The Country That Is Living In 2017: ଏହି ଦେଶରେ ଚାଲିଛି ଏବେ ୨୦୧୭ ମସିହା... କ୍ୟାଲେଣ୍ଡରରେ ବର୍ଷକ ୧୩ ମାସ

ବର୍ଷକ ୧୨ ମାସ, ଏ କଥା ସମସ୍ତେ ତ ଜାଣନ୍ତି, କିନ୍ତୁ ଦୁନିଆରେ ଏମିତି ଏକ ଦେଶ ଅଛି, ଯେଉଁଠି ବର୍ଷକ ୧୨ ନୁହେଁ, ୧୩ ମାସ । ଆଉ ଏହି ଦେଶ ଦୁନିଆଠାରୁ ୭ ବର୍ଷ ପଛରେ ଚାଲୁଛି । ସେଠି ଏବେ ୨୦୨୫ ନୁହେଁ ଚାଲିଛି ୨୦୧୭ ମସିହା । ଆଶ୍ଚର୍ଯ୍ୟ ଲାଗୁଥିଲେ ବି ଏହା ସତ । ଏହି ଦେଶ ହେଉଛି ଇଥିଓପିଆ ।
ପୂର୍ବ ଆଫ୍ରିକାରେ ରହିଛି ଇଥିଓପିଆ ଦେଶ । ଇଥିଓପିଆରେ ୧୩ ମାସରେ ଗୋଟିଏ ବର୍ଷ ହୁଏ । ଆଉ ଏହି ୧୩ ନମ୍ବର ମାସର ନାଁ ହେଲା ପଗୁମେ । ଏହି ମାସରେ କେବଳ ୫ କିମ୍ବା ୬ ଦିନ ହୋଇଥାଏ । ୧୩ ମାସ ହେବା ଯୋଗୁଁ ସାରା ଦୁନିଆଠୁ ୭ ବର୍ଷ ପଛରେ ଚାଲେ ଏହି ଦେଶ । ଏହାର କାରଣ ହେଲା ଇଥିଓପିଆ ନିଜର ଏକ ପ୍ରାଚୀନ କ୍ୟାଲେଣ୍ଡରକୁ ଅନୁସରଣ କରେ । ଯାହାର ନାଁ ଜି-ଇଜ୍ (Geʽez) । ଯେଉଁଥିରେ ବର୍ଷକ ୧୨ ମାସ ନୁହେଁ ବରଂ ୧୩ ମାସ ।  

ଆମେ ଯେଉଁ ଇଂରାଜୀ କ୍ୟାଲେଣ୍ଡର ବ୍ୟବହାର କରୁ, ତାହାକୁ ଗେଗ୍ରୋରିଆନ କ୍ୟାଲେଣ୍ଡର କହନ୍ତି । ସେଥିରେ ୧୨ ମାସ ହୋଇଥାଏ ଓ କେବଳ ଫେବୃୟାରୀକୁ ଛାଡି ପ୍ରତି ମାସରେ ୩୦ ଦିନ କିମ୍ବା ୩୧ ଦିନ ଥାଏ । କିନ୍ତୁ ଆମ କ୍ୟାଲେଣ୍ଡରର ସେପ୍ଟେମ୍ବର ୧୧ ତାରିଖରୁ ଇଥୋପିଆ କ୍ୟାଲେଣ୍ଡରରେ ଆରମ୍ଭ ହୁଏ ନୂଆ ବର୍ଷ । 
ଇଥିଓପିଆ କ୍ୟାଲେଣ୍ଡରରେ ମାସଗୁଡିକ ନାଁ ଏମିତି- ମସ୍କରମ୍, ଟିକମ୍‌ଟି, ହିଦର, ତେହସାସ୍, ଟିର୍, ୟେକତାତିତ୍, ମଗବିତ୍, ମିୟାଜିଆ, ଗିନବୁଟ୍, ସେନେ, ହାମ୍‌ଲି, ନେହାସା ଓ ପଗୁମେ । ଇଥିଓପିଆରେ କେବଳ ମାସ ନୁହେଁ, ସମୟ ବି ଅଲଗା ପ୍ରକାରେ ଗଣାଯାଏ । ଆମେ ରାତି ୧୨ଟାକୁ ଅଧ ରାତି ଓ ଦିନ ୧୨ଟାକୁ ଅଧା ଦିନ କହୁ, ସେଠି ୬ଟାରୁ ଅଧା ଦିନ ରାତି ଗଣାଯାଏ । ଯେଉଁଥିପାଇଁ ଇଥିଓପିଆ ଅନ୍ୟ ଦେଶଗୁଡିକଠୁ ନିଆରା ଓ ଭିନ୍ନ ।