Budget Session: ବଜେଟ୍ ଅଧିବେଶନ; ନୂତନ ଯୁଗର ଆରମ୍ଭ: ପ୍ରଧାନମନ୍ତ୍ରୀ ମୋଦି

ବଜେଟ ଅଧିବେଶନ ୨୦୨୬। ଏହି ଅବସରରେ ଗଣାଧ୍ୟମକୁ ସମ୍ବୋଧିତ କରିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। କହିଛନ୍ତି, ରାଷ୍ଟ୍ରପତିଙ୍କ ଭାଷଣ ୧.୪ କୋଟି ନାଗରିକଙ୍କ ଆତ୍ମବିଶ୍ୱାସ ଏବଂ ଦୃଢ଼ତାର ଏକ ଶକ୍ତିଶାଳୀ ଅଭିବ୍ୟକ୍ତି ଥିଲା। ରାଷ୍ଟ୍ରପତିଙ୍କ ଭାଷଣ ୧.୪ କୋଟି ନାଗରିକଙ୍କ, ବିଶେଷକରି ଯୁବପିଢ଼ିଙ୍କ ଆକାଂକ୍ଷାକୁ ସଠିକ୍ ଭାବରେ ପ୍ରତିଫଳିତ କରିଥିଲା। 

ରାଷ୍ଟ୍ରପତି ଅଧିବେଶନ ଆରମ୍ଭରେ ସାଂସଦମାନଙ୍କ ସମ୍ମୁଖରେ ଯେଉଁ ଆଶା ରଖିଥିଲେ ତାହାକୁ ସମସ୍ତ ସାଂସଦ ଗମ୍ଭୀରତାର ସହ ନେବା ଉଚିତ। ରାଷ୍ଟ୍ରପତି ସମସ୍ତ ସଂସଦ ସଦସ୍ୟଙ୍କ ପାଇଁ ଗୃହରେ ଅନେକ ମାର୍ଗଦର୍ଶିକା ବିନ୍ଦୁ ମଧ୍ୟ ରଖିଛନ୍ତି। ଏକବିଂଶ ଶତାବ୍ଦୀର ଏକ ଚତୁର୍ଥାଂଶ ସମାପ୍ତ ହୋଇଛି ଏବଂ ଦ୍ୱିତୀୟ ତ୍ରୈମାସିକ ଏବେ ଆରମ୍ଭ ହେଉଛି। 

ଏହାକୁ ଏକ ନୂତନ ଯୁଗର ଆରମ୍ଭ ଭାବରେ ବର୍ଣ୍ଣନା କରି ପ୍ରଧାନମନ୍ତ୍ରୀ କହିଛନ୍ତି ଯେ, ୨୦୪୭ ସୁଦ୍ଧା ଏକ ବିକଶିତ ଭାରତର ଲକ୍ଷ୍ୟ ହାସଲ କରିବା ପାଇଁ ଆଗାମୀ ୨୫ ବର୍ଷ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହା ଏହି ଶତାବ୍ଦୀର ଦ୍ୱିତୀୟ ତ୍ରୈମାସିକର ପ୍ରଥମ ବଜେଟ୍, ଯାହା ଦେଶର ଭବିଷ୍ୟତ ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। 

ବିକଶିତ ଭାରତ ଲକ୍ଷ୍ୟ ପୂରଣ କରିବାକୁ ଆହ୍ୱାନ ଦେଇଛନ୍ତି। ଆତ୍ମବିଶ୍ୱାସ ପୂର୍ଣ୍ଣ ଭାରତ ବିଶ୍ୱରେ ଆଶା ଓ ଆକର୍ଷଣର କେନ୍ଦ୍ର ପାଲଟିଛି। ଭାରତ -EU ମଧ୍ୟରେ FTA ହୋଇଛି। ଭାରତ ପାଇଁ ବଡ଼ ବଜାର ଖୋଲିଛି। ରାଷ୍ଟ୍ରର ପ୍ରଗତି ପାଇଁ ଏହି ଅଧିବେଶନ ବେଶ୍ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି।