/odishatv-khabar/media/media_files/2025/11/09/trump-vivek-2025-11-09-11-03-28.png)
Trump-Vivek Photograph: (OTV)
ବିବେକ ରାମାସ୍ୱାମୀଙ୍କ ପ୍ରଶଂସାରେ ପୋତି ପକାଇଛନ୍ତି ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଏକ ପୋଷ୍ଟରେ ଟ୍ରମ୍ପ ବିବେକ ରାମାସ୍ୱାମୀଙ୍କୁ "ଯୁବ, ଶକ୍ତିଶାଳୀ ଏବଂ ସ୍ମାର୍ଟ" ବୋଲି ବର୍ଣ୍ଣନା କରିଛନ୍ତି ଏବଂ କହିଛନ୍ତି ଯେ ସେ "ସ୍ବତନ୍ତ୍ର"। ସେ ୨୦୨୬ ଓହିଓ ଗଭର୍ଣ୍ଣର ନିର୍ବାଚନ ପାଇଁ ରାମାସ୍ୱାମୀଙ୍କୁ ଆନୁଷ୍ଠାନିକ ଭାବରେ ସମର୍ଥନ କରିଛନ୍ତି।
ବିବେକ ରାମାସ୍ୱାମୀଙ୍କ ପ୍ରଶଂସାରେ ଟ୍ରମ୍ପ କଣ ଲେଖିଥିଲେ ଯେ, "ବିବେକ ସବୁବେଳେ ଆମେରିକାକୁ ଭଲ ପାଆନ୍ତି ଏବଂ ଜଣେ ଭଲ ଲୋକ। ଓହିଓକୁ ରାମାସ୍ବାମୀଙ୍କ ବ୍ୟତୀତ ଆଉ ଭଲ ଗଭର୍ଣ୍ଣର ମିଳି ପାରିବେନି ବୋଲି ଟ୍ରମ୍ପ କହିଛନ୍ତି।
ବିବେକ ରାମାସ୍ୱାମୀ କିଏ?
ବିବେକ ଗଣପତି ରାମାସ୍ୱାମୀ ଜଣେ ଭାରତୀୟ-ଆମେରିକୀୟ ରାଜନେତା ଯିଏକି ରିପବ୍ଲିକାନ୍ ପାର୍ଟି ସହିତ ଜଡିତ। ସେ ୨୦୨୪ ରିପବ୍ଲିକାନ୍ ରାଷ୍ଟ୍ରପତି ପ୍ରାର୍ଥୀ ପାଇଁ ଦୌଡରେ ଥିଲେ। ସେ ଟ୍ରମ୍ପଙ୍କ ପ୍ରତିଦ୍ୱନ୍ଦ୍ୱୀ ଥିଲେ, କିନ୍ତୁ ପରେ ସେଥିରୁ ଓହରିଗଲେ। ବିବେକ ରାମାସ୍ୱାମୀ ଅଗଷ୍ଟ ୯, ୧୯୮୫ ରେ ଓହାଇଓର ସିନସିନାଟିରେ ଜନ୍ମଗ୍ରହଣ କରିଥିଲେ। ସେ ଜଣେ ଆମେରିକୀୟ ଉଦ୍ୟୋଗୀ ଏବଂ ବାୟୋଟେକ୍ ଔଷଧ କମ୍ପାନୀ ରୋଇଭାଣ୍ଟ ସାଇନ୍ସର ପ୍ରତିଷ୍ଠାତା। ହାର୍ଭାର୍ଡ ବିଶ୍ୱବିଦ୍ୟାଳୟରୁ ଜୀବବିଜ୍ଞାନ ସ୍ନାତକ ଏବଂ ୟେଲ୍ ଲ’ ସ୍କୁଲରୁ ଆଇନ ଡିଗ୍ରୀ ହାସଲ କରିଥିବା ରାମାସ୍ୱାମୀ ୨୦୧୪ ରେ ଏକ ବହୁ-ବିଲିୟନ ଡଲାର କମ୍ପାନୀ ରୋଇଭାଣ୍ଟ ପ୍ରତିଷ୍ଠା କରିଥିଲେ। ତାଙ୍କର ସମ୍ପତ୍ତି ପ୍ରାୟ ୧ ବିଲିୟନ ଡଲାର ହେବ ବୋଲି ଆକଳନ କରାଯାଇଛି।
ବିବେକ ରାମାସ୍ୱାମୀ ୨୦୨୩ ମସିହାରେ ରାଜନୀତିରେ ପ୍ରବେଶ କରିଥିଲେ। ସେ ୨୦୨୪ ମସିହାରେ ରାଷ୍ଟ୍ରପତି ଦୌଡ଼ରେ ରିପବ୍ଲିକାନ୍ ପାର୍ଟିର ରାଷ୍ଟ୍ରପତି ପଦ ପାଇଁ ପ୍ରତିଦ୍ୱନ୍ଦ୍ୱିତା କରିଥିଲେ। ତଥାପି, ପ୍ରାଥମିକ ନିର୍ବାଚନରେ ହାରିବା ପରେ, ସେ ଟ୍ରମ୍ପଙ୍କୁ ସମର୍ଥନ କରିଥିଲେ ଏବଂ ଟ୍ରମ୍ପ ପ୍ରଶାସନରେ ସରକାରୀ ଦକ୍ଷତା ବିଭାଗ (DOGE) ର ସହ-ମୁଖ୍ୟ କାର୍ଯ୍ୟନିର୍ବାହୀ ହୋଇଥିଲେ। ରାମାସ୍ୱାମୀଙ୍କ ଭାରତ ସହିତ ଗଭୀର ସମ୍ପର୍କ ରହିଛି। ତାଙ୍କ ପିତାମାତା ଭାରତୀୟ ପ୍ରବାସୀ। ତାଙ୍କ ପିତା, ଭି. ଗଣପତି ରାମାସ୍ୱାମୀ, କେରଳର ମୂଳ ବାସିନ୍ଦା ଏବଂ ଏବେ ବି ତାଙ୍କ ପାଖରେ ଭାରତୀୟ ପାସପୋର୍ଟ ଅଛି। ସେ ଜେନେରାଲ ଇଲେକ୍ଟ୍ରିକ୍ରେ ଜଣେ ଇଞ୍ଜିନିୟର ଥିଲେ। ତାଙ୍କ ମାଆ, ଗୀତା ରାମାସ୍ୱାମୀ, କର୍ଣ୍ଣାଟକର ମାଇସୁର ମେଡିକାଲ୍ କଲେଜରୁ ସ୍ନାତକ ଏବଂ ଆମେରିକାରେ ଜଣେ ଜେରିଆଟ୍ରିକ୍ ମନସ୍ତତ୍ତ୍ୱବିତ୍ ଭାବରେ କାର୍ଯ୍ୟ କରିଥିଲେ।
Viral Video: ବ୍ରିଜ୍ ଉପରେ ପୋକ ଆତଙ୍କ... ତଳେ ପଡିଗଲେ ଲୋକେ

Baliyatra Fair: ମହାନଦୀ ତଟରେ ଜମୁଛି ରାଜ୍ୟର ସର୍ବବୃହତ୍ତ ମୁକ୍ତାକାଶ ବ୍ୟବସାୟ: ବିଶେଷ ଆକର୍ଷଣ ସମ୍ବଲପୁରୀ ହ୍ୟାଣ୍ଡଲୁମ୍

Konark Sun Temple: ବନ୍ଦ ହେଲା କୋଣାର୍କ ନାଟ୍ୟ ମଣ୍ଡପ: ବିଭିନ୍ନ ମହଲରେ ନାପସନ୍ଦ

Elephant Calf Rescued: କାଦୁଅରେ ଫସିଗଲା ୧୫ ଦିନର ହାତୀ ଛୁଆ: ଉଦ୍ଧାର କଲା ବନ ବିଭାଗ

/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)