଗାଡ଼ିରେ ଚଢ଼ିଥିଲେ। କିନ୍ତୁ ବସଟିର ଗତି ଦ୍ରୁତ ଥିବାରୁ ଏହି ଦୁର୍ଘଟଣା ଘଟିଛି।

ତେବେ ଆଫଗାନିସ୍ତାନରେ ଟ୍ରାଫିକ ଦୁର୍ଘଟଣା ଅତି ସାଧାରଣ ଘଟଣା। ସେଠାରେ ଦଶନ୍ଧି ଧରି ଚାଲିଥିବା ସଂଘର୍ଷ ଯୋଗୁଁ ରାସ୍ତାଗୁଡ଼ିକ କ୍ଷତିଗ୍ରସ୍ତ ହୋଇଛି ଏବଂ ଡ୍ରାଇଭିଂ ନିୟମ କଡ଼ାକଡ଼ି ଭାବରେ ଲାଗୁ କରାଯାଇ ନାହିଁ।

୧୯୭୦ ଦଶକ ପରଠାରୁ, ଲକ୍ଷ ଲକ୍ଷ ଆଫଗାନିସ୍ତାନ ନାଗରିକ ଇରାନ ଏବଂ ପାକିସ୍ତାନକୁ ପଳାଇଛନ୍ତି, ୧୯୭୯ ମସିହାରେ ଆଫଗାନିସ୍ତାନରେ ସୋଭିଏତ୍ ଆକ୍ରମଣ ସମୟରେ ଏବଂ ୨୦୨୧ ମସିହାରେ ତାଲିବାନର କ୍ଷମତାକୁ ଫେରିବା ପରେ ଏଭଳି ଆଫଗାନୀ ନାଗରିକ ଅନ୍ୟ ଦେଶରେ ଆଶ୍ରୟ ନେଉଛନ୍ତି।

ଇରାନ ଆଫଗାନୀ ନାଗରିକଙ୍କୁ ଫେରିଯିବା ପାଇଁ ଜୁଲାଇ ମାସ ଯାଏଁ ସମୟସୀମା ଦେଇଥିବା ବେଳେ ଇସ୍ରାଏଲ ସହ ସଂଘର୍ଷ ଲାଗିବା ଫଳରେ କିଛି ନାଗରିକ ରହି ଯାଇଥିଲେ। ଯାହା ପରେ ବଳପୂର୍ବକ ଆଫଗାନୀ ନାଗରିକଙ୍କୁ ଦେଶରୁ ବିତାଡିତ କରୁଛି ଇରାନ। ଜାତିସଂଘ ଶରଣାର୍ଥୀ ସଂସ୍ଥା ଅନୁଯାୟୀ, ଜାନୁଆରୀ ମାସରୁ ୧.୫ ନିୟୁତରୁ ଅଧିକ ଆଫଗାନ ଇରାନ ଛାଡିଛନ୍ତି।

ଅଧିକ ପଢନ୍ତୁ: ଟ୍ରେନରେ ମନଇଚ୍ଛା ନେଇ ପାରିବେନି ଲଗେଜ୍! ଖୁବ ଶୀଘ୍ର ଲାଗୁ ହେବ ବ୍ୟାଗେଜ୍ କଟକଣା