Vaastu Rules For Puja Room: ଘରର କେଉଁ ଦିଗରେ ରହିବା ଉଚିତ ଠାକୁର ଘର? ଭୁଲ୍ ଦିଗରେ ଥିଲେ ହୋଇଥାଏ ଏହିସବୁ ଅନୁଷ୍ଟ

ଆପଣଙ୍କ ଘରେ ଠାକୁର ଘରଟିଏ ଥିଲେ, ତାକୁ ଯେଉଁଠି ଜାଗା ବଳିଆ ଆମେ ସେଇଠି ତିଆରି କରି ଦିଅନ୍ତି। କିନ୍ତୁ ତାହା ଆମର ଅନୁଷ୍ଟ କରିଥାଏ। ଠାକୁର ଘରର ନିର୍ଦ୍ଦିଷ୍ଟ ବାସ୍ତୁ ନିୟମ ରହିଛି। କାରଣ ବାସ୍ତୁଶାସ୍ତ୍ର (Vastusastra) ହେଉଛି ପ୍ରାଚୀନ ଭାରତୀୟ ବିଦ୍ୟା, ଯାହା ଘର ନିର୍ମାଣ, ବ୍ୟବସ୍ଥା ଏବଂ ଶକ୍ତି ପ୍ରବାହର ସନ୍ତୁଳନ ଉପରେ ଆଧାରିତ। ଏହା ପଞ୍ଚଭୂତ (ପୃଥିବୀ, ଜଳ, ଅଗ୍ନି, ବାୟୁ ଓ ଆକାଶ) ଏବଂ ଦିଗବଳର ସମନ୍ୱୟ ଦ୍ୱାରା ଘରରେ ସକରାତ୍ମକ ଶକ୍ତି ବଢ଼ାଇବାକୁ ଉଦ୍ଦେଶ୍ୟ ରଖିଥାଏ। ଘରର ଏକ ମହତ୍ତ୍ୱପୂର୍ଣ୍ଣ ଅଂଶ ହେଉଛି ଠାକୁର ଘର ବା ପୂଜା କକ୍ଷ, ଯାହା ଆଧ୍ୟାତ୍ମିକ ଶାନ୍ତି ଏବଂ ସମୃଦ୍ଧିର ପ୍ରତୀକ। ବାସ୍ତୁ ଅନୁସାରେ ଏହାର ସ୍ଥାନ, ଦିଗ ଏବଂ ବ୍ୟବସ୍ଥା ଅତ୍ୟନ୍ତ ଗୁରୁତ୍ୱପୂର୍ଣ୍ଣ, କାରଣ ଏହା ଘରର ସମଗ୍ର ଶକ୍ତିକୁ ପ୍ରଭାବିତ କରିଥାଏ। ଏହି ଲେଖାରେ ଆମେ ଠାକୁର ଘରର ବାସ୍ତୁ ନିୟମ, ଆଦର୍ଶ ଦିଗ, ଦୁଆରର ଦିଗ, ଠାକୁରମାନଙ୍କର ମୁହଁ ଦିଗ, ଭୁଲ୍ ଦିଗର ଅନିଷ୍ଟ ଏବଂ ପ୍ରତିକାର ବିଷୟରେ ଜାଣିବା।

ଠାକୁର ଘରର ସ୍ଥାନ ଓ ଦିଗ

ବାସ୍ତୁଶାସ୍ତ୍ର ଅନୁଯାୟୀ, ଠାକୁର ଘରଟି, ଘରର ଉତ୍ତର-ପୂର୍ବ (ଈଶାନ କୋଣ)ରେ ରହିବା ସର୍ବୋତ୍ତମ। ଏହି ଦିଗ ଈଶ୍ୱରୀୟ ଶକ୍ତି ଏବଂ ସକରାତ୍ମକ ଶକ୍ତିର ପ୍ରତୀକ ବୋଲି ବିବେଚନା କରାଯାଏ। ଉତ୍ତର-ପୂର୍ବ ଦିଗରେ ପୂଜା କକ୍ଷ ରଖିବା ଦ୍ୱାରା ଘରରେ ସମୃଦ୍ଧି, ଶାନ୍ତି ଏବଂ ଆଧ୍ୟାତ୍ମିକ ଉନ୍ନତି ହୋଇଥାଏ। ଯଦି ଉତ୍ତର-ପୂର୍ବ ଉପଲବ୍ଧ ନୁହେଁ, ତେବେ ଉତ୍ତର ବା ପୂର୍ବ ଦିଗକୁ ବାଛିବା ଉଚିତ୍। କିନ୍ତୁ ଦକ୍ଷିଣ ଦିଗକୁ ସମ୍ପୂର୍ଣ୍ଣ ଏଡ଼ାଇବା ଦରକାର, କାରଣ ଏହା ଅଶୁଭ ବୋଲି ମନେହୁଏ। 

ଏହି ଦିଗଗୁଡ଼ିକର ଏକ ସଂକ୍ଷିପ୍ତ ତୁଳନା ଆସନ୍ତୁ ଜାଣିବା। ଅର୍ଥାତ କେଉଁଠି ଠାକୁର ଘର ରହିଲେ କେତେ ଭଲ ଓ କେତେ ଶୁଭ। ଉତ୍ତର-ପୂର୍ବ ଦିଗରେ ରହିଲେ ଏହା ସର୍ବୋତ୍ତମ ବୋଲି ବାସ୍ତୁରେ କୁହାଯାଇଛି। ଏହା ସକାରାତ୍ମକ ଶକ୍ତି ପ୍ରବାହ ବୃଦ୍ଧି କରିଥାଏ। ସେହିପରି ଯଦି ଉତ୍ତର-ପୂର୍ବ ଦିଗ ମିଳୁନି, ତେବେ ଉତ୍ତର ଦିଗରେ ମଧ୍ୟ ରଖିପାରିବେ। ଏହା କୁବେର ଦିଗ। ଘରେ ଧନ ଓ ସମୃଦ୍ଧି ଆଣିଥାଏ। ସେହିପରି ପୂର୍ବ ଦିଗ ମଧ୍ୟ ବିକଳ୍ପ ଭାବରେ ବ୍ୟବହାର କରାଯାଇ ପାରିବ। ଏହା ସୂର୍ଯ୍ୟଙ୍କ ଦିଗ। ତେଣୁ ଏହା ସର୍ବାଧିକ ଶକ୍ତି ପ୍ରଦାନ କରିଥାଏ। କିନ୍ତୁ ଦକ୍ଷିଣ ଦିଗକୁ ଗ୍ରହଣ କରିବା ଅନୁଚିତ। ଏହାକୁ ଏଡେଇ ଦେବା ଦରକାର। କାରଣ ଦକ୍ଷିଣ ଦିଗରେ ଠାକୁର ଘର ରହିଲେ ଏହା ଅଶୁଭ। ଘରକୁ ନକାରାତ୍ମକ ଶକ୍ତିକୁ ନିମନ୍ତ୍ରଣ କରିଥାଏ।

ଠାକୁର ଘରର ଦ୍ୱାର

ଠାକୁର ଘରର ଦ୍ୱାର ପୂର୍ବ ବା ଉତ୍ତର ଦିଗକୁ ମୁହଁ କରିବା ଉଚିତ୍। ଏହା ସକରାତ୍ମକ ଶକ୍ତିକୁ ଆମନ୍ତ୍ରଣ କରିଥାଏ ଏବଂ ପୂଜାର ପ୍ରଭାବକୁ ବଢ଼ାଇଥାଏ। ଦ୍ୱାର ଦୁଇଟି କବାଟ ବିଶିଷ୍ଟ ହୋଇଥିବା ଉଚିତ୍। ସେଗୁଡ଼ିକ ଉତ୍ତର ବା ପୂର୍ବ ଦିଗକୁ ଖୋଲିବା ଦରକାର। ଏହା ଦ୍ୱାରା ଘରରେ ବାୟୁ ପ୍ରବାହ ଏବଂ ପ୍ରାକୃତିକ ଆଲୋକ ଆସିଥାଏ, ଯାହା ବାସ୍ତୁର ମୂଳ ନିୟମ। ଦକ୍ଷିଣ ବା ପଶ୍ଚିମ ଦିଗକୁ ଦୁଆର ମୁହଁ କରିବା ଅଶୁଭ ବୋଲି ମନେ କରାଯାଏ। 

କେଉଁ ଦିଗକୁ ମୁହଁ କରିବେ ଠାକୁର

ଠାକୁରମାନେ କେଉଁ ଦିଗକୁ ମୁହଁ କରି ବସିବେ ତାହା ମଧ୍ୟ ଗୁରୁତ୍ୱପୂର୍ଣ୍ଣ। ବାସ୍ତୁ ଅନୁସାରେ, ଠାକୁରମାନେ (ମୂର୍ତ୍ତି ବା ଚିତ୍ର) ପଶ୍ଚିମ ଦିଗକୁ ମୁହଁ କରିବା ଉଚିତ୍, ଯାହାଦ୍ୱାରା ଭକ୍ତ ପୂର୍ବ ଦିଗକୁ ମୁହଁ କରି ପୂଜା କରିପାରିବେ। ପୂର୍ବ ଦିଗ ସୂର୍ଯ୍ୟଙ୍କ ଉଦୟ ଦିଗ ହୋଇଥିବାରୁ ଏହା ନୂତନ ଶକ୍ତି ପ୍ରଦାନ କରିଥାଏ। କେତେକଙ୍କ ମତରେ ଠାକୁରମାନେ ପୂର୍ବ ବା ଉତ୍ତର ଦିଗକୁ ମଧ୍ୟ ମୁହଁ କରିପାରିବେ, କିନ୍ତୁ ଦକ୍ଷିଣ ଦିଗକୁ ମୁହଁ କରିବା ଅନୁଚିତ, ଏ ଦିଗଟିକୁ ସମ୍ପୂର୍ଣ୍ଣ ଏଡ଼ାଇ ଯାଆନ୍ତୁ। ଭକ୍ତ ପୂଜା କରିବା ସମୟରେ ଉତ୍ତର ବା ପୂର୍ବ ଦିଗକୁ ମୁହଁ କରିବା ଉଚିତ୍, କାରଣ ଦକ୍ଷିଣ ଦିଗ ଅଶୁଭ ବୋଲି ବିବେଚନା କରାଯାଏ। ମୂର୍ତ୍ତିଗୁଡ଼ିକୁ କାନ୍ଥରେ ଲଗେଇକି ଥୁଅନ୍ତୁ ନାହିଁ। ଅନ୍ତତଃ କାନ୍ଥଠାରୁ ୧ରୁ ୨ ଇଞ୍ଚ ଫାଙ୍କା ରଖିବା ଉଚିତ। ଏହାଦ୍ୱାରା ଶକ୍ତି ପ୍ରବାହ ହୋଇଥାଏ। ଏହା ବିଭିନ୍ନ ଦେବତାଙ୍କ ପାଇଁ ବିଶେଷ ଦିଗ ନିର୍ଦ୍ଧାରଣ କରିଥାଏ, ଯେମିତିକି ଗଣେଶ ପଶ୍ଚିମକୁ, ବିଷ୍ଣୁ ପୂର୍ବକୁ ଇତ୍ୟାଦି। 

ଭୁଲ୍ ଦିଗରେ ଠାକୁର ଘର ଥିଲେ…

ଯଦି ଠାକୁର ଘର ଭୁଲ୍ ଦିଗରେ, ବିଶେଷକରି ଦକ୍ଷିଣ ବା ପଶ୍ଚିମରେ ରହିଥାଏ, ତେବେ ଘରେ ନକରାତ୍ମକ ଶକ୍ତି ବଢ଼ିଥାଏ। ଏହାର ପ୍ରଭାବରେ ସ୍ୱାସ୍ଥ୍ୟ ସମସ୍ୟା ଯେମିତିକି ରୋଗ, ମାନସିକ ଅଶାନ୍ତି; ଆର୍ଥିକ କ୍ଷତି ଯେମିତିକି ଧନ ହାନି, ବ୍ୟବସାୟରେ ଅସଫଳତା; ଏବଂ ପାରିବାରିକ ଅଶାନ୍ତି, ଯେମିତିକି ଝଗଡ଼ା, ବିବାଦ ହୋଇପାରେ। ଦକ୍ଷିଣ ଦିଗ ଯମର ଦିଗ ବୋଲି ମନେହୁଏ, ଯାହା ମୃତ୍ୟୁ ବା ନକରାତ୍ମକତା ସହ ଜଡ଼ିତ। ଏହି ଅନିଷ୍ଟଗୁଡ଼ିକ ଘରର ସମଗ୍ର ବାସ୍ତୁ ସନ୍ତୁଳନକୁ ବିଗାଡ଼ିଥାଏ। ଅନିଷ୍ଟଗୁଡ଼ିକ ଏହିପରି ହେବ ବୋଲି ଅନୁମାନ କରାଯାଏ। ସ୍ୱାସ୍ଥ୍ୟ ସମ୍ବନ୍ଧୀୟ ଅନିଷ୍ଟ: ଦୀର୍ଘକାଳୀନ ରୋଗ, ମାନସିକ ଚାପ। ଆର୍ଥିକ ସମ୍ବନ୍ଧୀୟ ଅନିଷ୍ଟ: ଧନ ହାନି, ବ୍ୟବସାୟରେ ଅସଫଳତା। ସେହିପରି ପାରିବାରିକ ଅନିଷ୍ଟ: ସମ୍ପର୍କରେ ଅଶାନ୍ତି ଦେଖାଦେବ ଓ ବିବାଦ ଲାଗିରହିବ। ଏବଂ ଆଧ୍ୟାତ୍ମିକ ଅନିଷ୍ଟ: ପୂଜାର ପ୍ରଭାବ କମ୍ ହୁଏ।

ପ୍ରତିକାର

ଯଦି ଠାକୁର ଘର ଭୁଲ୍ ଦିଗରେ ଥାଏ, ତେବେ ଏହାର ପ୍ରତିକାର ସମ୍ଭବ। ପ୍ରଥମେ ପୂର୍ବ ବା ଉତ୍ତର-ପୂର୍ବ ଦିଗକୁ ମୁହଁ କରି ଏକ ଆଇନା ଲଗାଇବା ଦ୍ୱାରା ସକରାତ୍ମକ ଶକ୍ତି ବଢ଼ିଥାଏ। ଅନ୍ୟ ଉପାୟଗୁଡ଼ିକ ହେଉଛି: ଘରେ ସକାରାତ୍ମକ ବସ୍ତୁ, ଯେମିତିକି କ୍ରିଷ୍ଟାଲ୍ ବା ଯନ୍ତ୍ର ରଖିବା, ନିୟମିତ ପୂଜା ଏବଂ ହବନ କରିବା, କକ୍ଷରେ ଉଜ୍ଜ୍ୱଳ ଆଲୋକ ଏବଂ ଭଲ ବାୟୁ ପ୍ରବାହ ରଖିବା। ଯଦି ସମ୍ଭବ, କକ୍ଷକୁ ପରିବର୍ତ୍ତନ କରିବା ସର୍ବୋତ୍ତମ। 

ବାସ୍ତୁର ଏହି ନିୟମଗୁଡ଼ିକ ପାଳନ କରିବା ଦ୍ୱାରା ଘରେ ଶାନ୍ତି ଏବଂ ସମୃଦ୍ଧି ଆସିଥାଏ। ଏହା କେବଳ ପରମ୍ପରା ନୁହେଁ, ବରଂ ବୈଜ୍ଞାନିକ ଶକ୍ତି ସନ୍ତୁଳନର ଏକ ଉପାୟ। ଯଦି ଆପଣଙ୍କ ଘରରେ ବାସ୍ତୁ ଦୋଷ ଥାଏ, ତେବେ ବିଶେଷଜ୍ଞଙ୍କ ପରାମର୍ଶ ନିଅନ୍ତୁ।