Accident: ଭୟଙ୍କର ଦୁର୍ଘଟଣା; ଚଳନ୍ତା କଣ୍ଟେନରକୁ ଧକ୍କା ଦେଲା କାର୍

ବାଲେଶ୍ୱର ସୋର ଥାନା ୧୬ ନମ୍ବର ଜାତୀୟ ରାଜପଥ ତଳନଗରଠାରେ ଏକ ଚଳନ୍ତା କଣ୍ଟେନର ପଛରୁ ଧକ୍କା ଦେଲା ଏକ କାର। ଦୁର୍ଘଟଣାରେ ୫ ଗୁରୁତର, ଗାଡି ଚୁରମାର। ଦୁର୍ଘଟଣା ପରେ ରାଜପଥ ପାର୍ଶ୍ୱରେ ଥିବା ଏକ ଦୋକାନକୁ ମଧ୍ୟ ଧକ୍କା ଦେବାରୁ କାରରେ ଥିବା ୫ ଯାତ୍ରୀ ଗୁରୁତର ହୋଇଛନ୍ତି। 

କାରଟି ମୟୂରଭଞ୍ଜ ଜିଲ୍ଲା ବେତନଟୀରୁ ପୁରୀ ଯାଉଥିବା ବେଳେ ଏହି ଦୁର୍ଘଟଣା ହୋଇଛି। ଜାତୀୟ ରାଜପଥ ପାଟ୍ରୋଲିଂ ଗାଡି ଘଟଣାସ୍ଥଳରେ ପହଞ୍ଚି ଆମ୍ବୁଲାନ୍ସ ଡାକି ସମସ୍ତ ଆହତ ଯାତ୍ରୀଙ୍କୁ ସୋର ଡାକ୍ତରଖାନାରେ ଭର୍ତ୍ତି କରିଛି। କାରରେ ଥିବା ଦୁଇ ଯାତ୍ରୀଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଛି। ଭୋର ୪ଟାରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି।