Fatal Human-Elephant Conflict: ଗାଁ ନିକଟରେ ହାତୀ ପଲ, ଘଉଡାଇବା ବେଳେ ଜଣେ ଯୁବକ ମୃତ

ଗାଁ ନିକଟରେ ଘୂରି ବୁଲୁଛନ୍ତି ୧୫ ଟିକିଆ ହାତୀ ପଲ। ହାତୀ ଆକ୍ରମଣରେ ଯୁବକ ମୃତ। ଏଭଳି ଅଭାବନୀୟ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଭୂଆସୁଣିପାଟଣା ଗ୍ରାମରେ। ଗତ ରାତିରୁ ୧୫ ଟିକିଆ ହାତୀପଲ ଗ୍ରାମ ନିକଟରେ ବ୍ୟାପକ କ୍ଷୟକ୍ଷତି ଘଟାଇଛନ୍ତି । ତେବେ ଆଜି ସକାଳ ସମୟରେ ହାତୀପଲ ଘଉଡାଇବା ପାଇଁ ଗ୍ରାମବାସୀ ଉଦ୍ୟମ କଲାବେଳେ ପ୍ରିୟବ୍ରତ ପରିଡା ନାମକ ଯୁବକକୁ ଗୋଟିଏ ଦନ୍ତା ହାତୀ ଆକ୍ରମଣ କରିବାରୁ ଘଟଣାସ୍ଥଳରେହିଁ ମୃତ୍ୟୁ ହୋଇଯାଇଥିଲା। ଖବର ପାଇ ବନ ବିଭାଗର କର୍ମଚାରୀ ପହଞ୍ଚି ମୃତ ଦେହ ଉଦ୍ଧାର କରିବା ସହିତ ହାତୀପଲ ଉପରେ ନଜର ରଖିଛନ୍ତି ।

ଗାଁରେ ୧୫ ଟିକିଆ ହାତୀ ପଲଙ୍କ ଉପଦ୍ରବ

ହାତୀ ଆକ୍ରମଣରେ ଯୁବକ ମୃତ
ହାତୀପଲ ଘଉଡାଇବା ବେଳେ ଆକ୍ରମଣ
ବେଗୁନିଆ ଥାନା ଭୂଆସୁଣିପାଟଣା ଗ୍ରାମରେ ଅଘଟଣ
ହାତୀପଲଙ୍କ ପାଇଁ ଗ୍ରାମବାସୀ ଭୟଭୀତ

ଅନ୍ୟ ଏତ ଘଟଣାରେ କେନାଲରେ ପଡି଼ ମାଈ ହାତୀର ମୃତ୍ୟୁ। ଟିଟିଲାଗଡ ରେଞ୍ଜ ବେଲଗାଁ ସେକ୍ସନରୁ ଏକ ହାତୀର ମୃତଦେହ ଉଦ୍ଧାର କରାଯାଇଛି। କିଛି ଦିନ ପୂର୍ବରୁ କଳାହାଣ୍ଡି ପଟୁ ଏକ ଗୋଠ ଛଡା ମାଈ ହାତୀ ବେଲଗାଁ ସେକ୍ସନକୁ ପ୍ରବେଶ କରିଥିଲା। ୮ ଦିନ ହେବ ହାତୀଟି ଅସୁସ୍ଥ ଥିଲା। ବନ ବିଭାଗ ମଧ୍ୟ ହାତୀକୁ କ୍ରମାଗତ ଭାବେ ଟ୍ରାକିଂ କରୁଥିଲା। ତେବେ ଆଜି ହାତୀଟିର କେନାଲରେ ପଡ଼ି ମୃତ୍ୟୁ ହୋଇଥିବା ଜଣାପଡିଛି। ଟିଟିଲାଗଡ ରେଞ୍ଜର, ବଲାଙ୍ଗୀର ଏସିଏଫ ଓ ଡିଏଫଓ ଘଟଣାସ୍ଥାଳକୁ ପହଞ୍ଚି ଘଟଣାର ତଦନ୍ତ କରୁଛନ୍ତି। ...

କେନାଲରେ ପଡି ମାଈ ହାତୀର ମୃତ୍ୟୁ

ଟିଟିଲାଗଡ ରେଞ୍ଜ ବେଲଗାଁ ସେକ୍ସନରୁ ମୃତଦେହ ଉଦ୍ଧାର
କଳାହାଣ୍ଡିରୁ ବେଲଗାଁ ଆସିଥିଲା ହାତୀ
୮ ଦିନ ହେବ ହାତୀଟି ଅସୁସ୍ଥ ଥିଲା
ରେଞ୍ଜର, ଡିଏଫଓ ପହଞ୍ଚି ତଦନ୍ତ କରୁଛନ୍ତି