Pitabas Murder Case: ପୀତବାସ ପଣ୍ଡାଙ୍କୁ ମାରିଛି ପ୍ରଫେସନାଲ୍ କିଲର୍! ଜଣା ପଡିଲା କିଏ ସେହି ହତ୍ୟାକାରୀ...

ଆଇନଜୀବୀ ତଥା ବିଜେପି ନେତା ପୀତବାସ ପଣ୍ଡାଙ୍କୁ ମାରିଛି ପ୍ରଫେସନାଲ୍ କିଲର୍ ! ସୁପାରୀ ଦେଇ ପୀତବାସ ପଣ୍ଡାଙ୍କୁ କରାଯାଇନି ତ ହତ୍ୟା (Murder Case) ? ମର୍ଡର ପଛରେ ରହିଛି କି ପ୍ରଭାଳୀ ବ୍ୟକ୍ତିଙ୍କ ହାତ ? ଖୋଲିବ ପ୍ରିପ୍ଲାନିଂ ମର୍ଡର ପଛର କଳା ଫର୍ଦ୍ଦ ! କାରଣ ବ୍ରହ୍ମପୁର ଏସପି ଶ୍ରବଣ ବିବେକ୍ ଏମ ଗଣମାଧ୍ୟମ ଆଗରେ ରଖିଥିବା ପ୍ରତିକ୍ରିୟା ସମସ୍ତଙ୍କୁ ତାଜୁବ୍ କରିଛି । ଏସପିଙ୍କ କହିବା କଥା, ୨ ଦୁର୍ବୃତ୍ତ ଧଳା ସାର୍ଟ ପିନ୍ଧିଥିଲେ । ମୁଣ୍ଡରେ କଳା ହେଲମେଟ୍ ଦେଇଥିଲେ । ଦେଶୀ ବନ୍ଧୁକରେ ଯେଉଁ ଗୁଳି ଖଞ୍ଜା ଯାଇଥିଲା ତାହା ବୋଧହୁଏ 9 MM ନୁହେଁ, ବରଂ 5.56 MM ହୋଇପାରେ । ଯାହାକୁ ବାଲିଷ୍ଟିକ ଏକ୍ସପର୍ଟ ଯାଞ୍ଚ କରୁଛନ୍ତି । ଯଦି 5.56 MM ତା’ହେଲେ ଏହି ଗୁଳି ଯଥେଷ୍ଟ ବଡ଼, ଏବଂ ଅଧିକ ଶକ୍ତିଶାଳୀ । ଅର୍ଥାତ ପୀତବାସଙ୍କ ମର୍ଡର ପ୍ଲଟ୍ ଥିଲା ଅତି ସୁଚିନ୍ତିତ ବୋଲି ଏସପି କହିଛନ୍ତି ।
ଦିନକୁ ଦିନ ଆଇନଜୀବୀ ତଥା ବିଜେପି ନେତା ପୀତବାସ ପଣ୍ଡା ହତ୍ୟା ମାମଲାରେ ନୂଆ ସୁରାକ୍ ମିଳୁଛି । ପୋଲିସ ହତ୍ୟାର ସବୁ ଦିଗକୁ ନେଇ ତନାଘନା କରୁଛି । ହତ୍ୟା ପଛରେ ବୃତ୍ତିଗତ ନା ରାଜନୈତିକ ବିବାଦ ତାହାର ଖୋଳତାଡ଼ ଚାଲିଛି । ତଦନ୍ତକୁ ଆହୁରି ଜୋରଦାର କରିବାକୁ ୬ଟି ଟିମ୍ ମଧ୍ୟ ଗଠନ କରିଛି ବ୍ରହ୍ମପୁର ପୋଲିସ । ଡିଏସପି ପାହ୍ୟାର ଅଧିକାରୀଙ୍କ ନେତୃତ୍ବରେ ଏହି ଟିମ୍ ଗଠନ ହୋଇଥିବା ବେଳେ ସବୁ ଟିମରେ ରହିଛନ୍ତି ସିନିୟର ଅଫିସର । ଟିମର ସମସ୍ତ ସଦସ୍ୟ SNT ରୋଡରୁ ଆରମ୍ଭ କରି ବୈକୁଣ୍ଠନଗର ଯାଏଁ ଥିବା ୫୦ରୁ ଅଧିକ ସିସିଟିଭି ଓ କଲରେକର୍ଡକୁ ଯାଞ୍ଚ କରୁଛନ୍ତି ।
ସେପଟେ ପୀତବାସଙ୍କ X-RAY ରିପୋର୍ଟରୁ ମିଳିଥିବା ସମସ୍ତ ତଥ୍ୟକୁ ନେଇ ପୋଲିସ କରୁଛି ବଡ଼ ଇନଭେଷ୍ଟିଗେସନ । ତେବେ ପୀତବାସଙ୍କ ମର୍ଡରର କିଏ ? କାହିଁକି ହତ୍ୟା କଲେ ? କିଲରଙ୍କ କେତେ ନିକଟତର ହେଲାଣି ପୋଲିସ ? ଏଭଳି ଅନେକ ପ୍ରଶ୍ନ ସମସ୍ତଙ୍କ ମନରେ ଉଙ୍କି ମାରୁଛି ।

ଅଧିକ ଦେଖନ୍ତୁ: