Bone-Chilling Cold: ଘନ କୁହୁଡି ସାଙ୍ଗକୁ ହାଡ ଭଙ୍ଗା ଶୀତ: ୬ ଡିଗ୍ରୀକୁ ଖସିଲା ପାରଦ

ଥରାଇଲାଣି ଶୀତ । ଚଳିତବର୍ଷ ପ୍ରଥମ ଥର ପାଇଁ ରାଜ୍ୟରେ ୬ ଡିଗ୍ରୀକୁ ଖସିଲା ପାରଦ। ଗତକାଲି ସେମିଳିଗୁଡାଠାରେ ୬.୩ ଡିଗ୍ରୀ ରାତ୍ରି ତାପମାତ୍ରା ରେକର୍ଡ ହୋଇଥିଲା। ୮.୨ ଡିଗ୍ରୀ ଶୀତରେ ଥରୁଛି ଫୁଲୁବାଣୀ । ୧୦ ସହରରେ ୧୨ ଡ଼ିଗ୍ରୀ ତଳେ ରହିଛି ପାରଦ । ୧୫ ଡିଗ୍ରୀ ତଳେ ରେକର୍ଡ ହୋଇଛି ଟୁଇନସିଟି ଭୁବନେଶ୍ବର ଓ କଟକର ତାପମାତ୍ରା । ଉଭୟ ସହରରେ ୧୪.୮ ଡିଗ୍ରୀ ପାରଦ ରେକର୍ଡ ହୋଇଛି । ଆସନ୍ତା ୨ ସପ୍ତାହ ପର୍ଯ୍ୟନ୍ତ ରାଜ୍ୟରେ ଶୀତ ଲହରୀ ରହିବା ନେଇ ସତର୍କ କରିଛି ପାଣିପାଗ ବିଭାଗ ।

ଅନ୍ୟପଟେ କୋରାପୁଟ ଲମତାପୁଟ ଅଞ୍ଚଳରେ ଘନ କୁହୁଡି ସାଙ୍ଗକୁ ହାଡ ଭଙ୍ଗା ଶୀତ ଲୋକଙ୍କୁ ଅସ୍ତବ୍ୟସ୍ତ କରିଛି। ଘନ କୁହୁଡି ଯୋଗୁଁ ରାସ୍ତା ଉପରେ ଯାନବାହନ ଚଳାଚଳରେ ସମସ୍ୟା ଦେଖାଦେଇଛି l ବିଶେଷ କରି ମୌସୁମୀ ଫେରିଗଲା ପରେ ବିଳମ୍ବରେ ଲମତାପୁଟକୁ ଶୀତ ଆସିଛି। ଚାରି ଦିନ ହେଲା ହାଡ ଭଙ୍ଗା ଶୀତ ଅନୁଭୂତ ହେଉଛି । ସମଗ୍ର ଲମତାପୁଟ ସହର ଏବେ କୁହୁଡି ଚାଦର ତଳେ ଢାଙ୍କି ହୋଇ ରହିଛି।
•    ଡେରିରେ ଆସି ଥରାଉଛି ଶୀତ
•    ଖସୁଛି ତାପମାତ୍ରା, ବଢୁଛି ଶୀତ
•    ଚଳିତବର୍ଷ ପ୍ରଥମ ଥର ୬ ଡିଗ୍ରୀକୁ ଖସିଲା ପାରଦ
•    ସେମିଳିଗୁଡାଠାରେ ୬.୩ ଡିଗ୍ରୀ ରାତ୍ରି ତାପମାତ୍ରା ରେକର୍ଡ 
•    ୮.୨ ଡିଗ୍ରୀ ଶୀତରେ ଥରୁଛି ଫୁଲୁବାଣୀ 
•    ୧୦ ସହରରେ ୧୨ ଡିଗ୍ରୀ ତଳେ ପାରଦ
•    ୧୫ ଡିଗ୍ରୀ ତଳେ କଟକ ଓ ଭୁବନେଶ୍ବର