T20 Match at Barabati: ବାରବାଟୀ T-20 ମ୍ୟାଚ୍ ପାଇଁ କାଲିଠୁ ଅନଲାଇନ୍ ଟିକେଟ୍ ବିକ୍ରି, ୫ ତାରିଖରେ କାଉଣ୍ଟରରେ ଟିକେଟ୍ ମିଳିବ

ବାରବାଟୀ T-20 ମ୍ୟାଚ୍ ପାଇଁ କାଲିଠୁ ଅନଲାଇନ୍ ଟିକେଟ୍ ବିକ୍ରି ହେବ। ଆଜି ଏନେଇ ସୂଚନା ଦେଇଛନ୍ତି OCA ସମ୍ପାଦକ ସଞ୍ଜୟ ବେହେରା। ଓଟିଭିକୁ EXCLUSIVE ସୂଚନା ଦେଇଛନ୍ତି ସଞ୍ଜୟ।

ଏଥର ୨ ହଜାର ସିଟ୍ କମିବା ପରେ ୪୨ ହଜାର ଦର୍ଶକ ମ୍ୟାଚ୍ ଦେଖିବେ। ସେଥିରୁ ୨୩ ହଜାର ଟିକେଟ୍ ବିକ୍ରି ହେବ, ୧୮ ହଜାର ୪ ଶହ କମ୍ପ୍ଲିମେଣ୍ଟାରୀ ପାସ୍ ବଣ୍ଟାଯିବ। ଅନଲାଇନରେ କେବଳ ୨ ହଜାର ଟିକେଟ୍ ବିକ୍ରି ହେବ। ବାକି ୫ ତାରିଖରେ କାଉଣ୍ଟରରେ ଟିକେଟ୍ କିଣି ନେଇପାରିବେ ଦର୍ଶକ। 

ଗତ ମ୍ୟାଚର ଟିକେଟ୍ ବିଭ୍ରାଟକୁ ଦେଖି ଏଥର ସ୍ବତନ୍ତ୍ର ବ୍ୟବସ୍ଥା

ଗତ ଥର ମ୍ୟାଚ ବେଳେ ଟିକେଟ୍ ବିକ୍ରି ବେଳେ ବ୍ୟାପକ ବିଭ୍ରାଟ ଦେଖିବାକୁ ମିଳିଥିଲା। କାଉଣ୍ଟରରେ ପ୍ରବଳ ଭିଡ଼ ହେବା ସହ ଠେଲାପେଲା ସ୍ଥିତି ଉପୁଜିଥିଲା। ତେଣୁ ଏହାକୁ ଦୃଷ୍ଟିରେ ରଖି ଟିକେଟ୍ ବିକ୍ରିରେ ଅବ୍ୟବସ୍ଥା ଏଡ଼ାଇବାକୁ ବନ୍ଦୋବସ୍ତ ହୋଇଥିବା କହିଛନ୍ତି ଓସିଏ ସମ୍ପାଦକ। ତାସହ ମ୍ୟାଚ୍ ବେଳେ ଲାଇଟ୍ କଟି ଯାଇଥିଲା, ତେଣୁ ଏଥର ଲାଇଟ୍ ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଥିବା ଦୋହରାଇଛନ୍ତି।...୯ ତାରିଖରେ ବାରବାଟୀରେ ଭାରତ-ଦକ୍ଷିଣ ଆଫ୍ରିକା ଟି-୨୦ ମ୍ୟାଚ୍ ଖେଳାଯିବ।