Viral Video: ମରିଗଲା ମାନବିକତା, ପୁଣି ଲଜ୍ଜିତ ହେଲା ମଣିଷ ପଣିଆ

ହସ୍ପିଟାଲ ଚଟାଣରେ ଛଟପଟ ହେଉଥିଲେ ଗର୍ଭବତୀ । ଯନ୍ତ୍ରଣାରେ ଚିତ୍କାର କରୁଥିଲେ, ସାହାଯ୍ୟ ପାଇଁ ଆକୁଳ ହେଉଥିଲେ। ହେଲେ ଆଖି ଥାଇ ବି ଅନ୍ଧ ହୋଇଯାଇଥିଲେ ହସ୍ପିଟାଲର ଡାକ୍ତର ଓ ନର୍ସ । ଆଡମିଟ୍ କରିବାକୁ ରୋକଠୋକ୍ କରିଥିଲେ ମନା । ଆଉ କହିଥିଲେ, ଘରକୁ ପଳାଅ
ସେହି ଦୃଶ୍ୟ ଯେତିକି ଯନ୍ତ୍ରଣାଦାୟକ ଥିଲା, ସେତିକି ଲଜ୍ଜ୍ୟାଜନକ ମଧ୍ୟ ଥସିଲା। ଘଟଣାଟି ଉତ୍ତରାଖଣ୍ଡ ହରିଦ୍ୱାରର ଜିଲ୍ଲା ମହିଳା ହସ୍ପିଟାଲର । ଏହି ଗର୍ଭବତୀ ହେଲେ ଜଣେ ଦିନ ମଜୁରିଆଙ୍କ ପତ୍ନୀ । ମଙ୍ଗଳବାର ରାତିରେ ତାଙ୍କର ପ୍ରସବ ଯନ୍ତ୍ରଣା ହେବାରୁ ଜିଲ୍ଲା ମହିଳା ହସ୍ପିଟାଲକୁ ନେଇଥିଲେ ପରିବାର ଲୋକେ । କିନ୍ତୁ ତାଙ୍କୁ ଆଡମିଟ୍ କରିବେ କଣ, ଓଲଟା ହସ୍ପିଟାଲରୁ ତଡି ଦେଇଥିଲେ ଡାକ୍ତର, ନର୍ସ । ଡେଲିଭରି ଟାଇମ୍ ହୋଇନି, ଘରକୁ ପଳାଅ କହିଥିଲେ ଡ୍ୟୁଟିରେ ଥିବା ଡାକ୍ତର ।
ଫଳରେ ଯନ୍ତ୍ରଣାରେ ଛଟପଟ ହୋଇ ସେଇଠି ଚଟାଣରେ ଲୋଟି ପଡିଥିଲେ ମହିଳା । ବିକଳ ଚିତ୍କାର କରିଥିଲେ । ହେଲେ ତରଳି ନଥିଲା କାହାରି ହୃଦୟ । ସାହାଯ୍ୟ ପାଇଁ ଆଗେଇ ଆସିନଥିଲେ କେହି । ଶେଷରେ ଛଟପଟ ହୋଇ ସେଇ ହସ୍ପିଟାଲ ଚଟାଣରେ ହିଁ ପ୍ରସବ କରିଥିଲେ ମହିଳା ।
ଖାଲି ଏତିକି ନୁହେଁ, ହସ୍ପିଟାଲ ଚଟାଣରେ ପ୍ରସବ କରିବାରୁ ରାଗି ଯାଇଥିଲେ ନର୍ସ। ଆଶାକର୍ମୀଙ୍କୁ କହିଥିଲେ, ଏଇ ତମ ରୋଗୀ, ଜଲଦି ଏଠୁ ଅଳିଆ ସଫା କର । ଆଶାକର୍ମୀ ଏହାର ଭିଡିଓ ବନାଇବାରୁ ଫୋନ ଛଡାଇ ନେବାକୁ ବି ଚେଷ୍ଟା କରିଥିଲେ । 
ଏମିତିକି, 'ମଜା ଆସିଲା ? ଆଉ ଛୁଆ ଜନ୍ମ କରିବୁ' କହି ମହିଳାଙ୍କୁ ଦୁଇ ଜଣ ନର୍ସ ତାଚ୍ଛଲ୍ୟ କରିଥିବାର ଅଭିଯୋଗ କରିଛନ୍ତି ପରିବାର ଲୋକେ ।
ଏ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ପରେ ତୀବ୍ର ପ୍ରତିକ୍ରିୟା ଦେଇଛନ୍ତି ଲୋକେ । ସରକାରୀ ସ୍ୱାସ୍ଥ୍ୟସେବାର ବିକଳ ଚିତ୍ରକୁ କଡା ନିନ୍ଦା କରିଛନ୍ତି । ତେବେ ଏହି ଘଟଣାରେ ଜଣେ ଡାକ୍ତରାଣୀଙ୍କୁ ଚାକିରିରୁ ବିଦା କରାଯାଇଥିବା ଜଣାପଡିଛି । କିନ୍ତୁ ମଣିଷ ଏବରି ଅମାନବୀୟ ଆଚରଣ କିପରି କରିପାରେ ବୋଲି ପ୍ରଶ୍ନ ଉଠିଛି। 
Viral Video

ଅଧିକ ଦେଖନ୍ତୁ: