Shock at Home: ରାକ୍ଷସୀ ପାଲଟିଗଲା ବୋହୂ, ନେଇଗଲା ଶାଶୁର ଜୀବନ

ଶାଶୁ-ବୋହୂ ମଧ୍ୟରେ ତୁ ତୁ ମେଁ ମେଁ । ଶାଶୁ ଛାଇ ଦେଖିଲେ ବୋହୂ ନାହି ଡେଉଁଥିଲା । ରାତି ପାହିଲେ ଆରମ୍ଭ ହେଉଥିଲା କଳି ଝଗଡ଼ା । ମାତ୍ର ୮ ମାସରେ ଫାମିଲି ଡ୍ରାମାର ହେଲା ଦି- ଏଣ୍ଡ । ମା’ ସହ ମିଶି ଶାଶୁକୁ ରାସ୍ତାରୁ ହଟାଇଦେଲା ବୋହୂ ।

୮ ମାସ ତଳେ ପୁଅକୁ ହାତରୁ ଦି ହାତ କରିଥିଲେ କୁନି ନାୟକ । ହସଖୁସିରେ ସରିତା ସାହୁଙ୍କୁ ଘରକୁ ବୋହୂ କରି ଆଣିଥିଲେ।   ଏବେ ଭଲରେ  ଦିନ କାଟିବେ ବୋଲି ସ୍ବପ୍ନ ବି ଦେଖିଥିଲେ।  ହେଲେ ଦିନ କେଇଟାରେ ସବୁ କିଛି ଓଲଟପାଲଟ ହୋଇଗଲା । ଶାଶୁକୁ ରାସ୍ତାରୁ ହଟାଇ ସୁଖରେ ଦିନ କାଟିବାକୁ ସରିତା ରଚିଥିଲେ ସାଂଘାତିକ ଷଡଯନ୍ତ୍ର ।  ଏଥିପାଇଁ ଶାଶୁଙ୍କୁ ମରଣାନ୍ତକ ଆକ୍ରମଣ କରି ଜୀବନ ନେବାକୁ ବି ସେ ପଛାଇ ନ ଥିବା ଅଭିଯେୋଗ ହୋଇଛି ।  ଅନୁଗୁଳ ସଦର ଥାନା ଅନ୍ତର୍ଗତ ଖଲାରୀ ଗଡପଦା ସାହିରେ ଘଟିଛି ଏପରି ଏକ ବୀଭତ୍ସ ହତ୍ୟାକାଣ୍ଡ।

ସରିତା ସାହୁଙ୍କୁ ଘରଣୀ କରି ଧୁମଧାମରେ ଘରକୁ ଆଣିଥିଲେ କାହ୍ନୁ ନାୟକ । ଭାବିଥିଲେ ମା’ ଓ ସ୍ତ୍ରୀ ଦୁହେଁ ହସଖୁସିରେ ଚଳିବେ । ହେଲେ ଷ୍ଟୋରିରେ ଆସିଲା ଟୁଇଷ୍ଟ।  କାହ୍ନୁଙ୍କ ଅଭିଯୋଗ ଅନୁସାରେ, ସବୁବେଳେ ତାଙ୍କ ପତ୍ନୀ ଓ ମାଆଙ୍କ ମଧ୍ୟରେ ସବୁବେଳେ ଝଗଡ଼ା ଲାଗି ରହୁଥିଲା। ବୁଧବାର କାହ୍ନୁ ନିଜ କାମରେ ଘରୁ ବାହାରି ଯାଇଥିଲେ । ଏତିକିବେଳେ ହୋଇଥିଲା ଶାଶୁଙ୍କ ଏଣ୍ଟ୍ରି  ।   

ପୁଅ ଫେରିବା ପରେ... 

ରାତିରେ କାହ୍ନୁ ଘରକୁ ଫେରି ମା’ ବିଷୟରେ ପଚାରିବାରୁ ପତ୍ନୀ କରିଥିଲେ ନାନା ବାହାନା। ମା’ଙ୍କ ଛାତିରେ ଯନ୍ତ୍ରଣା ହେଉଥିବାରୁ ନ ଖାଇ ସେ ଶୋଇ ପଡ଼ିଥିବା  କହିଥିଲେ। ତେବେ ପତ୍ନୀଙ୍କ କଥା ବିଶ୍ବାସ ନ ହେବାରୁ ମା’ଙ୍କ ନିକଟକୁ ଯାଇ ଯାହା ଦେଖିଲେ ତାଙ୍କ ପାଦ ତଳୁ ମାଟି ଖସିଗଲା। କାରଣ ମା’ଙ୍କ ମୁଣ୍ଡରେ ଗଭୀର ଆଘାତ ଲାଗି ରକ୍ତ ବାହାରୁଥିବା ବେଳେ ତାଙ୍କ ଶରୀର ନିସ୍ତେଜ ହୋଇଯାଇଥିଲା। 

ଉଭୟ ପତ୍ନୀ ଓ ତାଙ୍କ ମା’ ମିଶି ପିଟିପିଟି ମା’ ଜୀବନ ନେଇଥିବା ଅଭିଯୋଗ ଆଣିଛନ୍ତି କାହ୍ନୁ । ଏନେଇ ପାଖପଡୋଶୀ ତୁରନ୍ତ ପୋଲିସକୁ ଖବର ଦେଇଥିଲେ।  ପୋଲିସ୍ ଡଗ୍ ସ୍କ୍ୱାଡ ଓ ସାଇଣ୍ଟିଫିକ ଟିମ ସହ ପହଞ୍ଚି ତଦନ୍ତ ଆରମ୍ଭ କରିଛି। ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ପୋଲିସ କାହ୍ନୁଙ୍କ ପତ୍ନୀ ଓ ଶାଶୁକୁ ଅଟକ ରଖି ପଚରାଉଚରା କରୁଛି।