14 Lakh Jewellery Stolen In 14 Minutes: ୧୪ ମିନିଟ୍‌ରେ ଲୁଟି ନେଲେ ୧୪ ଲକ୍ଷର ଗହଣା, ତିନି ମହିଳାଙ୍କ କାମ ଶୁଣିଲେ ତାଜୁବ ହେବେ

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ଘଟଣାଟି ଏକ ଅଳଙ୍କାର ଦୋକାନରେ ଘଟିଥିବା ଜଣାପଡ଼ିଛି। ଯେଉଁଠାରେ ତିନି ଜଣ ମହିଳା ଅତି ଚତୁରତାର ସହିତ ଲକ୍ଷ ଲକ୍ଷ ଟଙ୍କାର ଅଳଙ୍କାର ଚୋରି କରୁଥିବାର ଦେଖାଯାଉଛି। ପୂରା ଘଟଣାଟି ଦୋକାନରେ ଲାଗିଥିବା ସିସି କ୍ୟାମେରାରେ କଏଦ ହୋଇଛି। ମାତ୍ର ୧୪ ମିନିଟ ମଧ୍ୟରେ ଏହି ମହିଳାମାନେ ପ୍ରାୟ ୧୪ ଲକ୍ଷ ଟଙ୍କାର ଅଳଙ୍କାର ଲୁଟି ନେଇ ପଳାଇ ଯାଇଥିବା ଜଣାପଡିଛି।

ଭାଇରାଲ ହୋଇଥିବା ସିସିଟିଭି ଫୁଟେଜରେ ସ୍ପଷ୍ଟ ଭାବରେ ଦେଖାଯାଉଛି ଯେ ତିନି ଜଣ ମହିଳା ଗ୍ରାହକ ପରିଚୟ ଦେଇ ଏକ ଅଳଙ୍କାର ଦୋକାନରେ ପ୍ରବେଶ କରୁଛନ୍ତି। ସେମାନେ ସମସ୍ତେ ପାରମ୍ପରିକ ପୋଷାକ ପିନ୍ଧିଛନ୍ତି ଏବଂ ସନ୍ଦେହକୁ ଏଡାଇବା ପାଇଁ ମୁଣ୍ଡରେ ଦୁପଟା ପିନ୍ଧୁଛନ୍ତି। ଦୋକାନ ଭିତରକୁ ପ୍ରବେଶ କରିବା ପରେ, ସେମାନେ କାଉଣ୍ଟରରେ ଥିବା ଅଳଙ୍କାରଗୁଡ଼ିକୁ ଦେଖିବା ଆରମ୍ଭ କରନ୍ତି ଏବଂ ଦୋକାନୀଙ୍କୁ ବିଭିନ୍ନ ଡିଜାଇନ୍ ଦେଖାଇବାକୁ କୁହନ୍ତି। ଏହା ପରେ ମହିଳାମାନେ ପ୍ରଥମେ ଦୋକାନୀଙ୍କ ସହିତ କଥାବାର୍ତ୍ତା କରି ସୁଯୋଗ ପାଇ ₹୧୪ ଲକ୍ଷ ଟଙ୍କାର ଅଳଙ୍କାର ଚୋରି କରିଥିଲେ।

ପ୍ରୟାଗରାଜର ଏକ ଜୁଏଲର୍ସରୁ ଏହି ଅଳଙ୍କାର ଚୋରି କରାଯାଇଛି। ସେମାନେ ପ୍ରଥମେ ଜୁଏଲର୍ସରେ ଥିବା କର୍ମଚାରୀଙ୍କ ଧ୍ୟାନ ହଟାଇବାକୁ ଚେଷ୍ଟା କରୁଛନ୍ତି। ଏହା ପରେ କିଛି ସମୟ ମଧ୍ୟରେ ହିଁ ଅଳଙ୍କାର ନେଇ ଚମ୍ପଟ ମାରୁଛନ୍ତି। ଏହା ପରେ ଗହଣା ଶୋ’ରୁମ୍ ମ୍ୟାନେଜର ସିଭିଲ୍ ଲାଇନ୍ସ ଥାନାରେ ଚାରି ଜଣ ଅଜଣା ମହିଳାଙ୍କ ବିରୋଧରେ ଏକ ଏଫଆଇଆର୍ ଦାୟର କରିଥିଲେ।