Odisha Village Declares: ମଦ ପିଇଲେ ବସିବ ପାହାର, ପ୍ରସ୍ତୁତ ହେଲେଣି....

ମଦ, ଗଞ୍ଜେଇ, ଜୁଆ ସବୁ ବ୍ୟାନ୍। ଦୋକାନ ବଜାର କାନ୍ଥ ସବୁଠି ଲାଗିଛି ପୋଷ୍ଟରl ଗାଁ ପରିସର କିମ୍ବା ସର୍ବ ସାଧାରଣ ସ୍ଥାନରେ ଆଉ ଚଳିବନି ଜୁଆର ଆସର, ମଦ ବ୍ୟବସାୟ ଏବଂ ନିଶା ଖୋରଙ୍କ ଉପଦ୍ରଵl ଗାଁ ରେ ଶାନ୍ତି,ମହିଳାଙ୍କୁ ସମ୍ମାନ, ଯୁବ ପିଢ଼ ଙ୍କ ଉଜ୍ଜଳ ଭବିଷ୍ୟତ ଗଠନ ଲାଗି ପଦକ୍ଷେପ ନେଲା ଯୁବ ସଂସଦ l

ଗଞ୍ଜାମ ଜିଲ୍ଲା ପୋଲସରା ବ୍ଲକ କଳା ସସ୍କୃତି,ଭାଇଚାରାର ଗ୍ରାମ ହେଉଛି କଳମ୍ବl ଗୋଟିଏ ଗ୍ରାମ ଗୋଟିଏ ପଞ୍ଚାୟତ ହୋଇଥିବା ବେଳେ କିଛି ବର୍ଷ ହେବ ଗ୍ରାମରେ ଜୁଆ ଖେଳ, ମଦ,ଗଞ୍ଜେଇ ବ୍ୟବସାୟ ବୃଦ୍ଧି ପାଇଥିଲି l ଫଳରେ ଗ୍ରାମ ଆସାନ୍ତ ହେବା ସହ ଯୁବ ପିଢ଼ି ପଥ ଭ୍ରଷ୍ଟ ହେଉଥିଲେ l ଗ୍ରାମରେ ଶାନ୍ତି, ଯୁବ ପିଢ଼ି ଙ୍କ ଉଜ୍ଜଳ ଭବିଷ୍ୟତ ଗଠନ ସହ ଗ୍ରାମରେ ଜୁଆ, ମଦ,ଗଞ୍ଜେଇ ବିକ୍ରୟ ଓ ସେବନ ବନ୍ଦ ଲାଗି ଆଗକୁ ଆସିଛି ନେହେରୁ ଯୁବ ସଂସଦ ଓ ଗ୍ରାମ୍ୟ ଉନ୍ନୟନ କମିଟି l 

ଡାକବାଜି ଯନ୍ତ୍ର ଦ୍ୱାରା ଗ୍ରାମର ସାହି ଗଳିରେ ପ୍ରଚାର କରି କାନ୍ଥରେ ଲଗାଇଛି ପୋଷ୍ଟରl ଜୁଆ ଖେଳ ବନ୍ଦ ସହ ନିଶା ଦ୍ରବ୍ୟ ବିକ୍ରୟ କିମ୍ବା ସେବନ ନକରିବାକୁ କମିଟି ତରଫରୁ କରାଯାଉଛି ଅନୁରୋଧl ଯଦି ନିଷ୍ପତିକୁ କେହି ଅବମାନନା କରେ ତେବେ ସୂଚନା ଦେଲେ ବ୍ୟକ୍ତି ବିଶେଷଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଚେତାବନୀ ଦିଆଯାଇଛିl 

ତେବେ ନେହାରୁ ଯୁବ ସଂସଦ ପ୍ରଚେଷ୍ଟାରେ 1992 ମସିହା ଠାରୁ 2014 ପର୍ଯ୍ୟନ୍ତ ଗ୍ରାମରେ ନିଶା କାରବାର ବନ୍ଦ ଥିଲାl ପରେ ସଂସଦ ସୁପ୍ତ ଅବସ୍ଥାକୁ ଚାଲିଯିବା ଯୋଗୁଁ ଗ୍ରାମରେ ପୁଣି ମାଦକ ଦ୍ରବ୍ୟ ବିକ୍ରୟ ବୃଦ୍ଧି ପାଇଥିଲାl ତେଣୁ ଚଳିତ ବର୍ଷ ଯୁବ ସଂସଦ ପୁନର୍ଗଠନ ହେବା ପରେ ପୁଣି ଥରେ ଗ୍ରାମକୁ ନିଶା ଓ ଜୁଆ ମୁକ୍ତ କରିବକୁ ଆରମ୍ଭ ହୋଇଛି ପ୍ରଚେଷ୍ଟାl ଯୁବ ସଂସଦର ଏହି ନିଆରା ପ୍ରୟାସକୁ ସବୁଠି କରାଯାଉଛି ପ୍ରଶଂସା।