Dharmendra Bids Adieu: ଅଲବିଦା ଧର୍ମେନ୍ଦ୍ର: ପଞ୍ଜାବରେ କୁସ୍ତିରୁ ମୁମ୍ବାଇର ବକ୍ସ ଅଫିସ କିଙ୍ଗ୍

୧୯୩୫ ଡିସେମ୍ବର ୮ ତାରିଖରେ ପଞ୍ଜାବର ଲୁଧିଆନା ଜିଲ୍ଲାର ନ୍ୟାସରାଲି ଗାଁରେ  ଜନ୍ମଗ୍ରହଣ କରିଥିଲେ ଧର୍ମେନ୍ଦ୍ର ।  ତାଙ୍କ ବାପା ଜଣେ ପ୍ରଧାନ ଶିକ୍ଷକ ଥିଲେ ।  ୮୯ ବର୍ଷ ବୟସରେ ତାଙ୍କ ୯୦ ତମ ଜନ୍ମଦିନର ମାତ୍ର ଗୋଟିଏ ମାସ ପୂର୍ବରୁ ଧର୍ମେନ୍ଦ୍ର ଏହି ଦୁନିଆରୁ ବିଦାୟ ନେଇଛନ୍ତି। ଧର୍ମେନ୍ଦ୍ର ଭାରତୀୟ ସିନେମାର ନିର୍ବିବାଦୀୟ "ହି-ମ୍ୟାନ୍" ହୋଇ ରହିବେ । ଏହା କେବଳ ତାଙ୍କ ବଳିଷ୍ଠ ଚେହେରା ଏବଂ ଗମ୍ଭୀର ସଂଳାପ ପରିବେଷଣ ଦ୍ୱାରା ନୁହେଁ, ବରଂ ଜୀବନବ୍ୟାପୀ ସାଧନା ଓ ଖ୍ୟାତି ପାଇଁ  ଲୋକଙ୍କ ହୃଦୟରେ ରହିବେ ।

କିଶୋର ଅବସ୍ଥାରେ ଧର୍ମେନ୍ଦ୍ର ଗାଁ ଆଖଡ଼ାରେ ମଲ୍ଲଯୁଦ୍ଧ କରୁଥିଲେ ।  ତାଙ୍କ ଗାଁ ସୀମା ବାହାରକୁ ଯାଇ କିଛି ବଡ଼ କରିବାର ସ୍ୱପ୍ନ ଦେଖୁଥିଲେ ସେ । କିନ୍ତୁ ୧୯୫୮ ମସିହାରେ ଫିଲ୍ମଫେୟାରର ନ୍ୟୁ ଟ୍ୟାଲେଣ୍ଟ ହଣ୍ଟ ପାଇଁ ଏକ ଖବରକାଗଜ ବିଜ୍ଞାପନ ସବୁକିଛି ବଦଳାଇ ଦେଇଥିଲା। ସେ ମାଲେରକୋଟଲାରେ ଉଠାଯାଇଥିବା ଏକ ଫଟୋ ସହିତ ବମ୍ବେ (ବର୍ତ୍ତମାନ ମୁମ୍ବାଇ)ରେ ଅବତରଣ କରିଥିଲେ।

ପଞ୍ଜାବର ଜଣେ ଜାଟ ପୁଅ ତାଙ୍କ ସ୍ୱପ୍ନ ପୂରଣ କରିବାକୁ ବମ୍ୱେରେ ପହଞ୍ଚିଥିଲେ। ୧୯୬୦ ମସିହାରେ ‘ଦିଲ୍ ଭି ତେରା ହମ୍ ଭି ତେରେ’ ରେ ସେ ଡେବ୍ୟୁ କରିଥିଲେ, କିନ୍ତୁ ୧୯୬୧ ମସିହାରେ ‘ଶୋଲା ଔର ଶବନମ୍’ ରେ ତାଙ୍କ ଅଭିନୟ ନିଆଁ ଲଗାଇ ଦେଇଥିଲା। ଅନପଢ଼ (୧୯୬୨) ଏବଂ ବନ୍ଦିନୀ (୧୯୬୩) ତାଙ୍କ କ୍ୟାରିଅରରେ ଜବରଦସ୍ତ ମୂଳଦୁଆ ପକାଇଥିଲା ।  

୬୦ ଦଶକ ଧର୍ମେନ୍ଦ୍ରଙ୍କ ପାଇଁ ରୋମାଣ୍ଟିକ ଯୁଗ ଥିଲା। ସେ ଜଣେ ମ୍ୟାଟିନି ଆଇଡଲ୍ ହୋଇଥିଲେ। ‘ଫୁଲ୍ ଔର ପଥର’ (୧୯୬୬) ରେ ହାଣ୍ଡସମ୍ ହିରୋ ‘ଆଇ ମିଲନ୍ କି ବେଲା’ (୧୯୬୪) ଏବଂ ‘ହକୀକତ୍’ (୧୯୬୪) ରେ ହୃଦୟସ୍ପର୍ଶୀ ଭୂମିକାରେ ତାଙ୍କର ବହୁମୁଖୀ ପ୍ରତିଭାର ପ୍ରମାଣିତ କରିଥିଲେ। ମମତା (୧୯୬୬)ରେ ରୋମାଣ୍ଟିକରୁ ଇଜ୍ଜତ (୧୯୬୮) ରେ ଡବଲ୍ ରୋଲ୍ ପର୍ଯ୍ୟନ୍ତ, ୬୦ ଦଶକ ଧର୍ମେନ୍ଦ୍ରଙ୍କୁ ଏକ ରୋମାଣ୍ଟିକ୍ ହିରୋର ଆଖ୍ୟା ଦେଇଥିଲା । ସତ୍ୟକାମ୍ (୧୯୬୯) ସମୀକ୍ଷକ ତାଙ୍କୁ ପ୍ରଶଂସାରେ ପୋତି ପକାଇଥିଲେ ।  ତାଙ୍କର ମସଲ୍ସ ଓ ଗମ୍ଭୀର ଡାଏଲଗ୍ ଅଭିନେତାମାନଙ୍କ ମଧ୍ୟରେ ତାଙ୍କୁ ଏକ ସ୍ୱତନ୍ତ୍ର ସ୍ଥାନ ଦେଇଥିଲା ।  
ବଲିଉଡ ସବୁବେଳେ ବଦଳୁଛି। ଏହା ତାଙ୍କଠାରୁ ଆକ୍ସନ ଦାବି କରୁଥିଲା। ୧୯୭୦ ଦଶକ ଆରମ୍ଭ ହୋଇଥିଲା ଏବଂ ଧର୍ମେନ୍ଦ୍ର ଆକ୍ସନ ବାଦଶାହା ହୋଇଗଲେ। ‘ମେରା ଗାଁ ମେରା ଦେଶ’ (1971) ତାଙ୍କୁ ଜଣେ ଦୃଢ଼ ବିଦ୍ରୋହୀ ଭାବରେ ପ୍ରତିଷ୍ଠିତ କରିଥିଲା, ତାଙ୍କୁ ଆଉ ଏକ ଫିଲ୍ମଫେୟାର ସ୍ୱୀକୃତି ଦେଇଥିଲା। ତା'ପରେ ସୁବର୍ଣ୍ଣ ଯୁଗ ଆସିଥିଲା: ସୀତା ଔର ଗୀତା (୧୯୭୨), ହେମା ମାଳିନୀଙ୍କ ଡବଲ ରୋଲରେ ଅଭିନୀତ ଏକ ବ୍ଲକବଷ୍ଟର ହିଟ୍; ସଲିମ-ଜାଭେଦଙ୍କ ପ୍ରଥମ 'ମସଲା' ବ୍ଲକବଷ୍ଟର ୟାଦୋଁ କି ବାରତ (୧୯୭୩); ଆଉ ଏକ ଚାର୍ଟବଷ୍ଟର ଜୁଗନୁ (୧୯୭୩)।

କିନ୍ତୁ କୌଣସି ଫିଲ୍ମ ଶୋଲେ (୧୯୭୫)କୁ ପଛରେ ପକାଇ ପାରିନଥିଲା। ବୀରୁ ଭୂମିକାରେ ଧର୍ମେନ୍ଦ୍ର, ଅମିତାଭ ବଚ୍ଚନଙ୍କ ସହିତ ମଜା କରି ଏପରି ସଂଳାପ ଦେଇଥିଲେ ଯାହା ପିଢ଼ି ପରେ ପିଢ଼ି ପ୍ରତିଧ୍ୱନିତ ହେଉଥିଲା। ସେତେବେଳେ ଭାରତର ସର୍ବାଧିକ ଆୟକାରୀ ଚଳଚ୍ଚିତ୍ର, କିଛି ଥିଏଟରରେ ପାଞ୍ଚ ବର୍ଷ ଧରି ଚାଲିଥିଲା।

ଧର୍ମେନ୍ଦ୍ରଙ୍କ ସଫଳତା 

୧୯୮୭ ରେ ତାଙ୍କର ସାତୋଟି ବ୍ୟାକ୍ ଟୁ ବ୍ୟାକ୍ ହିଟ୍ ହୋଇଥିଲା: ଇନସାନିୟତ୍ କେ ଦୁସ୍ମନ, ଲୋହା, ହୁକୁମତ୍, ଆଗ ହି ଆଗ, ୱାତନ୍ କେ ରଖୱାଲେ, ମର୍ଦ କି ଜୁବାନ୍, ଏବଂ ଜାନ ହଥେଲି ପେ ଆଇ ଥି। ସାତଟି ବ୍ଲକବଷ୍ଟର ଏବଂ ୧୩ ଟି ସୁପରହିଟ୍ ସମେତ ତାଙ୍କର କ୍ରେଡିଟ୍ ପାଇଁ ୭୪ ଟି ହିଟ୍ ଥିଲା | 

ଧର୍ମେନ୍ଦ୍ରଙ୍କ କାହାଣୀଟି ଏକ ବଲିଉଡ ସ୍କ୍ରିପ୍ଟ ପରି ଲାଗେ। ସେ ୧୯୫୪ ମସିହାରେ ୧୯ ବର୍ଷ ବୟସରେ ପ୍ରକାଶ କୌରଙ୍କୁ ବିବାହ କରିଥିଲେ । ସନି, ବବି, ବିଜେତା ଏବଂ ଅଜିତାଙ୍କ ପିତା ହୋଇଥିଲେ। ତୁମ୍ ହସିନ୍ ମୈଁ ଜବାନ (୧୯୭୦) ସେଟ୍ରେ ସେ ହେମା ମାଳିନୀଙ୍କ ପ୍ରେମରେ ପଡ଼ିଥିଲେ। ୧୯୮୦ ମସିହାରେ ଦ୍ୱିତୀୟ ବିବାହ ପାଇଁ ସେ ଇସଲାମ ଧର୍ମ ଗ୍ରହଣ କରିଥିଲେ । ସେ ଆର୍ଯ୍ୟ ସମାଜ ପରମ୍ପରା ଅନୁସାରେ ହିନ୍ଦୁ ଥିଲେ ବୋଲି ଦାବି କରୁଥିଲେ । ହେମା ମାଳିନୀଙ୍କ ସହିତ ତାଙ୍କର ଦୁଇଟି ଝିଅ ଏଶା ଏବଂ ଆହାନା ଦେଓଲ ଅଛନ୍ତି। ରାଜନୀତିରେ, ସେ ବିକାନେରରୁ ବିଜେପି ସାଂସଦ ହୋଇଥିଲେ (୨୦୦୪-୨୦୦୯)।

ଧର୍ମେନ୍ଦ୍ର ସୁନ୍ଦର ଭାବରେ ଚରିତ୍ର ଭୂମିକାରେ ଅଭିନୟ କରିଛନ୍ତି । ଆପନେ (୨୦୦୭) ରେ ତାଙ୍କ ପୁଅ ସହିତ ବି ସେ ଅଭିନୟ କରିଥିଲେ ।  "ୟମଲା ପଗଲା ଦିୱାନା" ତ୍ରୟୀ (୨୦୧୧-୨୦୧୮) ଏବଂ "ରକି ଔର ରାନୀ କି ପ୍ରେମ କାହାଣୀ" (୨୦୨୩) ରେ ଚମତ୍କାର ଅଭିନୟ କରିଛନ୍ତି। 

ବଲିଉଡ୍ ବଦଳି ଯାଇଛି, କିନ୍ତୁ ହି-ମ୍ୟାନର ଯାଦୁ ବଦଳି ନାହିଁ। ଯେପରି ସେ କହୁଥିଲେ, "ମୁଁ ଏବେ ବି ଲଢ଼ିପାରିବି।" ଏଥିରେ କୌଣସି ସନ୍ଦେହ ନାହିଁ, କାରଣ ଧର୍ମେନ୍ଦ୍ର କେବଳ ଜଣେ ଅଭିନେତା ନୁହଁନ୍ତି, ସେ ଏକ ଯୁଗ । ...