Unique Village Mystery: ଅଦ୍ଭୁତ ଗାଁ ! କାହାରି ଘରେ ଜଳେନି ଚୁଲି, ହୁଏନି ରୋଷେଇ..

ପ୍ରତ୍ୟେକ ଘରର ଗୁରୁତ୍ୱପୂର୍ଣ୍ଣ ସ୍ଥାନ ହେଉଛି ରୋଷେଇ ଘର । ପୂଜା କକ୍ଷ ପରେ ରୋଷେଇ ଘରକୁ ଘରର ସବୁଠାରୁ ପବିତ୍ର କୋଠରୀ ଭାବେ ବିବେଚନା କରାଯାଏ। ଏଠାରେ ଘରର ମହିଳାମାନେ ଅତି ଯତ୍ନ ସହକାରେ ପରିବାର ଲୋକଙ୍କ ପାଇଁ ଖାଦ୍ୟ ତିଆରି କରନ୍ତି । ଉପଯୁକ୍ତ ରୋଷେଇ ଘର ନକାରାତ୍ମକ ଶକ୍ତିକୁ ଦୂରେଇ ରଖି ସକାରାତ୍ମକ ବାତାବରଣ ସହିତ ଏକ ସୁସ୍ଥ ଜୀବନ ସୁନିଶ୍ଚିତ କରିଥାଏ । 

ସେଥିପାଇଁ ଘର ତିଆରି କରିବା ସମୟରେ ଲୋକମାନେ ରୋଷେଇ ଘର ପ୍ରତି ଅଧିକ ଧ୍ୟାନ ଦେଇଥାଆନ୍ତି ।  କିନ୍ତୁ ଆଜି ଆମେ ଆପଣଙ୍କୁ ଏପରି ଏକ ଗାଁ ବିଷୟରେ କହିବୁ, ଯେଉଁଠାରେ ଲୋକଙ୍କ ଘରେ ଚୁଲି ଜଳେ ନାହିଁ କି ରୋଷେଇ ହୁଏ ନାହିଁ । କୌଣସି ଘରେ ମହିଳା କିମ୍ବା ପୁରୁଷ କେହି ରୋଷେଇ କରନ୍ତି ନାହିଁ । ଏକଥା ଜାଣି ଆପଣ ହୁଏତ ଭାବୁଥିବେ ବିନା ରୋଷେଇରେ ଲୋକେ କିପରି ଖାଦ୍ୟ ଖାଆନ୍ତି ?

ଆପଣ ଜାଣି ଆଶ୍ଚର୍ଯ୍ୟ ହେବେ ଏହି ଗାଁର ଲୋକେ କେବେ ଭୋକିଲା ଶୋଇନାହାନ୍ତି । ଗୁଜରାଟରେ ରହିଛି ଏହି ଅଦ୍ଭୁତ ଗାଁ । ଆସନ୍ତୁ ଜାଣିବା ଏହି ଗାଁର ଅନନ୍ୟ ପରମ୍ପରା ବିଷୟରେ। 

ଗୁଜରାଟର ମେହସାଣା ଜିଲ୍ଲାର ଚନ୍ଦନକି ଗାଁର କୌଣସି ଘରେ ଚୁଲି ଜଳେ ନାହିଁ କାରଣ ବ୍ୟକ୍ତିଗତ ରୋଷେଇ ଘରେ ଖାଦ୍ୟ ରନ୍ଧା ହୁଏ ନାହିଁ । ଏହି ଗାଁରେ ଲୋକଙ୍କ ପାଇଁ ଗୋଟିଏ ସ୍ଥାନରେ ରୋଷେଇ ପ୍ରସ୍ତୁତ କରାଯାଏ । ଆଉ ରୋଷେଇ ଶେଷ ହେବାପରେ ସମସ୍ତେ ଏକାଠି ଭୋଜନ କରନ୍ତି ।

ବାହାରେ ରହୁଛନ୍ତି ପିଲା

ଚନ୍ଦନକି ଗାଁର ପ୍ରାୟ ସମସ୍ତ ଲୋକ ପରିଣତ ବୟସ ଦେଇ ଗତି କରୁଛନ୍ତି । ଚାକିରି ଓ ବ୍ୟବସାୟ ପାଇଁ ପିଲାମାନେ ବାହାରେ ରହୁଛନ୍ତି । ବାପାମା’ଙ୍କର ଯେପରି ଅସୁବିଧା ନହେବ ସେଥିପାଇଁ ଗାଁ ବାହାରେ ରହୁଥିବା ଯୁବପିଢ଼ି ଏହି ନୂଆ ଉପାୟ ବାହାର କରିଥିଲେ । ଯଦ୍ୱାରା ବୃଦ୍ଧ ବୟସରେ ବାପାମା’ଙ୍କୁ ରୋଷେଇର ଝିନଝଟରୁ ମୁକ୍ତି ମିଳିପାରିବ ।

 ଏହି ଗାଁର ଜନସଂଖ୍ୟା ପାଖାପାଖି ୧,୦୦୦। ଆଉ ଏଥିମଧ୍ୟରୁ ଅନେକ ବୟସ୍କ ଲୋକ । ଗାଁର କିଛି ଯୁବକ ବିଦେଶରେ କାମ କରୁଛନ୍ତି, ଅନ୍ୟମାନେ ନିକଟବର୍ତ୍ତୀ ପ୍ରମୁଖ ସହରଗୁଡ଼ିକରେ ବାସ କରୁଛନ୍ତି । ପରିଣତ ବୟସରେ ଲୋକଙ୍କୁ ସବୁଦିନ ଯେପରି ଅଲଗା ଭାବରେ ରୋଷେଇ କରିବାକୁ ନପଡ଼ିବ, ସେଥିପାଇଁ ଏକାଠି ରୋଷେଇ କରିବା ପାଇଁ ନିଷ୍ପତ୍ତି ନିଆଯାଇଥିଲା । ଆଉ ସମସ୍ତେ ଏଥିରେ ରାଜି ମଧ୍ୟ ହୋଇଯାଇଥିଲେ । ଫଳରେ ସେହି ଅଭ୍ୟାସ ଆଜି ପର୍ଯ୍ୟନ୍ତ ଜାରି ରହିଛି।

ଏହି ଗାଁର ଲୋକମାନେ କେବଳ ଏକାଠି ଖାଆନ୍ତି ନାହିଁ ବରଂ ସେମାନଙ୍କର ସୁଖ ଏବଂ ଦୁଃଖରେ ପରସ୍ପରକୁ ସମର୍ଥନ କରନ୍ତି । ଏକାଠି ହୋଇ ପାରସ୍ପରିକ ସମନ୍ୱୟ ମାଧ୍ୟମରେ ସବୁଠାରୁ କଷ୍ଟକର ସମସ୍ୟାର ସମାଧାନ କରିପାରିଛନ୍ତି ଗାଁ ଲୋକେ। ଆଜି ଏହି ଗାଁ ସାରା ଦେଶରେ ଏକତାର ଉଦାହରଣ ସୃଷ୍ଟି କରୁଛି । ଦୂରଦୂରାନ୍ତରୁ ଲୋକମାନେ ଏହାର ସଂସ୍କୃତି ଦେଖିବା ପାଇଁ ଆସନ୍ତି । ଏହି ଗାଁରେ ସମସ୍ତ ପର୍ବପର୍ବାଣୀ ମଧ୍ୟ ଏକାଠି ପାଳନ କରାଯାଏ।
ଗାଁରେ ଏକାଠି ରୋଷେଇ କରିବାର ଏହି ପରମ୍ପରା କେବଳ ଖାଇବାରେ ସୀମିତ ନୁହେଁ।  ଏହି ଉପାୟ ଯୋଗୁଁ ବୟସ୍କ ଲୋକଙ୍କୁ ଏକାକୀପଣ