Special Story: ୨୦୧୭ରୁ କିସ୍‌ରେ କାହିଁକି ହୋଇନି CWC ସୁପାରିଶ ଅନୁପାଳନ?

କିସ୍‌ରେ ଛାତ୍ରଛାତ୍ରୀଙ୍କ ରହଣୀ ଅତି ନିମ୍ନମାନର, ଆଦିବାସୀ ପିଲା ରହୁଥିବା କୋଠରୀ ଗୁଡ଼ିକରେ ଅତ୍ୟଧିକ ଭିଡ଼ ଓ ଆବଶ୍ୟକ ପରିମାଣର ଟଏଲେଟର ଅଭାବ, ଅପରିଷ୍କାର ପରିବେଶ ସାଙ୍ଗକୁ ମୌଳିକ ସୁବିଧାର ଅଭାବ ନେଇ ଦୀର୍ଘ ୮ବର୍ଷ ତଳୁ ଅର୍ଥାତ୍ ୨୦୧୭ ଜୁଲାଇ ୬ରେ ଜିଲ୍ଲା ଶିଶୁ ବିକାଶ କଲ୍ୟାଣ କମିଟି ବା CWC ରିପୋର୍ଟ ଓ ସୁପାରିସ କରିଥିଲେ । ହେଲେ ତାର କାହିଁକି ହୋଇନି ଅନୁପାଳନ ? ସେ ନେଇ ଖୋର୍ଦ୍ଧା ଜିଲ୍ଲାପାଳଙ୍କଠୁ ସ୍ପଷ୍ଟୀକରଣ ମାଗିଛନ୍ତି ଜାତୀୟ ମାନବାଧିକାର କମିଶନ ।

ସେହିଭଳି ପିଲାଙ୍କ ସୁରକ୍ଷା, ଛାତ୍ରଛାତ୍ରୀଙ୍କ ପ୍ରତି ଧର୍ମ, ଜାତୀୟତା ଓ ଲିଙ୍ଗ ବର୍ଣ୍ଣ ଆଦି ପାତରଅନ୍ତର ରୋକିବା ସମ୍ପର୍କରେ କିସ୍‌ର ୟୁଜିସି ଗାଇଡଲାଇନ୍ ଉଲ୍ଲଂଘନ ନେଇ କାର୍ଯ୍ୟାନୁଷ୍ଠାନ ଗ୍ରହଣକରି ରିପୋର୍ଟ ଦେବାକୁ ୟୁଜିସି ଅଧ୍ୟକ୍ଷଙ୍କୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି NHRC ସଦସ୍ୟ ପ୍ରିୟଙ୍କ କାନୁନଗୋ । ଏପଟେ ଖୋର୍ଦ୍ଧା ଜିଲ୍ଲାପାଳ କହିଛନ୍ତି ଏନଏଚଆରସିଙ୍କ ପାଖରୁ ନିର୍ଦ୍ଦେଶନାମା ଆସିଥିବା କଥା ସେ ଗଣମାଧ୍ୟମରୁ ଜାଣିବାକୁ ପାଇଛନ୍ତି। ସେଠୁ ଯାହା ବି ନିର୍ଦ୍ଦେଶନାମା ଆସିବ ତାକୁ ପାଳନ କରାଯିବ ।

Published By: Deviprasad Jena

Last updated: 28 March 2025, 11:16 PM IST