Protest Chaos: ଆନ୍ଦୋଳନ ବେଳେ ଜବରଦସ୍ତ ନେଉଥିଲେ ଗାଡ଼ି, କି ମାଡ଼...

ଗାଡି ଉପରକୁ ଅତର୍କିତ ଆକ୍ରମଣ । କିଏ ଢେଲା ମାଡ଼ କରୁଛି ତ ଆଉ କିଏ ବାଡିରେ ପିଟୁଛି । ହମ୍ପସ ନିର୍ମାଣ ଦାବିରେ ପ୍ରତିବାଦ ବେଳେ ଏଭଳି କାଣ୍ଡ ଦେଖିବାକୁ ମିଳିଛି ।  ଯାହାର ଭିଡିଓ ଏବେ ଭାଇରାଲ ହେବାରେ ଲାଗିଛି ।

ଏ ଘଟଣା ହେଉଛି ବରଗଡ ଜିଲ୍ଲା ବରଡୋଲର l ଗତ ସୋମବାର ଦିନ ସନ୍ଧ୍ୟାରେ ବରଗଡର ବରଡୋଲରେ ଏକ ସଡ଼କ ଦୁର୍ଘଟଣା ହୋଇଥିଲା l ଅଜଣା ଗାଡ଼ି ଧକ୍କାରେ ଜଣେ ମହିଳାଙ୍କ ମୃତ୍ୟୁ ହୋଇଥିଲା l ପୋଲିସର ସୂଚନା ଅନୁସାରେ ସ୍ବାମୀ-ସ୍ତ୍ରୀ ବରଗଡ଼ରୁ ଭଟଲି ଯିବା ବେଳେ ବରଡୋଲ ଛକରେ ଏକ ଅଜଣା ଗାଡ଼ି ଧକ୍କା ଦେଇଥିଲା ।

ପ୍ରତିବାଦରେ ସ୍ଥାନୀୟ ବାସିନ୍ଦା ହମ୍ପସ ତିଆରି ଦାବିରେ ରାସ୍ତାରୋକ କରିଥିଲେ l ଆଉ ଏହି ସମୟରେ ଏହି ଅମାନିଆ ଗାଡ଼ି ଜୋର୍ ଜବରଦସ୍ତ ଯିବା ପାଇଁ ଗାଡ଼ି ପୂରାଇ ଦେବାରୁ ଉତ୍ତ୍ୟକ୍ତ ଲୋକେ ଗାଡ଼ି ଉପରକୁ ପଥର ମାଡ଼ କରିବା ସହ ଗାଡ଼ିକୁ ଭଙ୍ଗା ରୁଜା କରିଥିଲେ l ଏପରିକି ଅମାନିଆ ଗାଡ଼ି ଚାଳକ ଓ ଗାଡ଼ିରେ ବସିଥିବା କିଛି ଯୁବକଙ୍କୁ ନିର୍ଧୁମ ମାଡ ମାରିଥିବା ଭିଡିଓ ଭାଇରାଲ ହୋଇଛି l ଏମିତିକି ସଂପୃକ୍ତ ଗାଡି ଡ୍ରାଇଭରକୁ ଉତ୍ତ୍ୟକ୍ତ ଲୋକେ ମାଡ ମାରିଥିଲେ।

ଗାଡି ଉପରକୁ ଅତର୍କିତ ଆକ୍ରମଣ 

କିଏ ପଥର ମାରୁଛି ତ ଆଉ କିଏ ବାଡିରେ ପିଟୁଛି 
ହମ୍ପସ ନିର୍ମାଣ ଦାବିରେ ପ୍ରତିବାଦ ବେଳେ ଏଭଳି କାଣ୍ଡ
ବରଗଡ ବରଡୋଲରେ ଏକ ଦୁର୍ଘଟଣା ପରେ ଏପରି କାଣ୍ଡ
ଆନ୍ଦୋଳନ ବେଳେ ଜବରଦସ୍ତ ଗାଡ଼ି ନେବାକୁ କେନ୍ଦ୍ର କରି ଭଙ୍ଗାରୁଜା