Subarnapur Police Bust: ଜାଲ୍ ନୋଟ୍ ରାକେଟର ପର୍ଦ୍ଦାଫାସ, ମାର୍କେଟକୁ ଛାଡୁଥିଲେ ଲକ୍ଷାଧିକ ଟଙ୍କାର ଜାଲ୍ ନୋଟ୍

ଛାପୁଥିଲେ ନକଲି ନୋଟ୍। ମାର୍କେଟକୁ ଛାଡୁଥିଲେ ଲକ୍ଷାଧିକ ଟଙ୍କାର ଜାଲ୍ ନୋଟ୍। ଏଭଳି ଏକ ରାକେଟର ପର୍ଦ୍ଦାଫାସ କରିଛି ସୁବର୍ଣ୍ଣପୁର ପୋଲିସ।ବିନିକାରୁ ୪ ଲକ୍ଷରୁ ଅଧିକ ଟଙ୍କାର ଜାଲ୍ ନୋଟ୍ ଜବତ କରିବା ସହ ପୋଲିସ ୩ ଜଣଙ୍କୁ ଗିରଫ କରିଛି। ଅଭିଯୁକ୍ତଙ୍କ ପାଖରୁ ଜବତ ହୋଇଛି ବଣ୍ଡଲ ବଣ୍ଡଲ ୫୦୦ ଟଙ୍କିଆ ନକଲି ନୋଟ୍। ଅଭିଯୁକ୍ତମାନେ ପ୍ରାୟ ୨ ଲକ୍ଷ ଟଙ୍କା ଜାଲ୍ ନୋଟ୍ ମାର୍କେଟକୁ ଛାଡ଼ିଥିବା ଏସପି ସୂଚନା ସୂଚନା ଦେଇଛନ୍ତି। ଗିରଫ ଅଭିଯୁକ୍ତମାନେ ହେଲେ ଅଶୋକ ନାଏକ, ଅଭିଷେକ ହୋତା ଓ ଜୟନାରାୟଣ ବସ୍ତିଆ। ବରଗଡ଼ରୁ ଏକ ଲକ୍ଷ ଟଙ୍କା ଦେଇ ୫୦୦ ଟଙ୍କିଆ ଜାଲ ନୋଟ ମୋଟ ୬ ଲକ୍ଷ ଟଙ୍କା ଆଣିଥିଲେ। ବର୍ତ୍ତମାନ ସୁଦ୍ଧା ୪ ଲକ୍ଷ ୧୫ ଶହ ଟଙ୍କା ଜବତ ହୋଇଛି। ବଳକା ୧ ଲକ୍ଷ ୯୮ ହଜାର ୫ ଶହ ଟଙ୍କାକୁ ଅଭିଯୁକ୍ତମାନେ ବଜାରରେ ଖର୍ଚ୍ଚ କରିଥିବା ଜଣାପଡ଼ିଛି। ତେବେ ଜାଲ୍ ନୋଟ୍ ରାକେଟ୍ ଚେର ପଡ଼ୋଶୀ ଜିଲ୍ଲାକୁ ବ୍ୟାପିଥିବା ଆଶଙ୍କା କରାଯାଉଛି। କିଏ ଏହାର ମାଷ୍ଟରମାଇଣ୍ଡ ସେନେଇ ତନାଘନା ଚଳାଇଛି ବିନିକା ପୋଲିସ। ...

ଜାଲ୍ ନୋଟ୍ ରାକେଟର ପର୍ଦ୍ଦାଫାସ
ବିନିକାରୁ ୪ ଲକ୍ଷରୁ ଅଧିକ ଟଙ୍କାର ଜାଲ୍ ନୋଟ୍ ଜବତ 
୩ ଅଭିଯୁକ୍ତଙ୍କୁ ଗିରଫ କଲା ବିନିକା ପୋଲିସ
ମାର୍କେଟକୁ ଛାଡୁଥିଲେ ଲକ୍ଷାଧିକ ଟଙ୍କାର ଜାଲ୍ ନୋଟ୍
୨ ଲକ୍ଷର ଜାଲ୍ ନୋଟ୍ ମାର୍କେଟକୁ ଛାଡ଼ିଥିବା ସୂଚନା
ଜାଲ୍ ନେଟୱର୍କ ପଡ଼ୋଶୀ ଜିଲ୍ଲାକୁ ବ୍ୟାପିଥିବା ଆଶଙ୍କା 
କିଏ ମାଷ୍ଟରମାଇଣ୍ଡ ତନାଘନା କରୁଛି ବିନିକା ପୋଲିସ