Sunita Williams: ସୁନୀତା ପୃଥିବୀକୁ ଫେରିଲେ, ସାଥୀ ବୈଜ୍ଞାନିକଙ୍କୁ ଦେଖି ହସି ଦେଲେ

ଲିଭି ସାରିଛି ଛାତିର ଭୟର... ଓଠରେ ଫୁଟୁଛି ହସ । ଖାଲି ନାସା ନୁହେଁ, ସାରା ବିଶ୍ୱ ବେଶ୍‌ ଖୁସି ଏ ବୈଜ୍ଞାନିକମାନଙ୍କ ସଫଳତା ପାଇଁ । ପୂର୍ବ ନିର୍ଦ୍ଧାରିତ ଅନୁସାରେ ପ୍ରାୟ ପାଖାପାଖି ଭାରତୀୟ ସେହି ସମୟ ମଧ୍ୟରେ ପୃଥିବୀ ପୃଷ୍ଠରେ ପାଦ ଥାପିଛନ୍ତି ସୁନୀତା । ସୁନୀତାଙ୍କ ସହ ୪ ସାଥୀ ସହଯୋଗୀଙ୍କୁ ଦେଖି ନାଶା ବି ବେଶ୍‌ ଖୁସ୍‌ । କାରଣ ଦୀର୍ଘ ୯ ମାସର ପ୍ରରିଶ୍ରମ ତା’ର ସଫଳ ହୋଇଛି । ଅନ୍ତରୀକ୍ଷରୁ ଫେରିଆସିଛନ୍ତି ସାହସୀ ସୁନିତା, ବୁଚ୍ ୱିଲମୋର୍ ଏବଂ ଅନ୍ୟ ୨ ମହାକାଶଚାରୀ । ପୃଥିବୀକୁ ଫେରିବା ପୂର୍ବରୁ ଏଥିଲା ସୁନୀତାଙ୍କ ପାଇଁ କିଛି କିଛି ସ୍ଥାନରେ ପ୍ରାର୍ଥନା । ହୋମ ଯଜ୍ଞ, ସହ ଭଗବାନଙ୍କୁ ହୃଦୟରୁ ଡାକିଥିଲେ ଲୋକେ । ସୁନୀତାଙ୍କ ସଫଳ ଯାତ୍ରା ପାଇଁ କାମନା କରିଥିଲେ ।

ଆମେରିକାର ଫ୍ଲୋରିଡ଼ା ତଟରେ ନିର୍ଦ୍ଧାରିତ ଭାରତୀୟ ସମୟ ଭୋର୍ ୩ଟା ୨୭ ମିନିଟରେ ସଫଳ ଲାଣ୍ଡିଂ କରିଛି ଡ୍ରାଗନ୍ କ୍ୟାପସୁଲ୍ । ନାସା ଏବଂ ସ୍ପେଶ୍ ଏକ୍ସର ମିଳିତ ଉଦ୍ୟମରେ ସଫଳତାର ସହ ମହାକାଶ ଛାଡ଼ି ପୃଥିବୀରେ ପହଞ୍ଚିଛନ୍ତି ୪ ମହାକାଶଚାରୀ । ..ସୁନୀତା ୱିଲିୟମ୍ସ ଏବଂ ତାଙ୍କ ସାଥୀ ବୁଚ ୱିଲମର, ୮ ଦିନର ମିଶନ ବଦଳରେ ପ୍ରାୟ ୯ ମାସ ମହାକାଶରେ ଫସିରହିଥିଲେ ।

ଗତ ବର୍ଷ ଜୁନ୍ ୫ ତାରିଖରେ ସୁନୀତା ୱିଲିୟମ୍ସ ଓ ବୁଚ୍ ୱିଲମୋର ବୋଇଂ ଷ୍ଟାର୍ ଲାଇନର୍ ମହାକାଶ ଯାନରେ ଅନ୍ତର୍ଜାତୀୟ ମହାକାଶ କେନ୍ଦ୍ରରେ ପହଞ୍ଚିଥିଲେ। କିନ୍ତୁ ମହାକାଶଯାନର ପ୍ରପଲ୍ସନ ସିଷ୍ଟମରେ ତ୍ରୁଟି ଓ ହିଲିୟମ ଗ୍ୟାସ୍ ଲିକ୍ ଯୋଗୁଁ ସେମାନଙ୍କ ପ୍ରତ୍ୟାବର୍ତ୍ତନ ବିଳମ୍ବ ହୋଇଥିଲା। ଶେଷରେ ସ୍ପେସ୍ ଏକ୍ସ କ୍ୟାପସୁଲରେ ପୃଥିବୀ ପୃଷ୍ଠକୁ ଫେରିଛନ୍ତି ।

ଅନ୍ୟପଟେ ସୁନୀତାଙ୍କ ଫେରିବା ବାଟକୁ ଯେମିତି ଅନାଇ ବସିଛି ଭାରତ । କରାଯାଉଛି ପୂଜାର୍ଚ୍ଚନା ଏବଂ ପୃଥିବୀକୁ ସୁନୀତା ଫେରିଲେ ତାଙ୍କୁ ଭାରତ ଆସିବାକୁ ଆମନ୍ତ୍ରଣ କରିଛନ୍ତି ପ୍ରଧାନମନ୍ତ୍ରୀ । ଏଥିଲାଗି କିଛି ଦିନ ପୂର୍ବରୁ ସୁନୀତାଙ୍କୁ ମୋଦି ଚିଠି ମଧ୍ୟ ଲେଖିଛନ୍ତି ।