Gold Price Update: ପୁଣି ବଢିଲା ସୁନା ଓ ରୁପା ଦର, କିଣିବା ପୂର୍ବରୁ ଜାଣନ୍ତୁ

କିଛି ଦିନର ବ୍ୟବଧାନ ପରେ ଆଜି ପୁଣି ବଢିଛି ସୁନା ଦର। ଗତକାଲି ତୁଳନାରେ ଆଜି ୨୪ କ୍ୟାରେଟ୍ ସୁନା ଦର ୧୦ ଗ୍ରାମ୍ ପିଛା ୨୨୯୦ ଟଙ୍କା ବୃଦ୍ଧି ପାଇଛି।

ଗତକାଲି ଭୁବନେଶ୍ବରରେ ୨୪ କ୍ୟାରେଟ୍ ସୁନା ୧ ଲକ୍ଷ ୫୪ ହଜାର ୨୦୦ ଟଙ୍କା ଥିବା ବେଳେ ଆଜି ତାହା ୧ ଲକ୍ଷ ୫୬ ହଜାର ୪୯୦ ଟଙ୍କାକୁ ଛୁଇଁଛି। 

ସେହିପରି ଗତ କାଲି ୨୨ କ୍ୟାରେଟ୍ ସୁନା ଦର ୧୦ ଗ୍ରାମ୍ ପିଛା ୧ ଲକ୍ଷ ୪୧ ହଜାର ୩୫୦ ଟଙ୍କା ଥିବା ବେଳେ ଆଜି ୨୧୦୦ ଟଙ୍କା ବଢି ୧ ଲକ୍ଷ ୪୩ ହଜାର ୪୫୦ ଟଙ୍କା ହୋଇଛି। 

୧୮ କ୍ୟାରେଟ୍ ସୁନା ଦର ଗତ କାଲି ୧ ଲକ୍ଷ ୧୫ ହଜାର ୬୫୦ ଟଙ୍କା ଥିବା ବେଳେ ଆଜି ୧୭୨୦ ଟଙ୍କା ବଢି ୧ ଲକ୍ଷ ୧୭ ହଜାର ୩୭୦ ଟଙ୍କାରେ ପହଞ୍ଚିଛି।
ଅନ୍ୟପଟେ ରୁପା କେଜି ପିଛା ୧୦ ହଜାର ବଢ଼ିଛି। ଗତ କାଲି ୨ ଲକ୍ଷ ୬୦ ହଜାର ଟଙ୍କା ଥିବା ବେଳେ ଆଜି ୨ ଲକ୍ଷ ୭୦ ହଜାର ଟଙ୍କାରେ ପହଞ୍ଚିଛି ରୁପା ଦର।