30-Minute Humiliation: ଆମେରିକାରେ ପାକିସ୍ତାନ ମୁଖିଆଙ୍କୁ ବଡ ଅପମାନ...ଯାଇଥିଲେ ଭେଟିବାକୁ, ଫେରିଲେ ବେଜିତ୍ ହୋଇ

ଅଧ ଘଣ୍ଟା ବସିଲେ, ଭକୁଆ ଭଳି ଚାହିଁଲେ... ପାକିସ୍ତାନକୁ ତା'ର ଅସଲ ଔକାତ ଦେଖାଇଦେଲେ ଟ୍ରମ୍ପ । ପୁଣି ପଦାରେ ପଡିଲା ଅଲାଜୁକ ପାକିସ୍ତାନର ଇଣ୍ଟରନ୍ୟାସନାଲ ବେଜିତ୍ । 
ଘଟଣାଟି ହେଲା, ପାକିସ୍ତାନ ପ୍ରଧାନମନ୍ତ୍ରୀ ଶେହେବାଜ ସରିଫ୍ ଓ ସେନାମୁଖ୍ୟ ଅସୀମ ମୁନୀର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିବାକୁ ଗୁରୁବାର ଓଭାଲ ଅଫିସ୍ ଯାଇଥିଲେ । ଅନେକ ସମୟ ଯାଏଁ ସେଠି ବସି ରହିଥିଲେ ଦୁହେଁ, କିନ୍ତୁ ଦେଖା ଦେଇନଥିଲେ ଟ୍ରମ୍ପ । ଯେମିତି ପ୍ରଧାନମନ୍ତ୍ରୀ ନୁହଁ ଯେ ସେ କୋଉ ସାଧାରଣ ଲୋକ ।

ଏଠି ସରିଫ୍ ଓ ମୁନୀର ଭକୁଆ ଭଳି ଚାହିଁଥିଲେ । ଅପେକ୍ଷା କରି କରି ମୁଣ୍ଡରେ ହାତ ଦେଲେ । ଅଧ ଘଣ୍ଟା ବିତିଗଲା, ହେଲେ ଦୁହିଁଙ୍କୁ ଖାତିର୍ ନକରି ନିଜ କାମରେ ବ୍ୟସ୍ତ ଥିଲେ ଟ୍ରମ୍ପ । ପ୍ରାୟ ୩୦ ମିନିଟ୍‌ ଏମିତି ଅପେକ୍ଷା କରାଇବା ପରେ ଭେଟିଥିଲେ ପାକିସ୍ତାନ ପ୍ରଧାନମନ୍ତ୍ରୀଙ୍କୁ । 

ଫଟୋ କି ଭିଡିଓ ସେୟାର କରିନଥିଲେ

ବେଜିତ୍ ଖାଲି ଏତିକିରେ ସରିନଥିଲା, ସରିଫ୍ ଓ ମୁନୀରଙ୍କ ସହ ବୈଠକ କରିବା ପରେ କୌଣସି ଫଟୋ କି ଭିଡିଓ ସେୟାର କରିନଥିଲେ ଟ୍ରମ୍ପ । ସାଧାରଣତଃ କୌଣସି ବଡ ନେତାଙ୍କୁ ଭେଟିଲେ ଟ୍ରମ୍ପ ଓ ହ୍ୱାଇଟହାଉସ୍ ପକ୍ଷରୁ ଫଟୋ, ଭିଡିଓ ଜାରି କରାଯାଏ । କିନ୍ତୁ ପାକିସ୍ତାନ ପିଏମ୍‌ କ୍ଷେତ୍ରରେ ଥିଲା ବ୍ୟତିକ୍ରମ । ପାକିସ୍ତାନର ଏମିତି ଇଣ୍ଟରନ୍ୟାସନାଲ ବେଜିତକୁ ନେଇ ପୁଣିଥରେ ଜୋର ଧରିଛି ଚର୍ଚ୍ଚା ।  

ତେବେ ରାଷ୍ଟ୍ରପତି ଟ୍ରମ୍ପ ପୋଷ୍ଟ ନକରିବା ପରେ ଶେଷରେ ପାକିସ୍ତାନ ସରକାର ଜାରି କରିଥିଲେ ବୈଠକର ଭିଡିଓ ।