Four of a Family Die: ରାତି ପାହିଲେ ହୋଇଥାଆନ୍ତା ଏନଗେଜମେଣ୍ଟ , ସକାଳୁ ସକାଳୁ ଘଟିଗଲା ବଡ଼ ଅଘଟଣ

ଏନଗେଜମେଣ୍ଟ ପୂର୍ବରୁ ଜଳିଗଲେ । ଗୋଧ୍ରାରେ ଭୟଙ୍କର ଅଗ୍ନିକାଣ୍ଡ । ପୁରା ପରିବାର ଜୀବନ୍ଦ ଦଗ୍ଧ । ସକାଳ ହୋଇଥିଲେ ପୁଅ ଏନେଗେଜମଣ୍ଟେ ହୋଇଥାଆନ୍ତା କିନ୍ତୁ ତା ପୂର୍ବରୁ  ପୁରା ପରିବାର ବାପା,ମା ,ବଡ ଏବଂ ସାନପୁଅ ଏକାଠି ଜଳିଗଲେ ।  

ପଞ୍ଚମହଲ ଜିଲ୍ଲାର ଗୋଧ୍ରା ସ୍ଥିତ ବାମରୋଲି ରୋଡ଼ରେ ରହୁଥିଲେ ସୁନା ବ୍ୟବସାୟୀ କମଲ ଦୋଶୀ। ଶୁକ୍ରବାର ସକାଳୁ ଘରେ ନିଆଁ ଲାଗିଯାଇଥିଲା। ଘର ଭିତରେ ଥିବା କମଲ ଦୋଶୀ (୫୦), ତାଙ୍କ ପତ୍ନୀ ଦେବଳ (୪୫), ବଡ଼ ପୁଅ ଦେବ (୨୪) ଓ ସାନପୁଅ ରାଜ (୨୨) ଧୂଆଁରେ ଶ୍ୱାସରୁଦ୍ଧ ହୋଇ ମୃତ୍ୟୁବରଣ କରିଛନ୍ତି।

ବେସମେଣ୍ଟରେ ଥିବା ଏକ ସୋଫାରୁ ନିଆଁ ବ୍ୟାପି ଥିବା ପ୍ରାଥମିକ ତଦନ୍ତରୁ ଅନୁମାନ କରାଯାଉଛି । ଉପର ମହଲାରେ ପୁରା ପରିବାର ସହ ରହୁଥିଲେ କମଲ ଦୋଶୀ। ଦୁଆର ଓ ଝରକା ବନ୍ଦ ଥିବାରୁ ଧୂଆଁ ପୁରା ଘରେ ଭର୍ତ୍ତି ହୋଇଯାଇଥିଲା। ଶୋଇଥିବା ଅବସ୍ଥାରେ ପରିବାର ଲୋକେ ଧୂଆଁରେ ଶ୍ୱାସରୁଦ୍ଧ ହୋଇଗଲେ । ଆଉ ୪ଜଣଙ୍କ ଜୀବନ ଚାଲିଗଲା । 

ବଡ ପୁଅର ଏନଗେଜମେଣ୍ଟ ପାଇଁ ସେମାନେ ସକାଳେ ଭାପି ଯାଇଥାଆନ୍ତେ କିନ୍ତୁ ଖୁସିର ମୁହୁର୍ତ୍ତ ଆସିବା ପୂର୍ବରୁ ଦୁଃଖର କଳା ବାଦଲ ଛାଇଗଲା । ସମଗ୍ର ପରିବାର ଏକାସାଙ୍ଗରେ ଚାଲିଗଲେ। ନିଆଁ ଦେଖି ପଡୋଶୀମାନେ ଘରର କାଚ ଭାଙ୍ଗିବା ସହ ଫାୟାର ଟିମକୁ ବି ଡାକିଥିଲେ। ପୋଲିସ  ଦୁର୍ଘଟଣାଜନିତ ମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।