Niladri Vihar Murder Case: ନୀଳାଦ୍ରି ବିହାର ହତ୍ୟା ମାମଲା; ମୁଖ୍ୟ ଅଭିଯୁକ୍ତର ଆତ୍ମସମର୍ପଣ, ପୂର୍ବରୁ ବିବାହିତ ଥିଲେ ମୃତ ସତ୍ୟବ୍ରତ!

ରାଜଧାନୀରେ କେମିତି କାର୍ ଡ୍ରାଇଭର ସତ୍ୟବ୍ରତଙ୍କୁ କରାଯାଇଥିଲା ହତ୍ୟା ? କେମିତି ହୋଇଥିଲା କାର୍ ଦୁର୍ଘଟଣା ? ହତ୍ୟାକାଣ୍ଡ ସହ କାର୍ ମାଲିକାଣିଙ୍କ ସଂପୃକ୍ତି କ’ଣ ? ଏବେ ଏସବୁର ରହସ୍ୟ ଖୋଲିବ ମୁଖ୍ୟ ଅଭିଯୁକ୍ତ ଦିନେଶ ନାୟକ। ଗତକାଲି ଜଗତସିଂହପୁର ସଦର ଥାନାରେ ଆତ୍ମସମର୍ପଣ କରିବା ପରେ ଦିନେଶକୁ ହେପାଜତକୁ ନେଇଛି କମିଶନରେଟ୍ ପୋଲିସ। 

କୋର୍ଟରେ ହାଜର ସହିତ ତାଠାରୁ ଘଟଣାର ଦିନର ଟିକିନିଖି ତଥ୍ୟ ଆଦାୟ କରିବ ପୋଲିସ । ପୂର୍ବରୁ ତାର ପ୍ରେମିକା ଲିଜାକୁ ଅଟକ ରଖି ପଚରାଉଚରା କରାଯାଇଛି । ସେପଟେ ଘଟଣାରେ ଆସିଛି ଆଉ ଏକ ବଡ଼ ଟୁଇଷ୍ଟ । 

ମୃତ ସତ୍ୟବ୍ରତ ପୂର୍ବରୁ ବିବାହ କରିଥିବାବେଳେ ତାଙ୍କର ୩ ବର୍ଷର ଛୁଆଟିଏ ମଧ୍ୟ ରହିଛି । ସତ୍ୟବ୍ରତ ବିବାହ କରିଥିବା ନେଇ ପୂର୍ବରୁ ପ୍ରେମିକା ଲିଜା ଜାଣିନଥିଲେ । ଘଟଣା ଜାଣିବା ପରେ ଉଭୟଙ୍କ ମଧ୍ୟରେ ଘମାଘୋଟ ଝଗଡ଼ା ଲାଗିଥିଲା ବୋଲି ପୋଲିସ ଜାଣିବାକୁ ପାଇଛି ।